Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO FEBRUARY 2017

 NYƆŊMƆ WIEMƆ LƐ MLI JWETRII | YESAIA 63-66

Ŋwɛi Hee Kɛ Shikpɔŋ Hee Lɛ Baahã Aná Miishɛɛ Waa

Ŋwɛi Hee Kɛ Shikpɔŋ Hee Lɛ Baahã Aná Miishɛɛ Waa

Nyɔŋmɔ yɛ nɔmimaa waa akɛ shi ni ewo yɛ Yesaia yitso 65 lɛ akɛ ebaajɔɔ shikpɔŋ lɛ baaba mli aahu akɛ, ewie he tamɔ nɔ ni eba mli momo.

Yehowa baafee ŋwɛi hee kɛ shikpɔŋ hee, ni akaiŋ tsutsu nii lɛ dɔŋŋ

65:17

Mɛni ji ŋwɛi hee lɛ?

  • Nɔyeli hee ko ni kɛ jalɛ shihilɛ baaba shikpɔŋ lɛ nɔ fɛɛ

  • Ato shishi yɛ afi 1914, be ni awo Kristo akɛ Nyɔŋmɔ Maŋtsɛyeli lɛ nɔ Maŋtsɛ lɛ

Mɛni ji shikpɔŋ hee lɛ?

  • Mɛi ni jɛ jeŋmaji srɔtoi anɔ, ni wieɔ wiemɔi srɔtoi, ni esoro amɛkusumii, ni jɛɔ amɛsuɔmɔ mli amɛbaa amɛhe shi amɛhãa ŋwɛi nɔyeli hee lɛ

Mɛɛ gbɛ nɔ akaiŋ tsutsu nii lɛ dɔŋŋ?

  • Nibii ni hãa wɔpiŋɔ—nibii ni kɛ gbɔmɔtsoŋ, jwɛŋmɔŋ, kɛ henumɔŋ piŋmɔi fɛɛ baa lɛ—ehiŋ shi dɔŋŋ

  • Adesai anɔkwafoi baaná miishɛɛ waa, ni gbi fɛɛ gbi lɛ, amɛbaakai nibii ni yɔɔ miishɛɛ