Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ DECEMBER 2014

 SANEYITSO LƐ MLITSƆƆMƆ | OBAANYƐ OBƐŊKƐ NYƆŊMƆ

Ani Onuɔ He Akɛ Obɛŋkɛ Nyɔŋmɔ?

Ani Onuɔ He Akɛ Obɛŋkɛ Nyɔŋmɔ?

“Kɛ́ wekukpaa kpakpa yɛ okɛ Nyɔŋmɔ teŋ lɛ, onuɔ he akɛ oyɛ shweshweeshwe, ohe yɛ sɛɛnamɔ, ni ehãa ofeɔ shiŋŋ hu yɛ shihilɛ mli. Ehãa onuɔ he be fɛɛ be akɛ ohilɛkɛhãmɔ kã Nyɔŋmɔ tsui nɔ.”—CHRISTOPHER, OBLANYO KO NI YƆƆ GHANA.

“Nyɔŋmɔ naa haomɔi fɛɛ ni baa onɔ lɛ, ni ejieɔ suɔmɔ babaoo kpo etsɔɔ bo, ni eboɔ bo toi hu kwraa fe bɔ ni okpaa gbɛ.”—HANNAH, EYE AFII 13, EYƐ ALASKA YƐ U.S.A.

“Le ni ole akɛ wekukpaa kpakpa yɛ okɛ Nyɔŋmɔ teŋ lɛ ji nɔ ko ni hãa omii shɛɔ ohe, ni ehãa otsui hu nyɔɔ omli fe nɔ fɛɛ nɔ!”—GINA, YOO KO NI JƐ JAMAICA, EYE AAAFEE AFII 45.

Jeee Christopher, Hannah, kɛ Gina pɛ nuɔ he nakai. Mɛi ni yɔɔ je lɛ mli lɛ ateŋ mɛi babaoo heɔ yeɔ akɛ Nyɔŋmɔ naa amɛ akɛ enanemɛi. Ni bo hu? Ani onuɔ he akɛ obɛŋkɛ Nyɔŋmɔ? Aloo obaasumɔ ni obɛŋkɛ lɛ loo obɛŋkɛ lɛ fe tsutsu lɛ? Ekolɛ obaasusu akɛ: ‘Ani adesa ko baanyɛ aná ekɛ Nyɔŋmɔ Ofe lɛ teŋ wekukpaa ni bɛŋkɛ kpaakpa? Kɛ́ nakai lɛ, te eeefee tɛŋŋ efee nakai?’

ABAANYƐ ABƐŊKƐ NYƆŊMƆ

Biblia lɛ tsɔɔ akɛ abaanyɛ abɛŋkɛ Nyɔŋmɔ kpaakpa. Biblia lɛ kɛɔ akɛ, Nyɔŋmɔ tsɛ Hebri blematsɛ Abraham akɛ “mishieŋtsɛ.” (Yesaia 41:8) Agbɛnɛ hu, kadimɔ ninefɔ̃ɔ ni yɔɔ Yakobo 4:8 lɛ; jɛmɛ kɛɔ akɛ: “Nyɛtsia nyɛbɛŋkɛa Nyɔŋmɔ, ni eeetsi eeebɛŋkɛ nyɛ.” No hewɔ lɛ, eyɛ faŋŋ akɛ wekukpaa kpakpa baanyɛ ahi okɛ Nyɔŋmɔ teŋ loo otsɔ enaanyo. Shi akɛni anaaa Nyɔŋmɔ hewɔ lɛ, te ooofee tɛŋŋ ‘otsi obɛŋkɛ’ lɛ koni wekukpaa kpakpa ahi okɛ lɛ teŋ?

Kɛhã sanebimɔ nɛɛ hetoo lɛ, susumɔ nɔ ni hãa naanyobɔɔ yaa nɔ yɛ adesai ateŋ lɛ he okwɛ. Bei pii lɛ, kɛ́ mɛi enyɔ komɛi le amɛgbɛ́i pɛ kɛkɛ lɛ, naanyobɔɔ eje shishi. No sɛɛ lɛ, kɛ́ amɛkɛ amɛhe fɔɔ sanegbaa, ni amɛjieɔ amɛsusumɔi kɛ amɛhenumɔi akpo lɛ, amɛnaanyobɔɔ lɛ mli waa. Ni kɛ́ amɛbɔ mɔdɛŋ amɛye amɛbua amɛhe lɛ, ewajeɔ naanyobɔɔ ni yɔɔ amɛteŋ lɛ. Abaanyɛ awie nɔ ko tamɔ nakai nɔŋŋ yɛ nɔ ni mɔ ko baanyɛ afee koni wekukpaa kpakpa ahi ekɛ Nyɔŋmɔ teŋ lɛ he. Hã wɔkwɛ bɔ ni aaafee ni enɛ aba lɛ nakai.