Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 NYƆŊMƆ WIEMƆ LƐ MLI JWETRII | MATEO 25

“Nyɛyaa Nɔ Nyɛbua”

“Nyɛyaa Nɔ Nyɛbua”

25:1-12

Eyɛ mli akɛ Yesu nɔkwɛmɔnɔ ni kɔɔ oblayei froi nyɔŋma lɛ ahe lɛ kɔɔ esɛɛnyiɛlɔi ni afɔ amɛ mu lɛ ahe moŋ, shi oti ni yɔɔ mli lɛ kɔɔ Kristofoi fɛɛ ahe. (w15 3/15 9-14) Yesu kɛɛ akɛ: “No hewɔ lɛ, nyɛyaa nɔ nyɛbua, ejaakɛ nyɛleee gbi lɛ loo ŋmɛlɛtswaa lɛ.” (Mat 25:13) Ani obaanyɛ ogbala Yesu nɔkwɛmɔnɔ lɛ mli?

  • Ayemforo wu lɛ (kk. 1)​—Yesu

  • Oblayei froi hiɛshikalɔi ni saa amɛhe amɛto lɛ (kk. 2)​—Kristofoi ni afɔ amɛ mu ni efee klalo akɛ amɛbaatsu nitsumɔ ni akɛwo amɛdɛŋ lɛ pɛpɛɛpɛ lɛ. Amɛbaaya nɔ amɛtso tamɔ kanei kɛyashi naagbee lɛ baaba (Fip 2:15)

  • Abolɔ akɛ: “Naa ayemforo wu lɛ ee ei!” (kk. 6)​—Odaseyeli ni tsɔɔ akɛ Yesu eba

  • Oblayei froi kwashiai lɛ (kk. 8)​—Kristofoi ni afɔ amɛ mu ni je kpo koni amɛyakpee ayemforo wu lɛ ateŋ mɛi ni eyaaa nɔ amɛbuuu, ní amɛyeee anɔkwa kɛyawulaaa shi lɛ

  • Oblayei froi hiɛshikalɔi lɛ hãaa mɛi krokomɛi lɛ amɛmu lɛ eko (kk. 9)​—Kɛ́ asɔo Kristofoi anɔkwafoi ni afɔ amɛ mu lɛ anaa nɔ ni ji naagbee nɔ lɛ, amɛnyɛŋ amɛye amɛbua mɛi ni yeee anɔkwa lɛ, ejaakɛ ekpe sɛɛ tsɔ

  • “Ayemforo wu lɛ ba” (kk. 10)​—Yesu baaba ebakojo mɛi, be ni eshwɛ fioo ni amanehulu kpeteŋkpele lɛ baaba naagbee lɛ

  • Oblayei froi hiɛshikalɔi lɛ kɛ ayemforo wu lɛ tee yookpeemɔ lɛ shishi, ni aŋa shinaa lɛ (kk. 10)​—Yesu baabua mɛi ni afɔ amɛ mu ni yeɔ anɔkwa lɛ anaa kɛya ŋwɛi, shi mɛi ni yeee anɔkwa lɛ anine shɛŋ amɛŋwɛi jweremɔnɔ lɛ nɔ