Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ MARCH 2015

 SAJI NI MƐI NI KANEƆ LƐ BIƆ . . .

Ani Easter ji Kristofoi Agbijurɔyeli Lɛɛlɛŋ?

Ani Easter ji Kristofoi Agbijurɔyeli Lɛɛlɛŋ?

Wolo ko (Encyclopædia Britannica) tsɔɔ nɔ ni Easter ji lɛ mli akɛ “eji nifeemɔ titri ni Kristofoi asɔlemɔ lɛ kɛyeɔ Yesu Kristo Shitee lɛ he gbi jurɔ.” Kɛ̃lɛ, ani eji Kristofoi agbijurɔ?

Kɛ́ abaaná nɔmimaa akɛ nɔ ko ni afee lɛ ji ekpakpa lɛ, esa akɛ akwɛ ehe nibii fɛɛ. Nakai nɔŋŋ wɔ hu kɛ́ wɔbaana akɛ Easter ji Kristofoi agbijurɔyeli lɛ, ehe miihia ni wɔkwɛ nibii fɛɛ ni kɔɔ Easter he.

Klɛŋklɛŋ lɛ, Yesu bi ni esɛɛnyiɛlɔi lɛ akai egbele lɛ, shi jeee eshitee lɛ. Bɔfo Paulo tsɛ nifeemɔ nɛɛ akɛ, “Nuŋtsɔ lɛ Gbɛkɛ Niyeli lɛ.”1 Korintobii 11:20; Luka 22:19, 20.

Kɛfata he lɛ, nakai wolo lɛ nɔŋŋ (Encyclopædia Britannica) wie akɛ, nibii ni afeɔ yɛ Easter gbijurɔyeli lɛ mli lɛ kɛ Yesu shitee lɛ “bɛ tsakpaa ko, shi amɛjɛ blema kusumii amli.” Akɛ nɔkwɛmɔnɔ lɛ, wolo ko (The Encyclopedia of Religion) wie kɛkɔ wɔlɔ kɛ kpɛŋkpɛlɛ, ni ji okadifeemɔ nibii ni akɛyeɔ Easter lɛ he akɛ: “Wɔlɔ lɛ damɔ shi kɛhã wala hee ni miije kpo kɛmiijɛ wɔlɔ ni efɛlɛ lɛ mli.” Ekɛfata he akɛ: “Ale kpɛŋkpɛlɛ akɛ kooloo ko ni fɔɔ waa, ni edamɔ shi kɛhã wala hee.”

Woloŋlelɔ ko ni atsɛɔ lɛ Philippe Walter lɛ tsɔɔ bɔ ni fee ni kusumii ni tamɔ nɛkɛ bafata Easter gbijurɔyeli lɛ he. Eŋma akɛ, “be ni abɔɔ mɔdɛŋ akɛ atsake mɛi ni kɛ amɛhe woɔ wɔŋjamɔ nifeemɔi amli kɛba Kristofoi ajamɔ mli lɛ,” ebafee mlɛo akɛ akɛ gbijurɔ ko ni wɔŋjalɔi lɛ yeɔ yɛ ‘fɛibe lɛ naagbee kɛmiimɔ agbeɛnaa beaŋ lɛ’ baakpɛtɛ Yesu shitee lɛ he. Walter kɛfata he akɛ, “Kristofoi agbijurɔyelii” ní aye yɛ wɔŋjalɔi agbii juji anɔ lɛ ji nɔ titri ni hã efee mlɛo kɛhã mɛi babaoo ni amɛbatsɔmɔ Kristofoi.

Nibii ni afee koni akɛgbala mɛi kɛba Kristofoi ajamɔ lɛ mli lɛ eyaaa nɔ yɛ be ni bɔfoi lɛ yɔɔ wala mli lɛ mli, ejaakɛ amɛfee tamɔ “gbɛtsiinɔ” kɛhã wɔŋjamɔ. (2 Tesalonikabii 2:7) Bɔfo Paulo bɔ kɔkɔ akɛ, kɛ́ ‘eshi etee lɛ’ mɛi “baate shi . . . ni amɛbaawie saji kɔɔdɔji ni amɛkɛkpala kaselɔi lɛ kɛnyiɛ amɛ diɛŋtsɛ amɛsɛɛ.” (Bɔfoi 20:29, 30) Ni yɛ klɛŋklɛŋ afii 100 lɛ naagbee gbɛ lɛ, bɔfo Yohane ŋma akɛ mɛi komɛi ebɔi Kristofoi lɛ lakamɔ. (1 Yohane 2:18, 26) No hã gbɛ gbele ni akɛ wɔŋjamɔ kusumii futu Kristofoi ajamɔ.

“Nyɛkɛ mɛi ni heee yeee lɛ akahia kɔɔŋtso kome shishi, ejaakɛ eŋmɛŋ pɛpɛɛpɛ.”2 Korintobii 6:14

Shi ekolɛ mɛi komɛi baanu he akɛ tɔ̃mɔ bɛ he akɛ abaakpɛlɛ Easter kusumii lɛ ekomɛi anɔ, ejaakɛ ehãa “wɔŋjalɔi” lɛ nuɔ nɔ ni Yesu shitee lɛ tsɔɔ lɛ shishi jogbaŋŋ. Kɛ̃lɛ, bɔfo Paulo ekpɛlɛŋ susumɔ nɛɛ nɔ kɔkɔɔkɔ. Eyɛ mli akɛ be ni efãa gbɛ kɛtsɔɔ maji ni yɔɔ Roma Nɔyeli lɛ shishi lɛ amli lɛ, ena ni mɛi kɛ amɛhe miiwo wɔŋjalɔi akusumii pii amli moŋ, shi ekaaa kɔkɔɔkɔ akɛ ekɛ kusumii nɛɛ eko baatsu nii koni ekɛhã mɛi anu Yesu he sane lɛ shishi jogbaŋŋ. No najiaŋ lɛ, ebɔ Kristofoi lɛ kɔkɔ akɛ: “Nyɛkɛ mɛi ni heee yeee lɛ akahia kɔɔŋtso kome shishi, ejaakɛ eŋmɛŋ pɛpɛɛpɛ. Ejaakɛ mɛɛ naanyobɔɔ yɔɔ jalɛ kɛ mlatɔmɔ teŋ? Aloo mɛɛ tsakpãa yɔɔ la kɛ duŋ teŋ? ‘No hewɔ lɛ, nyɛjea amɛteŋ, ni nyɛtsea nyɛhe,’ Yehowa kɛɛ, ‘ni nyɛkpaa nɔ ni he tseee lɛ hetaa.’”2 Korintobii 6:14, 17.

Mɛni wɔna yɛ niiamlipɛimɔi fioo ni wɔfee nɛɛ mli? Wɔna faŋŋ akɛ Easter jeee Kristofoi agbijurɔyeli.

Ekrokromɛi Hu Nɛ

Mɛni Biblia lɛ Kɛɔ yɛ Easter He?

Kanemɔ koni ona he ni Easter kusumii enumɔ lɛ jɛ kɛba.

Yesu Shitee lɛ Haa Mɛi Krokomɛi Náa Naanɔ Wala!

Susumɔ he okwɛ naanɔ wala ni nɔnaa, piŋmɔ loo ŋkɔmɔyeli ko bɛ mli.