Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 HII SHI AKƐ KRISTOFONYO

Bɔ Ni Wɔɔfee Wɔkɛ Bo Nyɔŋmɔ Toi Wolo Lɛ Atsu Nii

Bɔ Ni Wɔɔfee Wɔkɛ Bo Nyɔŋmɔ Toi Wolo Lɛ Atsu Nii

Ato Bo Nyɔŋmɔ Toi wolo lɛ he gbɛjianɔ koni ehã anyɛ atsɔ mfonirii anɔ atsɔɔ mɛi ni nyɛɛɛ nii akane tsɔ lɛ Biblia mli anɔkwalei ni esa akɛ ale klɛŋklɛŋ lɛ. Nikasemɔ lɛ eko fɛɛ eko hiɛ baafai enyɔ, ni ato mfonirii ni baahã anyɛ agbala nikasemɔ lɛ mli jogbaŋŋ lɛ ahe gbɛjianɔ yɛ baafa fɛɛ baafa.

Mfonirii ni yɔɔ Bo Nyɔŋmɔ Toi Koni Ohi Shi Kɛya Naanɔ wolo lɛ mli lɛ nɔŋŋ ni yɔɔ Bo Nyɔŋmɔ Toi wolo lɛ mli lɛ, shi no mli niŋmai lɛ fa fe Bo Nyɔŋmɔ Toi wolo lɛ mli nɔ lɛ, ni nikaselɔi ni nyɛɔ amɛkaneɔ nii fioo lɛ baanyɛ amɛkɛ no atsu nii. Bei pii lɛ, shiɛlɔi lɛ sumɔɔ ni amɛhiɛ no kɛ́ amɛkɛ amɛ-Biblia mli nikaselɔi lɛ miikase Bo Nyɔŋmɔ Toi wolo lɛ. Akrabatsai yɛ baafai lɛ babaoo, ni abaanyɛ akɛ nikaselɔ lɛ asusu he yɛ bɔ ni enyɛmɔ ji naa.

Obaanyɛ okɛ woji enyɔ nɛɛ ahã be fɛɛ be, kɛ́ jeee no ji nɔ ni akɛtsuɔ nii yɛ nyɔɔŋ lɛ mli po. Kɛ́ oofee Biblia mli nikasemɔ lɛ, okɛ mfonirii lɛ atsu nii kɛgbala Biblia mli sane lɛ mli. Bi saji ni baahã nikaselɔ lɛ kɛ ehe awo nikasemɔ lɛ mli, ni baahã ona akɛ enu nikasemɔ lɛ shishi. Nyɛkanea ŋmalɛi ni yɔɔ baafa fɛɛ baafa shishigbɛ lɛ, ni nyɛsusu he. Kɛ́ nyɛgbe wolo lɛ naa lɛ, nyɛkasea Mɛni Biblia lɛ Tsɔɔ Diɛŋtsɛ? wolo lɛ loo Mɛni Wɔbaanyɛ Wɔkase Kɛjɛ Biblia lɛ Mli? wolo lɛ bɔ ni afee ni eye ebua nikaselɔ lɛ ni eya ehiɛ kɛshɛ baptisimɔ he.