Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 HII SHI AKƐ KRISTOFONYO

Fɔlɔi, Nyɛfea Nɔ Fɛɛ Nɔ Ni Nyɛbaanyɛ Kɛyea Nyɛbuaa Nyɛbii Lɛ Koni Ehi Ehã Amɛ Wɔsɛɛ

Fɔlɔi, Nyɛfea Nɔ Fɛɛ Nɔ Ni Nyɛbaanyɛ Kɛyea Nyɛbuaa Nyɛbii Lɛ Koni Ehi Ehã Amɛ Wɔsɛɛ

Nɔ ni kã fɔlɔi ni sheɔ Nyɔŋmɔ gbeyei lɛ atsui nɔ waa ji, ni amɛbii baatsɔmɔ mɛi ni kɛ anɔkwayeli sɔmɔɔ Yehowa. Kɛ́ fɔlɔi baanyɛ ashɛ oti nɛɛ he lɛ, no lɛ, esa akɛ amɛnyɛmɔ Biblia mli anɔkwalei lɛ anɔ amɛwo amɛbii lɛ atsuii amli kɛjɛ amɛgbekɛbiiashi tɔ̃ɔ. (5Mo 6:7; Abɛ 22:6) Enɛ baabi ni amɛkɛ amɛhe ashã afɔle waa diɛŋtsɛ! Shi kɛ́ amɛfee nakai lɛ, amɛbaaná he sɛɛ waa.​—3Yo 4.

Fɔlɔi baanyɛ akase nɔkwɛmɔnɔ kpakpa ni Yosef kɛ Maria fee lɛ. ‘Daa afi lɛ, amɛyaa Yerusalem amɛyayeɔ Hehoo gbi jurɔ lɛ,’ eyɛ mli akɛ enɛ baahã etɔ amɛ ni amɛbaafite shika hu. (Luk 2:41) No hewɔ lɛ, wɔmiina akɛ, amɛweku lɛ kɛ Nyɔŋmɔjamɔ shwɛɛɛ kwraa. Nakai nɔŋŋ fɔlɔi ni yɔɔ ŋmɛnɛ lɛ hu baanyɛ aŋɔ hegbɛ fɛɛ hegbɛ ni amɛbaana lɛ kɛtsɔɔ amɛbii lɛ nii, ni agbɛnɛ hu, amɛfee nɔkwɛmɔnɔ kpakpa amɛhã amɛ. Enɛ ni amɛbaafee lɛ baaye abua amɛbii lɛ ni amɛná shihilɛ kpakpa wɔsɛɛ.​—La 127:3-5.

KWƐMƆ VIDIO NI JI, AMƐHÃAA HEGBƐ KO AHO AMƐHE LƐ, KONI NO SƐƐ LƐ, OHÃ SANEBIMƆI NI NYIƐ SƐƐ NƐƐ AHETOO:

  • Mɛɛ gbɛ nɔ Jon Schiller kɛ eŋa Sharon kɛ Maŋtsɛyeli lɛ ye klɛŋklɛŋ gbɛhe be ni amɛkwɛɔ amɛbii lɛ?

  • Mɛni hewɔ esa akɛ esoro bɔ ni fɔlɔi baatsɔse amɛbii lɛ ateŋ mɔ fɛɛ mɔ lɛ?

  • Mɛɛ gbɛ nɔ fɔlɔi baanyɛ aye abua amɛbii koni amɛnyɛ amɛdamɔ amɛhemɔkɛyeli lɛ he kai anaa?

  • Mɛɛ dɛŋdadei ni Yehowa asafo lɛ efee okɛtsu nii kɛye obua obii lɛ ni amɛbatsɔmɔ Yehowa nanemɛi?

Nyɛhãa Yehowa sɔɔmɔ afea nɔ ni he hiaa nyɛ fe fɛɛ yɛ nyɛweku lɛ mli