Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Buu-Mɔɔ  |  May 2015

 SANEYITSO LƐ MLITSƆƆMƆ

Ani Naagbee lɛ Ebɛŋkɛ?

Ani Naagbee lɛ Ebɛŋkɛ?

Ani Nyɔŋmɔ baahã adesai aya nɔ aye adesai anɔ, ni amɛkɛ adesai awɔsɛɛ shihilɛ awo oshara mli? Dabi, taakɛ wɔna kɛtsɔ hiɛ lɛ, ebaatsu saji ahe nii ni ebaafo nɔnaa kɛ yiwaa ni etee nɔ afii ohai abɔ lɛ sɛɛ. Mɔ ni bɔ gbɔmɛi kɛ shikpɔŋ lɛ miisumɔ ni ole akɛ, be ni ekɛbaatsu saji ahe nii lɛ ebɛŋkɛ. Mɛɛ gbɛ nɔ etsɔɔ ehãa wɔleɔ sane ni he hiaa nɛɛ?

Susumɔ nɔkwɛmɔnɔ nɛɛ he okwɛ: Kɛ́ okɛ kar miifã gbɛ kɛmiiya he ko lɛ, ekolɛ klɛŋklɛŋ lɛ obaakwɛ Intanɛt lɛ nɔ, map srɔtoi, kɛ gbɛfãa lɛ he gbɛtsɔɔmɔi krokomɛi ni aŋmala lɛ amli. Kɛkɛ lɛ, kɛ́ ona okadii kɛ nibii ni sa kadimɔ yɛ gbɛ lɛ he ní kɛ gbɛtsɔɔmɔi ni ohiɛ lɛ kpãa gbee lɛ, onáa nɔmimaa akɛ oobɛŋkɛ he ni oyaa lɛ. Nakai nɔŋŋ hu Nyɔŋmɔ kɛ e-Wiemɔ lɛ ehã wɔ, ni no tsɔɔ wɔ nibii ni sa kadimɔ waa ni yaa nɔ yɛ je lɛŋ fɛɛ. Kɛ́ wɔna akɛ nibii ni sa kadimɔ nɛɛ miiba mli lɛ, wɔnáa nɔmimaa akɛ wɔyɛ be ni baatsɔ naagbee lɛ hiɛ lɛ mli.

Biblia lɛ tsɔɔ akɛ, be ko ni yɔɔ srɔto, ni sa kadimɔ waa baashɛ yɛ adesai ayinɔsane mli, ni nɛkɛ be nɛɛ baayatsɔ enaa shi yɛ naagbee lɛ mli. Nibii ni baaya nɔ yɛ je lɛŋ fɛɛ yɛ nakai be lɛ mli lɛ baafee nibii ni anako amɛhenɔ pɛŋ yɛ adesai ayinɔsane mli. Susumɔ nibii nɛɛ ateŋ ekomɛi ni atsĩ tã yɛ Nyɔŋmɔ Wiemɔ lɛ mli lɛ ahe okwɛ.

1. BASABASAFEEMƆI NI YAA NƆ YƐ JEŊ FƐƐ Gbalɛ ko ni yɔɔ Mateo yitso 24 lɛ tsĩ shihilɛi komɛi ni baaya nɔ yɛ shikpɔŋ lɛ nɔ lɛ atã, ni shihilɛi nɛɛ ji okadi ko. Nakai okadi lɛ baahã ayɔse “shihilɛ gbɛjianɔtoo lɛ naagbee gbii” lɛ, ni ebaaya nɔ kɛyashi “naagbee lɛ baaba.” (Kuku 3, 14) Nibii ni feɔ okadi lɛ ekomɛi ji tai wuji, hɔji, shikpɔŋhosomɔi ni baaba yɛ heihei, mlatɔmɔ ni baaya nɔ afa, mɛi asuɔmɔ ni he baajɔ, kɛ jamɔŋ hiɛnyiɛlɔi ni baatsɔ ŋaa gbɛ nɔ amɛlaka mɛi. (Kuku 6-26) Anɔkwa, kɛ́ wɔɔkɛɛ lɛ, nibii nɛɛ etee nɔ afii ohai abɔ. Shi be ni naagbee lɛ bɛŋkɛɔ lɛ, fɛɛ baaya nɔ yɛ jaramɔ be kome too lɛ nɔŋŋ mli. Be ni nibii nɛɛ miiya nɔ lɛ, belɛ nibii krokomɛi etɛ ni nyiɛ sɛɛ nɛɛ ni bɔɔ wɔ kɔkɔ lɛ hu miiya nɔ.

2. MƐI AJEŊBA Biblia lɛ kɛɔ akɛ, yɛ “naagbee gbii lɛ” amli lɛ—ni ji be ni baatsɔ naagbee lɛ hiɛ lɛ—gbɔmɛi ajeŋba baakpɔtɔ kwraa fe tsutsu lɛ. Biblia lɛ kɛɔ akɛ: “Gbɔmɛi baatsɔmɔ hesuɔlɔi, shikasuɔlɔi, shwãlɔi, henɔwolɔi, musubɔlɔi, fɔlɔi anɔ toigbolɔi, trumui, mɛi ni yeee anɔkwa, mɛi ni bɛ adebɔɔ naa hedɔɔ, mɛi ni anyɛɛɛ akɛ amɛ afee kpaŋmɔ, mɛi-aheguɔgbelɔi, mɛi ni nyɛɛɛ amɛhe nɔ amɛye, mɛi ni hiɛ yɔɔ la, mɛi ni sumɔɔɔ ekpakpa, mɛi ni jieɔ mɛi amɛhãa, kuɛŋtilɔi, mɛi ni pupuɔ amɛhe, mɛi ni sumɔɔ shwɛmɔ-kɛ-ŋɔɔmɔ moŋ fe Nyɔŋmɔ.” (2 Timoteo 3:1-4) Eji anɔkwale akɛ, jeee ŋmɛnɛ mɔ ni abuuu lɛ je shishi, shi yɛ “naagbee gbii lɛ” amli lɛ, su nɛɛ mli baawo wu aahu akɛ, abaanyɛ awie nakai yinɔ lɛ he yɛ gbɛ ni ja nɔ akɛ eji “bei krɛdɛɛ ní jaraa.” Ani oyɔse akɛ gbɔmɛi ajeŋba miikpɔtɔ kwraa?

3. AAFITE SHIKPƆŊ LƐ Biblia lɛ kɛɔ akɛ, Nyɔŋmɔ baafite “mɛi ni fiteɔ shikpɔŋ lɛ.” (Kpojiemɔ 11:18) Mɛɛ gbɛi anɔ gbɔmɛi fiteɔ shikpɔŋ lɛ? Awie Noa gbii lɛ ahe yɛ gbɛ ni tamɔ nakai nɔŋŋ nɔ akɛ: “Shikpɔŋ lɛ nɔ efite yɛ Nyɔŋmɔ hiɛ, ni awo shikpɔŋ lɛ nɔ obɔ kɛ yiwalɛ. Ni Nyɔŋmɔ kwɛ shikpɔŋ lɛ, ni naa, enɔ efite.” No hewɔ lɛ Nyɔŋmɔ wie nakai yinɔbii ni efite lɛ ahe akɛ: ‘Mibakpãtã amɛhiɛ.’ (1 Mose 6:11-13) Ani onaaa odaseyelii babaoo ni tsɔɔ akɛ shikpɔŋ lɛ nɔ miiyi obɔ kɛ yiwalɛ? Kɛfata he lɛ, adesai eshɛ he ko ni sa kadimɔ waa yɛ yinɔsane mli: Amɛbaanyɛ amɛfite shikpɔŋ lɛ diɛŋtsɛ, kɛtsɔ adesai fɛɛ ni yɔɔ nɔ lɛ ahiɛ ni amɛbaakpãtã lɛ nɔ. Amɛhiɛ tawuu nibii ni amɛbaanyɛ amɛkɛfee nakai lɛ yɛ amɛdɛŋ. Ni aafite shikpɔŋ lɛ yɛ gbɛ kroko hu nɔ. Aaya nɔ aafite nibii ni baa wala yi yɛ shikpɔŋ lɛ nɔ lɛ—kɔɔyɔɔ ni wɔmuɔ, kooloi kɛ tsei, ŋshɔi kɛ fai—ejaakɛ gbɔmɛi kwɛɛɛ nibii nɛɛ anɔ jogbaŋŋ.

 Bi ohe akɛ, ‘Aaafee afii 100 pɛ ni eho nɛ lɛ, ani adesai yɛ hewalɛ ni amɛkɛaakpãtã amɛ diɛŋtsɛ amɛhiɛ butuu?’ Shi amrɔ nɛɛ, adesai kɛ nakai hewalɛ lɛ miitsu nii waa, kɛtsɔ tawuu nibii ni yɔɔ gbeyei ni amɛbuaa naa babaoo, kɛ nibii ni baa wala yi lɛ ahiɛ ni amɛkpãtãa lɛ nɔ. Aaya hiɛ oyayaayai yɛ tsɔnei ahe nilee mli. Shi adesai nyɛko anu naagbai ni jɛɔ mli kɛbaa lɛ shishi, loo ní amɛtsu he nii. Kɛ̃lɛ, jeee adesai baatsɔɔ loo amɛ amɛbaakudɔ nɔ ni baaba shikpɔŋ lɛ nɔ wɔsɛɛ. Nyɔŋmɔ eŋmɛŋ gbɛ ni akpãtã shikpɔŋ nɛɛ nɔ bɔɔ nii fɛɛ ni wala yɔɔ amɛmli lɛ ahiɛ—ekɛ ehe baawo sane lɛ mli, ni ebaakpãtã mɛi ni fiteɔ shikpɔŋ lɛ ahiɛ. Enɛ ji shi ni lɛ diɛŋtsɛ ewo!

4. ABAASHIƐ YƐ JEŊ FƐƐ Naagbee lɛ he okadi lɛ fã kroko hu tsɔɔ akɛ, abaatsu nitsumɔ ko ni anako enɔ dã, no ji: “Abaashiɛ Maŋtsɛyeli lɛ he sane kpakpa nɛɛ yɛ shikpɔŋ lɛ nɔ fɛɛ koni akɛye jeŋmaji lɛ fɛɛ odase, ni no sɛɛ lɛ naagbee lɛ baaba.” (Mateo 24:14) Esoro shiɛmɔ nitsumɔ nɛɛ kwraa yɛ nɔ ni jamɔi babaoo tsuɔ kɛtsakeɔ mɛi kɛbaa amɛjamɔ lɛ mli yɛ afii 100 abɔ ni eho lɛ amli lɛ he. Yɛ naagbee gbii lɛ amli lɛ, abaashiɛ sane pɔtɛɛ ko, no ji “Maŋtsɛyeli lɛ he sane kpakpa” lɛ. Ani ole jamɔ kuu ko ni shiɛɔ nakai sane krɛdɛɛ lɛ? Ni kɛ́ etamɔ nɔ ni mɛi komɛi miishiɛ sane ni tamɔ nɛkɛ po lɛ, ani amɛji kuu fioo ko ni miishiɛ yɛ he ni amɛyɔɔ lɛ pɛ, aloo amɛmiigbɛ sane kpakpa nɛɛ amɛmiishwa “shikpɔŋ lɛ nɔ fɛɛ koni akɛye jeŋmaji lɛ fɛɛ odase”?

Aashiɛ Nyɔŋmɔ Maŋtsɛyeli lɛ he sane yɛ jeŋ fɛɛ yɛ wiemɔi ohai abɔ mli

Wɛb saiti ni ji www.jw.org lɛ gbalaa jwɛŋmɔ kɛyaa “Maŋtsɛyeli lɛ he sane kpakpa nɛɛ” nɔ titri. Ayɛ woji kɛ nibii krokomɛi yɛ saiti nɛɛ nɔ ní gbalaa nakai sane lɛ mli yɛ wiemɔi ni fa fe 700 mli. Ani ole gbɛ kroko hu ni atsɔɔ nɔ ahãa mɛi leɔ Maŋtsɛyeli lɛ he sane kpakpa lɛ yɛ jeŋ fɛɛ? Jeeŋmɔ dani Intanɛt lɛ baaba lɛ, ale Yehowa Odasefoi akɛ mɛi ni shiɛɔ Nyɔŋmɔ Maŋtsɛyeli lɛ he sane kpakpa lɛ. Kɛjɛ afi 1939 kɛbaa nɛɛ, aŋmaa yɛ Buu-Mɔɔ lɛ eko fɛɛ eko hiɛ akɛ, “Eetswa Yehowa Maŋtsɛyeli He Adafi.” Wolo ko ni wieɔ jamɔi ahe lɛ wie Yehowa Odasefoi ashiɛmɔ nitsumɔ lɛ he akɛ, “eko eko kɛ lɛ yeee egbɔ yɛ bɔ ni akɛ ekãa tsuɔ, kɛ he ni atsu kɛyashɛ lɛ gbɛfaŋ.” Shiɛmɔ nitsumɔ nɛɛ maa sane kpakpa ni ji akɛ, etsɛŋ Nyɔŋmɔ Maŋtsɛyeli lɛ kɛ “naagbee lɛ baaba” lɛ nɔ mi.

BE NI SA KADIMƆ WAA YƐ JE LƐ YINƆSANE MLI

Ani okadi akɛ nibii ejwɛ ni Biblia lɛ wie he ni bɔɔ wɔ kɔkɔ ni agbala mli yɛ sane nɛɛ mli lɛ fɛɛ eba mli yɛ owala beiaŋ? Nɔ ni fe afii 100 nɛ lɛ, wolo tɛtrɛɛ nɛɛ ehã mɛi ni kaneɔ lɛ ele saji ni kɔɔ nibii ni yaa nɔ yɛ je lɛŋ lɛ he, koni eye ebua amɛ ni amɛ diɛŋtsɛ amɛmu sane naa akɛ wɔmiibɛŋkɛ  naagbee lɛ. Shi mɛi komɛi ayiŋ etɛ̃ɛɛ amɛ, ni amɛkɛɔ akɛ saji ni awieɔ lɛ ji mɛi asusumɔi kɛkɛ, ni abaanyɛ awo he. Agbɛnɛ hu amɛkɛɔ akɛ, akɛni gbɛi ni atsɔɔ nɔ akɛ mɛi sharaa yɛ jeŋ fɛɛ lɛ miiya hiɛ waa hewɔ lɛ, no hãa efeɔ tamɔ nɔ ni je lɛŋ shihilɛ lɛ mli miiwo wu. Shi odaseyelii pii yɛ ni tsɔɔ akɛ, wɔyɛ be ko ni sa kadimɔ waa yɛ adesai ayinɔsane mli lɛ naagbee gbii amli.

Woloŋlelɔi komɛi susuɔ akɛ wɔmiishɛ he ko ní tsakemɔi kpelei baaba shikpɔŋ nɛɛ nɔ. Akɛ nɔkwɛmɔnɔ lɛ, yɛ afi 2014 mli lɛ, Ajinafoi ni Kwɛɔ Jeŋ Shikpamɔ kɛ Shweshweeshwefeemɔ saji anɔ lɛ bɔ Jeŋmaji Ekomefeemɔ Shweshweeshwefeemɔ Gwabɔɔ lɛ kɔkɔ yɛ nibii titrii ni baanyɛ abule adesai ashishi lɛ he yɛ wolo ni ji Bulletin of the Atomic Scientists lɛ mli. Nakai jeŋ shikpalɔi lɛ wie akɛ: “Nibii titrii nɛɛ amli ni wɔpɛi jogbaŋŋ lɛ hãa wɔmuɔ sane naa akɛ, ewaaa kwraa akɛ tsɔnei ahe nilee ni yaa hiɛ lɛ baahã oshara ko aba ni ebule adesai fɛɛ shishi.” Mɛi babaoo ayiŋ miitsɔ diɛŋtsɛ akɛ, wɔshɛ he ko ni sa kadimɔ waa yɛ je lɛ yinɔsane mli. Mɛi ni fee wolo nɛɛ kɛ mɛi babaoo ni kaneɔ wolo nɛɛ ena faŋŋ akɛ, be ni sa kadimɔ nɛɛ ji naagbee gbii lɛ lɛɛlɛŋ, ni akɛ naagbee lɛ ebɛŋkɛ. Shi yɛ nɔ najiaŋ ni obaashe nɔ ni baaba wɔsɛɛ lɛ he gbeyei lɛ, nɔ ni baajɛ mli aba lɛ moŋ baanyɛ ahã omii ashɛ ohe. Mɛni hewɔ? Ejaakɛ abaanyɛ abaa oyi!