Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 HII SHI AKƐ KRISTOFONYO

Okɛ Miishɛɛ Ahere Amɛ Atuu

Okɛ Miishɛɛ Ahere Amɛ Atuu

Namɛi ahere amɛ atuu lɛ? Mɔ fɛɛ mɔ ni baa wɔ-Kristofoi akpeei lɛ—mɛi hei kɛ mɛi ni wɔna amɛ etsɛ waa lɛ. (Ro 15:7; Heb 13:2) Ebaanyɛ efee Odasefonyo ko ni jɛ maŋ kroko nɔ loo Kristofonyo ko ni ekpa shiɛmɔyaa, ni klɛŋklɛŋ kwraa ni ebaa asafoŋ kpee afii pii nɛ. Kɛ́ ofata mɛi nɛɛ ahe lɛ, kulɛ te obaanu he ohã tɛŋŋ? Ani omii shɛŋ ohe kɛ́ ahere bo atuu? (Mat 7:12) No hewɔ lɛ, ebaafee nɔ ni hi jogbaŋŋ akɛ dani abaaje kpee lɛ shishi kɛ be ni akpa fɛɛ lɛ, obaaŋa mɛi ni yɔɔ Maŋtsɛyeli Asa lɛ nɔ lɛ? Enɛ hãa mɔ fɛɛ mɔ náa miishɛɛ waa, ni ehãa awoɔ Yehowa hiɛ nyam. (Mat 5:16) Eji anɔkwale akɛ wɔnyɛŋ wɔkɛ mɔ fɛɛ mɔ ni eba asafoŋ kpee lɛ awie. Kɛ̃lɛ, mɔ fɛɛ mɔ mii baashɛ ehe kɛ́ wɔ fɛɛ wɔ fee nɔ ni sa akɛ wɔ fee lɛ. *

Jeee Kaimɔ be lɛ mli pɛ esa akɛ wɔjie gbɔfeemɔ kpo, moŋ lɛ esa akɛ wɔjie lɛ kpo be fɛɛ be. Kɛ́ mɛi hei ni eba asafoŋ kpeei lɛ na akɛ Kristofoi asuɔmɔ yɛ wɔteŋ, ni ajie lɛ kpo atsɔɔ amɛ lɛ, ekolɛ no baatsirɛ amɛ ni amɛjie Nyɔŋmɔ yi, ní amɛbafata wɔhe kɛjá lɛ.Yoh 13:35.

^ kk. 3 Biblia mli shishitoo mlai eŋmɛɛɛ wɔ gbɛ ni wɔkɛ mɛi ni ashwie loo mɛi ni kɛ asafo lɛ efo tako mli ní baa asafoŋ kpee lɛ ashara yɛ gbɛ ko kwraa nɔ.1Ko 5:11; 2Yo 10.