Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Wɔshiɛmɔ Kɛ Wɔshihilɛ Kpee Nifeemɔ Wolo  |  November 2016

Shiɛmɔ Wiemɔi

Shiɛmɔ Wiemɔi

BUU-MƆƆ

Sanebimɔ: Kɛ́ mɔ ko bi bo ni otsɔɔ lɛ bɔ ni ŋwɛi ji hã lɛ, mɛni obaakɛɛ?

Ŋmalɛ: Yoh 8:23

Wolo lɛ Kɛhãmɔ: Buu-Mɔɔ nɛɛ wieɔ nibii ni Yesu kɛ e-Tsɛ lɛ fɛɛ ehã wɔle yɛ bɔ ni ŋwɛi ji hã lɛ he.

TSƆƆMƆ ANƆKWALE LƐ

Sanebimɔ: Kɛ okwɛ lɛ, ani jeee Biblia mli gbalɛ nɛɛ ji nɔ ni wɔnaa ni yaa nɔ ŋmɛnɛ lɛ?

Ŋmalɛ: 2Ti 3:1-5

Anɔkwa Sane: Akɛni Biblia mli gbalɛ ni kɔɔ naagbee gbii lɛ ahe lɛ miiba mli bianɛ hewɔ lɛ, wɔbaanyɛ wɔná nɔmimaa akɛ gbalɛ ni kɔɔ wɔsɛɛ shihilɛ kpakpa he lɛ hu baaba mli.

MƐNI HEWƆ ESA AKƐ OKASE BIBLIA LƐ? (Vidio)

Hiɛkpamɔ: Wɔmiijie vidio ko ni sɛɛ kɛɛɛ, ni tsɔɔ he ni wɔbaanyɛ wɔná shihilɛ mli sanebimɔi ni he hiaa waa, ni hãa mɔ tsui nyɔɔ emli lɛ ahetoi yɛ wɔmiitsɔɔ mɛi fɛɛ. [Jiemɔ vidio lɛ.]

Wolo lɛ Kɛhãmɔ: Wolo nɛɛ tsɔɔ nɔ ni Biblia lɛ kɛɔ yɛ bɔ ni Nyɔŋmɔ baafee etsu je lɛ naagbai lɛ ahe nii lɛ he. [Okɛ Biblia lɛ Tsɔɔ loo Wɔbaanyɛ Wɔkase wolo lɛ ahã lɛ.]

TOO BO DIƐŊTSƐ OSHIƐMƆ WIEMƆ HE GBƐJIANƆ

Kwɛmɔ bɔ ni ato shiɛmɔ wiemɔi ni tsɔ hiɛ lɛ he gbɛjianɔ lɛ nɔ koni oto bo diɛŋtsɛ onɔ he gbɛjianɔ.