Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO JANUARY 2017

 NYƆŊMƆ WIEMƆ LƐ MLI JWETRII | YESAIA 34-37

Ajuro Hezekia Yɛ Ehemɔkɛyeli Lɛ Hewɔ

Ajuro Hezekia Yɛ Ehemɔkɛyeli Lɛ Hewɔ

Asiria maŋtsɛ Sanherib tsu Rabshake lɛ kɛtee Yerusalem koni eyakɛɛ amɛ ni amɛŋmɛɛ amɛhe amɛhã Asiriabii lɛ. Asiriabii lɛ wie nibii srɔtoi koni amɛkɛhã Yudafoi lɛ aŋmɛɛ amɛhe amɛhã amɛ ní amɛkɛ amɛ wuuu ta.

  • Sɛɛfimɔ. Ejipt nyɛŋ eye ebua bo.Yes 36:6

  • Yiŋkɔshikɔshifeemɔ. Yehowa wuŋ ehaŋ nyɛ ejaakɛ esumɔɔɔ nyɛsane dɔŋŋ.Yes 36:7, 10

  • Hegbeyeiwoo. Nyɛnyɛŋ nyɛdamɔ Asiria asraafoi ni he wa waa lɛ hiɛ.Yes 36:8, 9

  • Kaa. Kɛ́ nyɛŋmɛɛ nyɛhe nyɛhã Asiriabii lɛ, nyɛshihilɛ baahi.—Yes 36:16, 17

Hezekia jie hemɔkɛyeli ni gbugbaaa kpo yɛ Yehowa mli

37:1, 2, 14-20, 36

  • Efee nɔ fɛɛ nɔ ni ebaanyɛ koni ekɛwaje maŋ lɛ yɛ ka ni abawo amɛ lɛ hewɔ

  • Esɔle ehã Yehowa koni ekpɔ̃ amɛ, ni ewo maŋbii lɛ hewalɛ ni amɛ hu amɛfee nakai nɔŋŋ

  • Yehowa tsu ŋwɛibɔfo kome ni eyagbe Asiria tabilɔi 185,000 yɛ gbɛkɛ kome pɛ mli, ni enɛ tsɔɔ juromɔ ni ajuro lɛ yɛ ehemɔkɛyeli lɛ hewɔ