Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO JANUARY 2016

 HII SHI AKƐ KRISTOFONYO

Hegbɛ ni Wɔyɔɔ akɛ Wɔbaamamɔ Anɔkwa Jamɔhei, ni Wɔkura Jɛmɛ

Hegbɛ ni Wɔyɔɔ akɛ Wɔbaamamɔ Anɔkwa Jamɔhei, ni Wɔkura Jɛmɛ

Israel sɔlemɔtsu lɛ maa bi nitsumɔ babaoo kɛ shika. Shi Israelbii lɛ kɛ ekãa fĩ nitsumɔ lɛ sɛɛ. (1Kr 29:2-9; 2Kr 6:7, 8) Be ni agbe sɔlemɔtsu lɛ naa lɛ, bɔ ni Israelbii lɛ kura lɛ amɛhã lɛ hã ana kɛji amɛhiɛ sɔɔ mumɔŋ nibii loo amɛhiɛ esɔɔɔ. (2Ma 22:3-6; 2Kr 28:24; 29:3) Ŋmɛnɛ lɛ, Kristofoi kɛ be babaoo mamɔɔ Maŋtsɛyeli Asai kɛ Kpee Asai, ni amɛsaa ni amɛkuraa. Kɛ̃lɛ, Yehowa he ni wɔbaafata kɛtsu nii yɛ nɛkɛ gbɛ nɔ lɛ ji hegbɛ kpele ni wɔná, ni enɛ fata sɔɔmɔ krɔŋŋ ni wɔkɛhãa lɛ lɛ he.La 127:1; Kpo 7:15.

WƆBAANYƐ WƆYE WƆBUA KƐTSƆ GBƐI NƐƐ ANƆ:

  • Asa lɛ nɔ ni wɔbaasaa kɛ́ akpa kpee fɛɛ kpee. Kɛ́ oshihilɛ eŋmɛɛɛ bo gbɛ ni osaa Asa lɛ nɔ lɛ, bɔɔ mɔdɛŋ akɛ obaahã he ni ota lɛ afee falefale.

  • Wɔhe ni wɔkɛbaawo gbɛjianɔ ni ato kɛhã Maŋtsɛyeli Asa lɛ nɔ saamɔ kɛ ekuramɔ lɛ mli. Kɛ́ mɛi babaoo kɛ amɛhe wo mli lɛ, ehãa nitsumɔ lɛ feɔ mlɛo kɛ miishɛɛ.lv 92-93 kk. 18.

  • Shika ni wɔkɛbaaye wɔbua. Kɛ́ wɔjɛ wɔtsuiŋ wɔhã ‘kapɛji enyɔ ni shɛɛɛ nɔ ko’ po lɛ, Yehowa hiɛ sɔɔ.Mar 12:41-44.

  • Wɔhe ni wɔkɛbaahã kɛmamɔ loo kɛsaa jamɔhei kɛ tsũi krokomɛi, kɛ́ wɔshihilɛ baaŋmɛ wɔ gbɛ. Obaanyɛ okɛ ohe ahã kɛ́ obɛ tsumaa nitsumɔ mli hesaa ko po.