Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ FEBRUARY 2015

Sanebimɔi ni Biblia lɛ Ehã Hetoo

Sanebimɔi ni Biblia lɛ Ehã Hetoo

Ani be ko baashɛ ni wɔbaaná nɔyeli kome ni baaye jeŋ muu lɛ fɛɛ nɔ?

Te aaafee tɛŋŋ ni jeŋ muu fɛɛ nɔyeli ko afee mɛi ni jɛ jeŋ maji fɛɛ nɔ lɛ ekome? Yesaia 32:1, 17; 54:13

Kwɛ bɔ ni adesai ahe baajɔ amɛ kɛ́ nɔyeli kome yeɔ jeŋ muu lɛ fɛɛ nɔ! Ŋmɛnɛ lɛ mɛi babaoo miipiŋ akɛni amɛmiiye ohia futaa lɛ hewɔ, shi nakai beaŋ nɔŋŋ lɛ, mɛi komɛi hu yɛ nii babaoo. Shi jeŋ muu fɛɛ nɔyeli ni nuɔ he ehãa eshishi bii lɛ baanyɛ ahã mɔ fɛɛ mɔ aná nɔ ni he hiaa lɛ. Ani osusuɔ akɛ adesai baanyɛ ato nɔyeli ni tamɔ nakai shishi?Kanemɔ Yeremia 10:23.

Kɛjɛ blema tɔ̃ɔ lɛ, adesai anɔyelii nyɛko atsu amɛshishibii lɛ anaagbai ahe nii, titri lɛ ohiafoi. Nɔyelii komɛi ayiŋ wa waa. (Jajelɔ 4:1; 8:9) Shi Nyɔŋmɔ Ofe lɛ ewo shi akɛ, ekɛ nɔyeli ko baaba ni ekɛbaye nɔyelii krokomɛi fɛɛ najiaŋ. Mɔ ni baafee e-Nɔyelɔ lɛ baatsu mɛi fɛɛ anaagbai ahe nii.Kanemɔ Yesaia 11:4; Daniel 2:44.

Mɛni Nyɔŋmɔ Maŋtsɛyeli lɛ baafee?

Yehowa Nyɔŋmɔ ehala jeŋ fɛɛ Nɔyelɔ ko ni sa, lɛ ji e-Bi Yesu. (Luka 1:31-33) Be ni Yesu ji adesa yɛ shikpɔŋ lɛ nɔ lɛ, esumɔɔ akɛ eye ebua mɛi. Akɛ Maŋtsɛ lɛ, ebaafee mɛi ni yɔɔ je lɛŋ fɛɛ lɛ ekome, ni ebaahã mɛi fɛɛ ahe ajɔ amɛ.Kanemɔ Lala 72:8, 12-14.

Ani mɛi fɛɛ baakpɛlɛ Yesu nɔ akɛ Nɔyelɔ? Dabi. Shi Yehowa eto etsui shi. (2 Petro 3:9) Eehã mɛi fɛɛ hegbɛ ni amɛkpɛlɛ Yesu nɔ akɛ Nɔyelɔ. Etsɛŋ, Yesu baajie mɛi fɔji fɛɛ kɛjɛ shikpɔŋ lɛ nɔ, ni ebaahã toiŋjɔlɛ kɛ shweshweeshwe shihilɛ akpele jeŋ fɛɛ.Nyɛkanea Mika 4:3, 4.

 

 

Ekrokromɛi Hu Nɛ

Mɛni Ji Nyɔŋmɔ Maŋtsɛyeli Lɛ?

Mɛi babaoo le Nuŋtsɔ lɛ Sɔlemɔ lɛ kɛɛmɔ. Mɛni wiemɔ ni ji: “Omaŋtsɛyeli lɛ aba” lɛ tsɔɔ?