Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Buu-Mɔɔ  |  December 2014

Sanebimɔi ni Biblia lɛ Ehã Hetoo

Sanebimɔi ni Biblia lɛ Ehã Hetoo

Te gbekɛbii aaafee tɛŋŋ amɛsumɔ Nyɔŋmɔ?

Okɛ adebɔɔ nibii atsu nii kɛye obua obi lɛ ni ele Nyɔŋmɔ ní esumɔ lɛ

Ja obii lɛ ená nɔmimaa akɛ Nyɔŋmɔ yɛ ni akɛ, esumɔɔ amɛ dani amɛbaanyɛ amɛsumɔ lɛ. Dani amɛbaasumɔ Nyɔŋmɔ lɛ, esa akɛ amɛle lɛ. (1 Yohane 4:8) Akɛ nɔkwɛmɔnɔ lɛ, esa akɛ amɛle: Nɔ hewɔ ni Nyɔŋmɔ bɔ gbɔmɔ. Nɔ hewɔ ni Nyɔŋmɔ eŋmɛ amanehulu gbɛ. Nɔ ni Nyɔŋmɔ baafee ahã adesai wɔsɛɛ.Kanemɔ Filipibii 1:9.

Kɛ́ obaanyɛ oye obua obii lɛ ni amɛsumɔ Nyɔŋmɔ lɛ, esa akɛ ohã amɛna akɛ bo diɛŋtsɛ lɛ osumɔɔ lɛ. Kɛ́ amɛna nakai lɛ, ekã shi faŋŋ akɛ amɛbaakase bo.Kanemɔ 5 Mose 6:5-7; Abɛi 22:6.

Te ooofee tɛŋŋ oshɛ obii lɛ atsui he?

Nyɔŋmɔ Wiemɔ lɛ yɛ hewalɛ. (Hebribii 4:12) No hewɔ lɛ ye obua obii lɛ ni amɛkase Biblia mli shishijee tsɔɔmɔi lɛ. Yesu bi mɛi saji, ebo amɛ toi, ni egbala Ŋmalɛi lɛ amli etsɔɔ amɛ, ni no hã eshɛ amɛtsui he. Bɔ ni afee ni oshɛ obii lɛ atsui he lɛ, obaanyɛ okase gbɛi ni Yesu tsɔ nɔ etsɔɔ nii lɛ.—Kanemɔ Luka 24:15-19, 27, 32.

Kɛfata he lɛ, Biblia mli saji ni tsɔɔ bɔ ni Nyɔŋmɔ kɛ ewebii lɛ ye ehã lɛ baanyɛ aye abua gbekɛbii ni amɛle Nyɔŋmɔ, ni amɛsumɔ lɛ. Akɛ woji ni abaanyɛ akɛtsu enɛ he nii lɛ ewo www.jw.org/gaa lɛ nɔ.—Kanemɔ 2 Timoteo 3:16.

 

Ekrokromɛi Hu Nɛ

Mɛni Biblia lɛ Tsɔɔ Diɛŋtsɛ?

Bɔ ni Ooofee Oha Miishɛɛ Ahi Oweku Shihilɛ Mli

Suɔmɔ ni Yesu jie lɛ kpo lɛ ji nɔkwɛmɔnɔ ni esa akɛ wumɛi, ŋamɛi, fɔlɔi, kɛ gbekɛbii fɛɛ akase. Mɛni wɔkaseɔ yɛ nɔ ni efee lɛ mli?

GBEKƐBII

Okɛ Yehowa Abɔ Naanyo

Vidioi,lalai, kɛ nifeemɔi ni aprintiɔ kɛkaseɔ nii nɛɛ yeɔ ebuaa gbekɛbii lɛ ni amɛleɔ nibii ni esa akɛ amɛfee kɛsa Nyɔŋmɔ hiɛ.