Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ JANUARY 2015

Sanebimɔi ni Biblia lɛ Ehã Hetoo

Sanebimɔi ni Biblia lɛ Ehã Hetoo

Mɛni hãa mɛi babaoo náa susumɔ akɛ Bɔlɔ ko yɛ?

Ani wala bɛ naakpɛɛ?

Aaafee afii 3,000 ni eho nɛ lɛ, lala wiemɔ ŋmalɔ ko ŋma akɛ: “Bɔ ni atsɔ afee mi lɛ yɛ gbeyei kɛ naakpɛɛ.” (Lala 139:14) Kɛ́ osusu bɔ ni walayibii kuli kome daa ni ebatsɔɔ abifao lɛ he lɛ, ani efeee bo naakpɛɛ? Mɛi babaoo kɛɔ akɛ Bɔlɔ ko ji mɔ ni bɔ nibii fɛɛ ni wala yɔɔ mli lɛ.Kanemɔ Lala 139:13-17; Hebribii 3:4.

Mɔ ni bɔ jeŋ muu lɛ fɛɛ, ni eto shikpɔŋ lɛ he gbɛjianɔ bɔ ni abaanyɛ ahi nɔ lɛ bɔ wala hu. (Lala 36:10) Ehã adesai ele ehe saji babaoo.Kanemɔ Yesaia 45:18.

Ani wɔjɛ kooloi amli?

Wɔgbɔmɔtsei lɛ je kooloi anɔ yɛ gbɛi babaoo nɔ. Shi nɔ hewɔ ni eyɔɔ nakai ji akɛ, Bɔlɔ lɛ bɔ gbɔmɛi kɛ kooloi fɛɛ ni amɛhi shikpɔŋ lɛ nɔ. Ebɔ klɛŋklɛŋ adesa lɛ kɛjɛ su mli, shi jeee kooloo ko mli.Kanemɔ 1 Mose 1:24; 2:7.

Esoro adesai yɛ kooloi ahe yɛ gbɛi titrii enyɔ komɛi anɔ. Klɛŋklɛŋ lɛ, adesai nyɛɔ amɛleɔ nii, amɛjieɔ suɔmɔ kpo, ni amɛbuɔ Bɔlɔ lɛ. Nɔ ni ji enyɔ lɛ, abɔ adesai ni amɛhi shi kɛya naanɔ, shi abɔɔɔ kooloi ni amɛhi shi kɛya naanɔ. Shi amrɔ nɛɛ, mɛi fɛɛ gboiɔ ejaakɛ klɛŋklɛŋ gbɔmɔ lɛ kpoo gbɛtsɔɔmɔ ni Bɔlɔ lɛ kɛhã lɛ lɛ.Kanemɔ 1 Mose 1:27; 2:15-17.

 

Ekrokromɛi Hu Nɛ

Mɛni Ji Anɔkwale ni Kɔɔ Nyɔŋmɔ He Lɛ?

Kɛ́ okwɛ lɛ, ani Nyɔŋmɔ susuɔ ohe akɛ aŋkro? Kanemɔ koni ole esui kɛ bɔ ni obaafee otsi obɛŋkɛ lɛ.