Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 HII SHI AKƐ KRISTOFONYO

Ani Onaa Nyɔŋmɔ Sui Ni Anaaa Lɛ?

Ani Onaa Nyɔŋmɔ Sui Ni Anaaa Lɛ?

Kɛ́ okwɛ fɔfɔi ko ni yɛ fɛo waa, ŋwɛi ŋulamii, loo nui ni miishwie shi kɛmiijɛ gɔji anɔ lɛ, ani onaa Bɔlɔ lɛ ninenaa nitsumɔ? Adebɔɔ nibii ni bɔle wɔ lɛ hãa wɔnaa Yehowa sui ni anaaa lɛ faŋŋ. (Ro 1:20) Kɛ́ wɔhe be kɛjwɛŋ nibii ni wɔhiŋmɛii naa lɛ anɔ lɛ, wɔnaa Nyɔŋmɔ hewalɛ lɛ, esuɔmɔ lɛ, ehiɛshikamɔ lɛ, kɛ ejalɛsaneyeli lɛ, ni wɔnaa hu akɛ, ehãa mɔ nɔ.​—La 104:24.

Mɛɛ Yehowa adebɔɔ nibii komɛi onaa gbi fɛɛ gbi? Kɛ́ maŋ wulu mli po oyɔɔ lɛ, ekolɛ obaana loofɔji loo tsei. Kɛ́ wɔjwɛŋ Yehowa adebɔɔ nibii lɛ anɔ lɛ, ebaawa wɔ koni wɔkaye wɔtsui fe nine, wɔná jwɛŋmɔ ni ja yɛ wɔnaagbai lɛ ahe, ní hemɔkɛyeli ni wɔyɔɔ yɛ Yehowa mli akɛ ebaakwɛ wɔ kɛya naanɔ lɛ hu mli awa. (Mat 6:25-32) Kɛ́ oyɛ bii lɛ, ye obua amɛ ni amɛna Yehowa sui ni nɔ bɛ lɛ. Kɛ́ wɔhã hiɛsɔɔ ni wɔyɔɔ kɛhã adebɔɔ nibii ni bɔle wɔ lɛ mli wa lɛ, wɔbaatsi wɔbɛŋkɛ Bɔlɔ lɛ kpaakpa.​—La 8:3, 4.

KWƐMƆ VIDIO NI JI, ADEBƆƆ NIBII JIEƆ NYƆŊMƆ ANUNYAM LƐ KPO—KANE KƐ KƆLA LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

  • Mɛɛ gbɛ nɔ pigments waa wɔ ni wɔnaa kɔlai srɔtoi?

  • Mɛni hãa nibii komɛi akɔlai feɔ tamɔ nɔ ni etsakeɔ?

  • Mɛni hewɔ wɔnaa kɔlai srɔtoi yɛ ŋwɛi lɛ?

  • Mɛɛ adebɔɔ nibii komɛi ni yɔɔ he ni oyɔɔ lɛ akɔlai feɔ bo fɛo waa?

  • Mɛni hewɔ esa akɛ wɔhe be kɛjwɛŋ adebɔɔ nibii anɔ jogbaŋŋ lɛ?

Mɛni kane kɛ kɔlai srɔtoi ni wɔnaa lɛ tsɔɔ wɔ yɛ Yehowa sui lɛ ahe?