Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO APRIL 2016

 KASEMƆ BƆ NI ASHIƐƆ JOGBAŊŊ

Kpee he Ninefɔɔ Wolo lɛ Jaa

Kpee he Ninefɔɔ Wolo lɛ Jaa

Daa afi lɛ, wɔkɛ miishɛɛ kpaa mumɔŋ niyenii ni wɔnine shɛɔ nɔ yɛ wɔkpokpaa wulu nɔ kpeei lɛ ashishi lɛ gbɛ waa. Wɔbaafɔ̃ mɛi babaoo nine bɔ ni wɔbaanyɛ koni amɛba kpee lɛ bɔ ni afee ni amɛ hu amɛbasa Yehowa mlihilɛ lɛ naa. (La 34:9) Esa akɛ onukpai akuu lɛ akwɛ gbɛ ni hi fe fɛɛ ni amɛsafo lɛ baatsɔ nɔ ajara ninefɔɔ woji lɛ.

OTII KOMƐI NI ESA AKƐ OKADI

  • Mɛɛ be wɔbaaya wɔkpee lɛ?

  • Mɛɛ be wɔsafo lɛ baaje ninefɔɔ woji lɛ jaa shishi?

  • Mɛɛ bei wɔsafo lɛ baakpe kɛhã shiɛmɔyaa?

  • Mɛɛ otii masumɔ mashɛ he yɛ tafãa be lɛ mli?

  • Namɛi mito akɛ mafɔ̃ amɛ nine?

MƐNI OBAAKƐƐ?

Be ni oŋa mɔ lɛ sɛɛ lɛ, obaanyɛ okɛɛ akɛ:

“Wɔmiija woji nɛɛ yɛ jeŋ fɛɛ ni wɔkɛfɔ̃ mɛi nine kɛya nifeemɔ ko ni he hiaa waa lɛ shishi. Atsɔɔ be kɛ he ni abaafee yɛ lɛ yɛ ninefɔɔ wolo lɛ nɔ. Ebaaŋɔɔ wɔnaa waa akɛ obaaba.”

MƐNI OBAANYƐ OFEE KƐ́ MƆ KO JIE MIISHƐƐ KPO?

Eyɛ mli akɛ wɔmiitao ni wɔfɔ̃ mɛi babaoo nine kɛba kpee lɛ moŋ, shi esa akɛ wɔhã wɔhiɛ ahi wɔhe nɔ koni kɛ́ mɔ ko jie miishɛɛ kpo lɛ, wɔkashi lɛ efolo.

Kɛ́ nyɛmiija ninefɔɔ woji lɛ yɛ otsi lɛ naagbee lɛ, nyɛkɛ woji tɛtrɛbii lɛ afataa he, kɛ́ ebaahi.