Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 NYƆŊMƆ WIEMƆ LƐ MLI JWETRII | 2 KORINTOBII 4-6

Wɔnijiaŋ Ejeee Wui

Wɔnijiaŋ Ejeee Wui

4:16-18

Ŋɔɔ lɛ akɛ, wekui enyɔ komɛi yɛ shĩa momo ko ni efite mli. Enɛ hewɔ lɛ, weku kome bɛ miishɛɛ kwraa. Shi naakpɛɛ sane ji akɛ, weku kroko lɛ yɛ miishɛɛ. Mɛni hewɔ? Ejaakɛ etsɛŋ, amɛbaafã kɛya shĩa hee fɛfɛo ko mli.

Eyɛ mli akɛ “bɔɔ nii lɛ fɛɛ feɔ ekome kɛyaa nɔ amɛkɛ̃mɔɔ ni amɛhe jaraa amɛ kɛbashi amrɔ nɛɛ” moŋ, shi Nyɔŋmɔ tsuji yɛ hiɛnɔkamɔ ko ni hãaa amɛnijiaŋ aje wui. (Ro 8:22) Akɛni wɔbaahi shi kɛya naanɔ yɛ Nyɔŋmɔ jeŋ hee lɛ mli hewɔ lɛ, wɔnaa naagbai ni wɔkɛkpeɔ ŋmɛnɛ lɛ, kɛ nɔ ni ehao wɔ afii babaoo po lɛ akɛ “be fioo ko nɔ, ni etsiii.” Kɛ́ wɔkɛ wɔjwɛŋmɔ ma jɔɔmɔi ni Maŋtsɛyeli lɛ baahã wɔná wɔsɛɛ lɛ anɔ lɛ, wɔmii baashɛ wɔhe, ni wɔnijiaŋ ejeŋ wui hu.