Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ OCTOBER 2015

Sanebimɔi ni Biblia lɛ Ehã Hetoo

Sanebimɔi ni Biblia lɛ Ehã Hetoo

Ani jeŋ ko baaba ni ohia bɛ mli?

Te Nyɔŋmɔ aaafee tɛŋŋ ekɛ jeŋ ni ohia bɛ mli aba lɛ?Mateo 6:9, 10.

Daa afi lɛ, ohia futaa gbeɔ mɛi akpekpei abɔ akɛni amɛnáaa niyenii ni hela hu mɔmɔɔ amɛ lɛ hewɔ. Eyɛ mli akɛ mɛi komɛi eshwere yɛ je lɛŋ hei komɛi moŋ, shi mɛi babaoo yɛ ohia futaa mli lolo. Biblia lɛ tsɔɔ akɛ ohia yɛ kɛjɛ blema tɔ̃ɔ.Kanemɔ Yohane 12:8.

Ja aná nɔyeli kome ni baaye jeŋ muu lɛ fɛɛ nɔ dani abaanyɛ ajie ohia kɛya. Esa akɛ nɔyeli ni tamɔ nɛkɛ lɛ anyɛ aja nibii ni yɔɔ je lɛ mli lɛ pɛpɛɛpɛ ehã mɔ fɛɛ mɔ, ni enyɛ efo tai asɛɛ hu, ejaakɛ enɛɛmɛi ji nibii titri ni kɛ ohia baa. Nyɔŋmɔ ewo jeŋ fɛɛ nɔyeli ni tamɔ nakai shi.Kanemɔ Daniel 2:44.

Namɔ baanyɛ ejie ohia kɛya?

Nyɔŋmɔ ehala e-Bi, Yesu, ni eye adesai fɛɛ nɔ. (Lala 2:4-8) Yesu baakpɔ ohiafoi lɛ, ni ekɛ nɔnaa kɛ awuiyeli baaba naagbee.Kanemɔ Lala 72:8, 12-14.

Agba yɛ Yesu he akɛ ebaafee “Hejɔlɛ [loo Toiŋjɔlɛ, NW] lumɔ,” ni ekɛ toiŋjɔlɛ kɛ shweshweeshwe shihilɛ baaba jeŋ fɛɛ. Kɛkɛ lɛ mɔ fɛɛ mɔ ni yɔɔ shikpɔŋ lɛ nɔ lɛ baahi lɛ diɛŋtsɛ etsu ni ema lɛ mli, ni ebaatsu nitsumɔ ni baahã etsui anyɔ emli, ni ebaaná niyenii babaoo eye.Kanemɔ Yesaia 9:5, 6; 65:21-23.

 

Ekrokromɛi Hu Nɛ

Mɛni Yesu Baafee Wɔsɛɛ?

Yesu kɛ toiŋjɔlɛ baaba shikpɔŋ lɛ nɔ.

Ani Be ko Baashɛ ni Wɔbaaná Nɔyeli Kome ni Baaye Jeŋ Muu lɛ Fɛɛ Nɔ?

Kɛ́ nɔyeli kome yeɔ jeŋ muu lɛ fɛɛ nɔ lɛ, toiŋjɔlɛ kɛ shweshweeshwe shihilɛ baaba jeŋ fɛɛ. Mɛni hewɔ wɔbaanyɛ wɔhe shi ni Nyɔŋmɔ ewo akɛ ekɛ nɔyeli ni tamɔ nakai baaba lɛ wɔye lɛ? Namɔ baafee enɔyelɔ?