Ekã shi faŋŋ akɛ adesai baakã he aya hiɛ yɛ jeŋ shikpamɔ mli. Shi ani jeŋ shikpalɔi baanyɛ afee nɔ ko ni baahã adesai asumɔ amɛhe? Dabi. Ŋmɛnɛ lɛ, je lɛŋ eyi tɔ kɛ ŋkomeŋfa kɛ amimyeli. Kɛ̃lɛ, Nyɔŋmɔ esaa nɔ ko kpakpa eto adesai aweku lɛ.—Kanemɔ 2 Petro 3:13.

Nyɔŋmɔ Wiemɔ lɛ tsɔɔ akɛ, be ko baaba ni adesai ni yɔɔ jeŋ fɛɛ lɛ baasumɔ amɛhe. Adesai baahi shi yɛ toiŋjɔlɛ mli, ni mɔ ko bɛ ni baafee amɛ efɔŋ.—Kanemɔ Mika 4:3, 4.

Nyɔŋmɔ ebɔɔɔ gbɔmɔ kɛ ŋkomeŋfa su. Shi akɛni klɛŋklɛŋ adesa lɛ gbo Nyɔŋmɔ nɔ toi hewɔ lɛ, emuuyeli ŋmɛɛ lɛ. Wɔná ŋkomeŋfa su lɛ akɛ gboshinii kɛjɛ edɛŋ. Ni kɛ̃lɛ, Nyɔŋmɔ baatsɔ Yesu nɔ ehã adesai aye emuu.—Kanemɔ Romabii 7:21, 24, 25.

Yesu gbo afɔleshaa gbele, ni ekɛ nakai feemɔ jie nɔ ni jɛ klɛŋklɛŋ adesa lɛ toigbele lɛ mli kɛba lɛ kɛtee, ni enɛ kɛ Nyɔŋmɔ suɔmɔnaa nii kpãa gbee. (Romabii 5:19) No hewɔ lɛ, Yesu gbele lɛ baahã adesai aye amɛhe kɛjɛ emuu ni ayeee ni hãa amɛfeɔ esha lɛ he.—Kanemɔ Lala 37:9-11.