Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO APRIL 2016

 HII SHI AKƐ KRISTOFONYO

Nɔ ko Hee ni Wɔkɛbaaje Sanegbaa Shishi

Nɔ ko Hee ni Wɔkɛbaaje Sanegbaa Shishi

Kɛjɛ January 2016 lɛ, akɛ sane ko ni yitso ji “Mɛni Biblia lɛ Kɛɔ?” ewo Buu-Mɔɔ, ni ji maŋbii anɔ lɛ sɛɛ. Afee koni eye ebua wɔ ni wɔkɛ mɛi aje sanegbaa shishi yɛ Biblia lɛ mli. Ato he gbɛjianɔ tamɔ wɔtratii lɛ nɔŋŋ. Abi sane ni baahã shiatsɛ lɛ atsɔɔ ejwɛŋmɔ, no sɛɛ lɛ ajɛ Biblia lɛ mli ahã hetoo, ni akɛ saji otii krokomɛi ni abaanyɛ asusu he hu efata he.

Kɛ́ ajɛ Ŋmalɛi lɛ amli akɛ mɛi gba sane ni amɛnya he lɛ, bei pii lɛ amɛkpɛlɛɔ ni akɛ amɛ jeɔ Biblia mli nikasemɔ shishi. Okɛ sane hee nɛɛ atsu nii kɛye obua mɛi ni mumɔŋ hɔmɔ yeɔ amɛ lɛ.Mat 5:6.

BƆ NI OBAAFEE OKƐTSU NII:

  1. Bi shiatsɛ lɛ ni etsɔɔ ejwɛŋmɔ yɛ sanebimɔi lɛ ateŋ ekome he

  2. Bo hetoo ni ebaahã lɛ toi ni ojie eyi

  3. Kanemɔ ŋmalɛ ni yɔɔ saneyitso ni ji, “Nɔ ni Biblia lɛ Kɛɔ” lɛ shishi lɛ, ni ohã etsɔɔ ejwɛŋmɔ yɛ ŋmalɛ lɛ he. Kɛ́ eyɛ dekã lɛ, okɛ lɛ atsa sanegbaa lɛ nɔ, ni nyɛsusu otii ni yɔɔ saneyitso ni ji, “Mɛni hu Wɔkaseɔ Kɛjɛɔ Biblia lɛ Mli?” lɛ eko he

  4. Okɛ magazin lɛ ahã lɛ

  5. Okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni ji enyɔ lɛ he