Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 HII SHI AKƐ KRISTOFONYO

Nyɛkaia Lot Ŋa Lɛ

Nyɛkaia Lot Ŋa Lɛ

Mɛni hewɔ Lot ŋa lɛ kwɛ esɛɛ be ni ejoɔ foi kɛshiɔ Sodom lɛ? Biblia lɛ etsɔɔɔ. (1Mo 19:17, 26) Nɔ ni Yesu wie dani ebɔ kɔkɔ nɛɛ tsɔɔ akɛ, eeenyɛ efee akɛ, etsui yɛ nibii ni eshi yɛ sɛɛ lɛ anɔ. (Luk 17:31, 32) Mɛni wɔbaanyɛ wɔfee koni Nyɔŋmɔ mli akafu wɔ, tamɔ eba lɛ yɛ Lot ŋa lɛ gbɛfaŋ lɛ? Esaaa akɛ wɔhãa heloonaa nibii asɛɛtiumɔ feɔ nɔ titri yɛ wɔshihilɛ mli. (Mat 6:33) Yesu kɛɛ ‘wɔnyɛŋ wɔtsɔmɔ nyɔji wɔhã Nyɔŋmɔ kɛ Ninámɔ fɛɛ.’ (Mat 6:24) Shi kɛ́ wɔna akɛ wɔnáa be wɔhãa heloonaa nibii fe mumɔŋ nibii lɛ, mɛni esa akɛ wɔfee? Wɔbaanyɛ wɔbi Yehowa ni ehã wɔ sɛɛyoomɔ, koni wɔna hei ni esa akɛ wɔfee tsakemɔi yɛ, kɛ ekãa hu ní wɔkɛfee tsakemɔi lɛ.

KAIMƆ VIDIO NI JI, NYƐKAIA LOT ŊA LƐ NI HIƐ FÃI ETƐ LƐ, NI OHÃ SANEBIMƆI NI NYIƐ SƐƐ LƐ AHETOO:

  • Mɛɛ gbɛ nɔ manyɛ mikɛ minifeemɔi atsɔɔ akɛ, ‘mikaiɔ Lot ŋa lɛ’?

    Mɛɛ gbɛ nɔ bɔ ni anyɛ Gloria nɔ koni ená shika babaoo lɛ ná esusumɔ, ewiemɔ, kɛ enifeemɔ nɔ hewalɛ?

  • Mɛɛ gbɛ nɔ Lot ŋa lɛ sane lɛ ji kɔkɔbɔɔ kɛhã wɔ ŋmɛnɛ?

  • Mɛɛ gbɛ nɔ Biblia mli shishitoo mlai ni Joe kɛ eweku lɛ kɛtsu nii lɛ ye ebua amɛ?

  • Mɛɛ gbɛ nɔ mɛi ni Anna kɛbɔ yɛ nitsumɔhe lɛ sa ekɛ Yehowa teŋ wekukpaa lɛ he?

  • Kɛ́ aanyɛ wɔnɔ ni wɔtao shika babaoo lɛ, mɛni hewɔ esa akɛ wɔná ekãa lɛ?

  • Te fee tɛŋŋ ni Brian kɛ Gloria kɛ mumɔŋ nibii bɔi klɛŋklɛŋ gbɛhe yeli ekoŋŋ lɛ?

  • Mɛɛ Biblia mli shishitoo mlai vidio nɛɛ hãa onaa faŋŋ?