Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO OCTOBER 2016

 NYƆŊMƆ WIEMƆ LƐ MLI JWETRII | ABƐI 1-6

“Okɛ Ohiɛ Afɔ̃ Yehowa nɔ Kɛ Otsui Fɛɛ”

“Okɛ Ohiɛ Afɔ̃ Yehowa nɔ Kɛ Otsui Fɛɛ”

Yehowa ji mɔ ni fe fɛɛ ni wɔbaanyɛ wɔkɛ wɔhiɛ afɔ̃ enɔ kwraa kɛmɔ shi. Shishinumɔ ni yɔɔ egbɛ́i lɛ sɛɛ lɛ hãa wɔnáa nɔmimaa akɛ, ebaanyɛ etsu eshiwoi fɛɛ he nii. Sɔlemɔ baanyɛ aye abua wɔ waa koni wɔkɛ wɔhiɛ afɔ̃ Yehowa nɔ. Abɛi yitso 3 lɛ maa nɔ mi kɛhãa wɔ akɛ, kɛ́ wɔkɛ wɔhiɛ fɔ Yehowa nɔ lɛ, ‘ebaajaje wɔtempɔŋi’ lɛ.

Mɔ ni buɔ ehe nilelɔ lɛ . . .

3:5-7

  • biii Yehowa gbɛtsɔɔmɔ dani ekpɛɔ eyiŋ

  • kɛ ehiɛ fɔ̃ɔ lɛ diɛŋtsɛ loo je lɛ susumɔ nɔ

Mɔ ni kɛ ehiɛ fɔ̃ɔ Yehowa nɔ lɛ . . .

  • wajeɔ ekɛ lɛ teŋ wekukpaa lɛ kɛtsɔ Biblia lɛ kasemɔ, sanenɔjwɛŋmɔ, kɛ sɔlemɔ nɔ

  • etaoɔ egbɛtsɔɔmɔ kɛtsɔ Biblia mli shishitoo mlai anɔ ni edamɔɔ kɛkpɛɔ eyiŋ lɛ nɔ

TE GBƐI ENYƆ NƐƐ ATEŊ NƆ NI MIDAMƆƆ NƆ MIKPƐƆ MIYIŊ LƐ?

KLƐŊKLƐŊ LƐ: Mihalaa gbɛ ni misusuɔ akɛ no ji nɔ nilee yɔɔ mli fe fɛɛ

KLƐŊKLƐŊ LƐ: Mitaoɔ Yehowa gbɛtsɔɔmɔ kɛtsɔ sɔlemɔ kɛ aŋkro nikasemɔ nɔ

NƆ NI JI ENYƆ LƐ: Mibiɔ Yehowa ni ejɔɔ miyiŋkpɛɛ lɛ nɔ

NƆ NI JI ENYƆ LƐ: Mihalaa gbɛ ni kɛ Biblia mli shishitoo mlai kpãa gbee