Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO OCTOBER 2016

 HII SHI AKƐ KRISTOFONYO

Ani Okɛ JW.ORG Kaadi lɛ Miitsu Nii Jogbaŋŋ?

Ani Okɛ JW.ORG Kaadi lɛ Miitsu Nii Jogbaŋŋ?

Akɛni amanehulu kpeteŋkpele lɛ miibɛŋkɛ hewɔ lɛ, wɔshiɛmɔ nitsumɔ lɛ he miihia waa fe be ni eho. (Abɛ 24:11, 12, 20) Bɔ ni afee ni wɔnyɛ wɔye wɔbua mɛi lɛ, wɔbaanyɛ wɔkɛ jw.org kaadi lɛ atsu nii kɛgbala amɛjwɛŋmɔ kɛya Nyɔŋmɔ Wiemɔ lɛ kɛ wɔwɛbsaiti lɛ nɔ. Okadi ko yɛ kaadi lɛ nɔ ni kɛ́ oskani lɛ, ekɛbo baaya vidio ni ji, Mɛni Hewɔ Esa akɛ Okase Biblia Lɛ? nɔ, ni obaana saji krokomɛi kɛ ninefɔɔ kɛhã Biblia mli nikasemɔ hu yɛ jɛmɛ. Mɛi komɛi sumɔɔɔ ni amɛheɔ wɔwoji lɛ, shi amɛmiisumɔ ni amɛya wɔwɛbsaiti lɛ nɔ. Kaashashao shi akɛ obaahã mɛi nɛɛ kaadi lɛ eko. Shi kaahã mɛi ni booo bo toi lɛ kaadi lɛ eko.

Yɛ odaa gbi shihilɛ mli lɛ, obaanyɛ owie nɔ ko kuku kɛtee mɔ ko miishɛɛ shi kɛhã kaadi lɛ, tamɔ: “Miyɛ nɔ ko ni masumɔ ni mikɛhã bo. Kaadi nɛɛ kɛbo baaya wɛbsaiti ko ni obaanyɛ oná woji kɛ vidioi ni wieɔ saji srɔtoi ahe lɛ nɔ ní owooo nyɔmɔ ko.” (Yoh 4:7) Akɛni jw.org kaadi lɛ edaaa hewɔ lɛ, obaanyɛ ohiɛ fioo komɛi yɛ ohe koni okɛtsu nii be fɛɛ be ni obaaná hegbɛ.