Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO MAY 2016

 HII SHI AKƐ KRISTOFONYO

Ani Okɛ JW Library lɛ Miitsu Nii?

Ani Okɛ JW Library lɛ Miitsu Nii?

JW Library lɛ baanyɛ aye abua bo ni odaunloodi Biblia lɛ, woji, nibii ni arikɔdi kɛ vidioi owo o-mobail foŋ, tablɛt, loo kɔmpiuta nɔ ní owooo he nyɔmɔ ko.

BƆ NI OBAAFEE ONÁ EKO: Yaa Intanɛt lɛ nɔ, ni odaunloodi JW Library lɛ kɛjɛ he ko ni adaunloodiɔ nibii kɛjɛɔ ni atsɛɔ lɛ app store lɛ. Abaanyɛ akɛ JW Library lɛ awo mobail foŋ, tablɛt, loo kɔmpiuta nɔ. Kɛ́ oyɛ Intanɛt yɛ omobail foŋ, tablɛt, loo kɔmpiuta nɔ lɛ, gbelemɔ JW Library lɛ, ni odaunloodi nibii ni otaoɔ lɛ. Kɛ́ onyɛɛɛ oya Intanɛt lɛ nɔ yɛ oshĩa lɛ, ekolɛ obaanyɛ ofee nakai yɛ Maŋtsɛyeli Asa lɛ nɔ kɛ́ eko yɛ jɛmɛ, loo he kroko ni Intanɛt yɔɔ. Kɛ́ oná odaunloodi nibii ni otaoɔ lɛ owo omobail foŋ loo tablɛt lɛ nɔ lɛ, ehe ehiaaa ni oya Intanɛt lɛ nɔ dani onyɛ okɛtsu nii. Shi akɛni akɛ nibii hei woɔ JW Library lɛ nɔ yɛ be kɛ beiaŋ hewɔ lɛ, esa akɛ oya Intanɛt lɛ nɔ yɛ be kɛ beiaŋ bɔ ni afee ni kɛ́ akɛ nɔ ko hee wo nɔ lɛ, onine ashɛ nɔ.

MƐNI HEWƆ ESA AKƐ ONÁ EKO? JW Library lɛ baanyɛ ahã aŋkro nikasemɔ afee mlɛo kɛhã bo, ni obaanyɛ okɛtsu nii hu yɛ asafoŋ kpeei ashishi. Eyeɔ ebuaa hu yɛ shiɛmɔ nitsumɔ lɛ mli, titri lɛ kɛ́ ooye odase be ni onyiɛɛɛ shiɛmɔ nɔ.