Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO DECEMBER 2016

 HII SHI AKƐ KRISTOFONYO

“Naa Mi, Tsũ Mi!”

“Naa Mi, Tsũ Mi!”

Nɔ ko ni wɔbaanyɛ wɔkase yɛ Yesaia he ji bɔ ni ekɛ ehe shãa afɔle lɛ. Ejie hemɔkɛyeli kpo, ni ekɛ oyaiyeli kpɛlɛ akɛ ebaatsu hiamɔ ko he nii, eyɛ mli akɛ eleee saji fɛɛ ni kɔɔ he. (Yes 6:8) Ani obaanyɛ oto oshihilɛ he gbɛjianɔ koni onyɛ oyasɔmɔ yɛ he ko ni Maŋtsɛyeli shiɛlɔi ahe miihia waa yɛ? (La 110:3) Ekã shi faŋŋ akɛ, dani obaashi kɛya he ko tamɔ nakai lɛ, esa akɛ ota shi ni ‘obu naa okwɛ’ dã. (Luk 14:27, 28) Shi esa akɛ oná shwelɛ lɛ akɛ okɛ ohe baashã afɔle yɛ shiɛmɔ nitsumɔ lɛ hewɔ. (Mat 8:20; Mar 10:28-30) Taakɛ wɔna yɛ vidio ni ji, Wɔyasɔmɔ yɛ He ni Hiamɔ lɛ Da Yɛ lɛ mli lɛ, jɔɔmɔi ni wɔnine shɛɔ nɔ yɛ Yehowa sɔɔmɔ lɛ mli lɛ fa kwraa fe nibii ni wɔkɛshãa afɔle lɛ.

KƐ́ OKWƐ VIDIO LƐ OGBE NAA LƐ, HÃ SANEBIMƆI NI NYIƐ SƐƐ NƐƐ AHETOO:

  • Mɛni Williams weku lɛ kɛshã afɔle bɔ ni afee ni amɛnyɛ amɛyasɔmɔ yɛ Ecuador?

  • Mɛɛ nibii amɛsusu he be ni amɛhalaa he ni amɛbaayasɔmɔ yɛ lɛ?

  • Mɛɛ jɔɔmɔi amɛnine shɛ nɔ?

  • Nɛgbɛ obaanyɛ oná saji babaoo ni kɔɔ sɔɔmɔ ni ayasɔmɔɔ yɛ he ni hiamɔ lɛ da yɛ lɛ he lɛ yɛ?

YƐ NYƐWEKU JAMƆ NI BAANYIƐ SƐƐ LƐ SHISHI LƐ, NYƐSUSUA SANEBIMƆI NI NYIƐ SƐƐ NƐƐ AHE:

  • Te wɔbaafee tɛŋŋ wɔlɛɛ wɔsɔɔmɔ nitsumɔ lɛ mli akɛ weku? (km 8/11 4-6)

  • Kɛ́ wɔnyɛɛɛ wɔyasɔmɔ yɛ he ko ni hiamɔ lɛ da yɛ lɛ, mɛɛ gbɛi anɔ wɔbaanyɛ wɔtsɔ wɔye wɔbua wɔsafo lɛ? (w16.03 3-5)