Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ NO. 1 2017

 SANEYITSO LƐ MLITSƆƆMƆ | MƐNI HEWƆ ESA AKƐ OKANE BIBLIA LƐ?

Mɛɛ Gbɛ Nɔ Biblia Lɛ Baanyɛ Ahã Maná Shihilɛ Kpakpa?

Mɛɛ Gbɛ Nɔ Biblia Lɛ Baanyɛ Ahã Maná Shihilɛ Kpakpa?

Biblia lɛ jeee wolo folo ko kɛkɛ. Ŋaawoi ni jɛ wɔ-Bɔlɔ lɛ ŋɔɔ yɛ mli. (2 Timoteo 3:16) Emli sane lɛ baanyɛ atsake wɔshihilɛ kwraa. Anɔkwa, Biblia lɛ kɛɔ akɛ: “Nyɔŋmɔ wiemɔ lɛ hiɛ kã ni eyɛ hewalɛ.” (Hebribii 4:12) Eyɛ hewalɛ ni ebaanyɛ ekɛtsake wɔshihilɛ yɛ gbɛi titrii enyɔ nɔ—ekɛ gbɛtsɔɔmɔ hãa wɔ yɛ wɔdaa gbi shihilɛ mli amrɔ nɛɛ, ni eyeɔ ebuaa wɔ ni wɔle Nyɔŋmɔ kɛ eshiwoi lɛ ahe nii.1 Timoteo 4:8; Yakobo 4:8.

Ehãa onáa shihilɛ kpakpa bianɛ. Biblia lɛ baanyɛ aye abua aŋkroaŋkroi kɛ́ amɛmiikpɛ yiŋ. Ekɛ ŋaawoo hãa yɛ saji ni nyiɛ sɛɛ nɛɛ ahe:

Wu ko kɛ eŋa ni amɛbote gbalashihilɛ mli etsɛko ni yɔɔ Asia lɛ nya bɔ ni Biblia mli ŋaawoo lɛ he yɔɔ sɛɛnamɔ lɛ he waa. Taakɛ eji yɛ mɛi ni boteɔ gbalashihilɛ mli ehee lɛ pii agbɛfaŋ lɛ, amɛ hu amɛnáaa lɛ mlɛo kwraa yɛ shishijee mli akɛ amɛbaanu amɛhe shishi, ni amɛkɛ amɛhe agba sane. Shi amɛkɛ nɔ ni amɛkaneɔ yɛ Biblia lɛ mli lɛ bɔi nitsumɔ. Mɛni jɛ mli kɛba? Vicent, ni ji wu lɛ kɛɛ akɛ: “Nɔ ni mikane yɛ Biblia lɛ mli lɛ ye ebua mi ni mikɛ suɔmɔ tsu naagbai ni wɔkɛkpeɔ yɛ wɔgbala lɛ mli lɛ ahe nii. Biblia lɛ naa ni wɔhiɔ shi yɛ lɛ ehã wɔná miishɛɛ waa.” Eŋa Annalou hu wie nɔ ko tamɔ nakai nɔŋŋ akɛ: “Mɛi anɔkwɛmɔnii ni wɔkane yɛ Biblia lɛ mli lɛ ye ebua wɔ. Amrɔ nɛɛ, miyɛ miishɛɛ yɛ wɔgbala lɛ mli, ni minyaa otii ni wɔkɛmamɔ wɔhiɛ lɛ hu ahe.”

Ehãa oleɔ Nyɔŋmɔ. Yɛ nɔ ni Vicent wie kɛkɔ bɔ ni Biblia lɛ eye ebua lɛ yɛ gbalashihilɛ mli lɛ he lɛ sɛɛ lɛ, ewie hu akɛ: “Akɛni mikaneɔ Biblia lɛ hewɔ lɛ, minuɔ he akɛ mibɛŋkɛ Yehowa waa amrɔ nɛɛ fe be ko ni eho.” Nɔ ni Vicent wie lɛ gbalaa jwɛŋmɔ kɛyaa sane ko ni he hiaa waa nɔ—Biblia lɛ baanyɛ aye abua bo ni ole Nyɔŋmɔ. Biblia lɛ ni obaakane lɛ baaye abua bo ni oná ŋaawoi ni Nyɔŋmɔ kɛhãa lɛ ahe sɛɛ, ni obaale lɛ akɛ onaanyo. Obaana hu akɛ, Nyɔŋmɔ hãa wɔleɔ shihilɛ kpakpa ni baaba wɔsɛɛ lɛ he saji babaoo, ni ji be ni obaaná “wala diɛŋtsɛ,” ni baahi shi kɛya naanɔ lɛ. (1 Timoteo 6:19) Onyɛŋ oná enɛ yɛ wolo ko wolo ko mli.

Kɛ́ obɔi Biblia lɛ kanemɔ, ni onijiaŋ ejeee wui lɛ, bo hu obaaná sɛɛnamɔi nɛɛ eko—ebaatsake oshihilɛ bianɛ, ni ebaahã ole Nyɔŋmɔ hu. Shi be ni okaneɔ Biblia lɛ, sanebimɔi pii baaba ojwɛŋmɔ mli. Ni kɛ́ ebalɛ nakai lɛ, kaimɔ nɔkwɛmɔnɔ kpakpa ni Etiopia piafonyo ni hi shi aaafee afii 2,000 ni eho nɛ lɛ fee lɛ. No mli lɛ, sanebimɔi pii ni kɔɔ Biblia lɛ he yɛ ejwɛŋmɔ mli. Be ni abi lɛ kɛji enuɔ nɔ ni ekaneɔ lɛ shishi lɛ, ejie naa akɛ: “Anɔkwa, te mafee tɛŋŋ manyɛ manu shishi akɛ ja mɔ ko tsɔɔ mi?” * Kɛkɛ ni ekpɛlɛ ni Filipo, ni ji Yesu kaselɔi lɛ ateŋ mɔ kome, ni le Biblia lɛ mli jogbaŋŋ lɛ ye ebua lɛ. (Bɔfoi 8:30, 31, 34) Kɛ́ bo hu oosumɔ ni ole saji babaoo ni kɔɔ Biblia lɛ he lɛ, ofainɛ ni oya intanɛt lɛ nɔ, yɛ www.jw.org/gaa, loo ŋmaa kɛya adrɛs ni atsɔɔ yɛ wolo nɛɛ mli lɛ eko, ni obi ni aye abua bo. Obaanyɛ obi Yehowa Odasefoi ni yɔɔ he ni oyɔɔ lɛ hu, loo yaa Maŋtsɛyeli Asa ko ni bɛŋkɛ bo lɛ nɔ. Mɛni hewɔ otaooo Biblia lɛ eko ŋmɛnɛ, koni eye ebua bo ni oná shihilɛ kpakpa?

Kɛ́ oyiŋ miifee bo kɔshikɔshi akɛ obaanyɛ okɛ ohe afɔ̃ Biblia lɛ nɔ kwraa lɛ, ofainɛ ni okwɛ vidio ni sɛɛ kɛɛɛ ni yitso ji, Te Wɔbaafee Tɛŋŋ Wɔle akɛ Biblia lɛ Ja? lɛ. Obaanyɛ ona vidio nɛɛ kɛ́ otee jw.org/gaa lɛ nɔ ni okwɛ WOJI KƐ NIBII > VIDIOI > BIBLIA

^ kk. 8 Kɛ́ ootao ona ŋaawoi krokomɛi ni Biblia lɛ kɛhãa lɛ, yaa wɔwɛbsaiti lɛ nɔ, yɛ jw.org/gaa. Kwɛmɔ fã ni ji BIBLIA TSƆƆMƆI > SANEBIMƆI NI BIBLIA LƐ EHÃ HETOO.

^ kk. 11 Kwɛmɔ sane ni yɔɔ wolo nɛɛ mli ni yitso ji, “Nɔ Hewɔ Ni Esa Akɛ Onu Nɔ Ni Okaneɔ Lɛ Shishi Jogbaŋŋ” lɛ hu.

Ekrokromɛi Hu Nɛ

Mɛɛ Gbɛ nɔ Wɔnáa Biblia mli Shishitoo Mlai Ahe Sɛɛ?

Yesu tsɔɔ nɔ hewɔ ni gbɛtsɔɔmɔ he hiaa wɔ kɛ Biblia mli shishitoo mlai enyɔ ni he hiaa titri.

Ani Onuɔ He Akɛ Obɛŋkɛ Nyɔŋmɔ?

Mɛi akpekpei abɔ heɔ yeɔ akɛ Nyɔŋmɔ naa amɛ akɛ enanemɛi.

Ani Nyɔŋmɔ yɛ Gbɛ́i?

Nyɔŋmɔ yɛ gbɛnaa gbɛ́i pii, ekomɛi ji Ofe, Bɔlɔ, kɛ Nuŋtsɔ. Shi atsĩ Nyɔŋmɔ diɛŋtsɛ gbɛ́i lɛ tã shii 7,000 kɛ sɛɛ yɛ Biblia lɛ mli.