Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO FEBRUARY 2017

 NYƆŊMƆ WIEMƆ LƐ MLI JWETRII | YESAIA 58-62

‘Shiɛmɔ Yehowa Duromɔ Afi Lɛ’

‘Shiɛmɔ Yehowa Duromɔ Afi Lɛ’

“Yehowa duromɔ afi” lɛ jeee afi diɛŋtsɛ

61:1, 2

  • Eji be ni ehãa heshibalɔi hegbɛ ní amɛkɛkpɛlɛ heyeli ni ejajeɔ lɛ nɔ

  • Yɛ klɛŋklɛŋ afii 100 lɛ mli lɛ, duromɔ afi lɛ je shishi be ni Yesu je eshiɛmɔ nitsumɔ lɛ shishi yɛ afi 29 Ŋ.B. lɛ, ni etsa nɔ aahu kɛyashi Yehowa “oweletɔɔ gbi” lɛ nɔ, be ni akpãtã Yerusalem hiɛ yɛ afi 70 Ŋ.B. lɛ

  • Yɛ wɔbei nɛɛ amli lɛ, duromɔ afi lɛ je shishi be ni awo Yesu maŋtsɛ yɛ ŋwɛi, yɛ afi 1914 lɛ, ni ebaaba naagbee yɛ amanehulu kpeteŋkpele lɛ mli

Yehowa kɛ “jalɛ tsei” hãa ewebii lɛ, ni eji jɔɔmɔ kɛhã amɛ

61:3, 4

  • Bei pii lɛ, tsei ni kwɔlɔ fe fɛɛ yɛ je lɛ mli lɛ kwɛ̃ɔ yɛ koo mli, ni tsei lɛ eko fɛɛ eko yeɔ buaa amɛhe

  • Tsei ashishifãi ni dara waa lɛ nyɛɔ amɛblablaa amɛhe, ni enɛ hãa tsei lɛ náa hewalɛ kɛkpeɔ ahum wuji anaa

  • Tsei ni kwɔlɔ waa lɛ hãa tsei bibii lɛ hɔŋ, ni bai ni kpalaa shwieɔ shi lɛ hãa su lɛ baa nii

Kristofoi asafo lɛ mli bii ni yɔɔ je lɛŋ fɛɛ lɛ náa yelikɛbuamɔ kɛ hebuu ni “jalɛ tsei,” ni ji mɛi ni afɔ amɛ mu lɛ ateŋ mɛi ni eshwɛ lɛ kɛhãa lɛ he sɛɛ