Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Wɔshiɛmɔ Kɛ Wɔshihilɛ Kpee Nifeemɔ Wolo  |  March 2016

 NYƆŊMƆ WIEMƆ LƐ MLI JWETRII | HIOB 6-10

Anɔkwafo Hiob Jaje Ehaomɔi Lɛ

Anɔkwafo Hiob Jaje Ehaomɔi Lɛ

Hiob nibii fɛɛ tã, ebii gboi, hela ni naa wa mɔ lɛ, shi fɛɛ sɛɛ lɛ, etee nɔ eye anɔkwa. No hewɔ lɛ, Satan bɔ mɔdɛŋ akɛ ebaaje Hiob nijiaŋ wui koni ekwa Nyɔŋmɔ. Kɛkɛ ni ‘enanemɛi’ komɛi ba eŋɔɔ. Klɛŋklɛŋ lɛ, amɛfee tamɔ nɔ ni amɛmiiye lɛ ŋkɔmɔ. Ni amɛho amɛtara Hiob he gbii kpawo sɔŋŋ, ni mɔ ko mɔ ko etswaaa esɛŋ, ní ekɛ lɛ awie miishɛjemɔ wiemɔ ko po. Be ni amɛwó amɛnaa nɔ lɛ, amɛbɔi lɛ shwamɔ kɛ ehiɛ wiemɔ.

Hiob tee nɔ eye Yehowa anɔkwa yɛ nɔnyɛɛ shishi

6:3; 7:16; 9:20-22; 10:1, 12

  • Ŋkɔmɔyeli ni naa wa hã Hiob ná susumɔ ni ejaaa. Emu sane naa yɛ gbɛ ni ejaaa nɔ akɛ, Nyɔŋmɔ susuuu ehe, ekɔɔɔ he eko kɛ́ eye lɛ anɔkwa loo eyeee lɛ anɔkwa

  • Akɛni Hiob nijiaŋ je wui hewɔ lɛ, esusuuu akɛ amanehulu ni enaa lɛ baanyɛ ajɛ nibii krokomɛi

  • Eyɛ mli akɛ Hiob tsui ekumɔ moŋ, shi etee nɔ ehã enanemɛi ni buɔ lɛ fɔ́ lɛ le akɛ esumɔɔ Yehowa lolo