Ani Ole?
Mɛni ji Roma asraafoi ohaiatsɛ nitsumɔ?
Asraafoi Ohaiatsɛ Marcus Favonius Facilis he mfoniri ni akpɛ
Atsĩ Roma asraafoi ohaiatsɛmɛi komɛi atã yɛ Kristofoi a-Hela Ŋmalɛi lɛ amli. Asraafoiatsɛ ni kwɛ ni agbe Yesu lɛ ji asraafoi ohaiatsɛ, ni nakai nɔŋŋ hu eji yɛ Kornelio, ni ji klɛŋklɛŋ Jeŋmaŋnyo ni batsɔ Kristofonyo lɛ gbɛfaŋ. Asraafoiatsɛ ni kulɛ eekwɛ ni agwao Paulo lɛ, kɛ Yulio ni kɛ Paulo tee Roma lɛ fɛɛ hu ji asraafoi ohaiatsɛmɛi.
Bei pii lɛ, asraafoi ohaiatsɛ kwɛɔ asraafoi 50 kɛmiimɔ 100 ni nyiɛɔ amɛnane nɔ lɛ anɔ. Enitsumɔi lɛ ekomɛi ji, ni etsɔse esraafoi lɛ ni etsɔɔ amɛnii, ekwɛ akɛ amɛtadei kɛ amɛtayaa nibii lɛ yɛ jogbaŋŋ lo, agbɛnɛ hu lɛ, ní ekɛ famɔi ahã amɛ kɛ́ amɛmiiya ta.
Gbɛhe nɛɛ ji hegbɛ ni fe fɛɛ ni asraafonyo ni bɛ gbɛnaa ko lɛ baanyɛ aná. Esa akɛ asraafoi ni baaná gbɛnaa nɛɛ lɛ afee mɛi ni he esa waa, ní baanyɛ afee hiɛnyiɛlɔi kpakpai hu. Kɛ́ Roma asraafoi lɛ ahe baasa waa ní amɛbaaye kunim yɛ tai amli lɛ, fɛɛ baadamɔ hii nɛɛ anɔ. Amaniɛbɔɔ ko tsɔɔ mli akɛ, asraafoi ohaiatsɛmɛi “ji asraafoi lɛ ateŋ mɛi ni yɔɔ niiashikpamɔ waa ni amɛle nibii fɛɛ ni kɔɔ asraafoi anitsumɔ lɛ he.”
Mɛɛ gbɛ nɔ esoro ashwishwɛi ni akɛtsu nii yɛ blema lɛ yɛ nɔ ni akɛtsuɔ nii ŋmɛnɛ lɛ he?
Blema Ejipt ashwishwɛ
Akɛ glase feɔ ashwishwɛi ni akɛtsuɔ nii ŋmɛnɛ lɛ, shi yɛ blema lɛ, bei pii lɛ akɔɔble ni asha hiɛ hiahia ji nɔ ni akɛtsu nii akɛ ashwishwɛi, ni bei komɛi hu lɛ akɛ jwiɛtɛi, shikatsuru, loo dadei krokomɛi ni asha hiɛ tsu nii akɛ ashwishwɛ. Be klɛŋklɛŋ ni atsĩ ashwishwɛ tã yɛ Biblia lɛ mli ji be ni amãa kpeebuu lɛ, ni ji he klɛŋklɛŋ ni Israelbii lɛ já Nyɔŋmɔ yɛ lɛ. Yei kɛ amɛshwishwɛi hã ni akɛfee akɔɔble lalakã lɛ kɛ enɔmaanɔ lɛ. (2 Mose 38:8) Eeenyɛ efee akɛ, asere ashwishwɛi lɛ dani akɛfee lalakã lɛ.
Bei pii lɛ, kɛ́ shitsalɔi ni taoɔ blema nibii lɛ na ashwishwɛi yɛ Israel kɛ maji ni yɔɔ jɛi niiaŋ lɛ, amɛnaa junei kɛ yei ahesaamɔ nibii hu. Bei pii lɛ, ashwishwɛi nɛɛ yɛ kokoroo, ni akɛ tso loo dade loo shwuɔwu ní agbɔ tamɔ yoo feɔ nine lɛ. Ashaaa ashwishwɛi lɛ sɛɛ, ashiɔ lɛ bɔ ni eyɔɔ lɛ nɔŋŋ.
Ashwishwɛi ni akɛtsuɔ nii ŋmɛnɛ lɛ ahiɛ kpɛlɛɔ kwraa fe nɔ ni akɛtsu nii yɛ blema lɛ. Enɛ hãa wɔnuɔ nɔ ni bɔfo Paulo wie be ni ekɛɛ akɛ: “Wɔkwɛɔ dade ashwishwɛ mli ni wɔnaa nii tuutuu” lɛ shishi.
Ekolɛ Obaasumɔ Enɛ Hu
BUU-MƆƆ—NIKASEMƆ NƆ
Ani Ole?—February 2022
Mɛni hewɔ ehi waa akɛ Yehowa kpɛlɛ ni Israelbii lɛ kɛ ŋa mli okpoi kɛ shĩa okpoi fɛɛ ashã afɔle lɛ?
BUU-MƆƆ—NIKASEMƆ NƆ
Ani Ole?—March 2020
Yɛ Biblia lɛ sɛɛ lɛ, ani nɔ kroko yɛ ni yeɔ odase akɛ Israelbii lɛ tsɔmɔ nyɔji yɛ Ejipt?
BUU-MƆƆ—NIKASEMƆ NƆ
Ani Ole?—April 2019
Yɛ blema lɛ, kɛ́ mɔ ko miitao ekɛ meele afã gbɛ lɛ, mɛni efeɔ?
