Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ DECEMBER 2014

 SAJI NI MƐI NI KANEƆ LƐ BIƆ . . . 

Mɛni Ji Anɔkwa Saji ni Kɔɔ Blonya He?

Mɛni Ji Anɔkwa Saji ni Kɔɔ Blonya He?

Mɛi akpekpei abɔ yɛ je lɛ mli ni yeɔ Blonya yɛ yiŋtoi srɔtoi ahewɔ. Mɛi komɛi kɛ amɛnanemɛi kɛ amɛweku feɔ ekome kɛnáa miishɛɛ yɛ bei nɛɛ mli. Mɛi komɛi hu susuɔ Nyɔŋmɔ he aloo amɛyeɔ amɛbuaa ohiafoi aloo mɛi ni efĩ amɛ. Ekã shi faŋŋ akɛ, enɛɛmɛi fɛɛ ji nifeemɔi ni sa. Shi nibii gbohii ni afeɔ yɛ Blonya beaŋ lɛ gbeɔ nifeemɔi nɛɛ ahe guɔ.

Klɛŋklɛŋ lɛ, mɛi ni yeɔ Blonya lɛ ateŋ mɛi babaoo susuɔ akɛ eji Yesu fɔmɔ he gbi jurɔ. Kɛ̃lɛ, yinɔsane he nilelɔi babaoo kpɛlɛɔ nɔ akɛ aleee be ni akɛfɔ Yesu. Wolo ko (The Christian Book of Why) wie akɛ, “mra be mli Kristofoi lɛ kpoo akɛ amɛbaato be pɔtɛ̃ɛ ko amɛma shi akɛ Yesu fɔmɔ gbi,” ejaakɛ amɛmiisumɔ ni “amɛtsi amɛhe kɛjɛ wɔŋjamɔ nifeemɔi fɛɛ ahe.” Miishɛɛ sane ji akɛ, Biblia lɛ etsɔɔɔ akɛ Yesu ye lɛ diɛŋtsɛ efɔmɔ gbi loo mɔ kroko nɔ. Moŋ lɛ, efã esɛɛnyiɛlɔi ni amɛye egbele lɛ he gbi jurɔ.Luka 22:19.

Nɔ ni ji enyɔ lɛ, woloŋlelɔi babaoo kpɛlɛɔ nɔ akɛ Blonyayeli nifeemɔi babaoo ná amɛshishifã kɛjɛ wɔŋjamɔ kusumii kɛ kusumii ni jeee Kristofoi anɔ mli. Nifeemɔi nɛɛ ekomɛi ji Santa Claus loo Papa Blonya ni akɛɛ ebakeɔ nii, tso ko ni atsɛɔ lɛ mistletoe lɛ kɛ Blonyatso ni akɛtsuɔ nii, nii ni akeɔ, kɛnɛrɛ kɛ tso ko ni atsɛɔ lɛ Yule lɛ ni ashãa, fɔfɔi akekerei ni akɛtsotsoroɔ shi, kɛ blonya lalai ni aláa. Wolo ko (The Externals of the Catholic Church) wie kusumii nɛɛ ekomɛi ahe akɛ: “Kɛ́ wɔke nii loo ake wɔ nii yɛ Blonya beaŋ, ni wɔkɛ fɔfɔi akekerei tsotsoro shi yɛ wɔtsũi kɛ sɔlemɔtsui amli lɛ, wɔteŋ mɛi enyiɛ le akɛ wɔkɛ wɔhe miiwo wɔŋjamɔ nifeemɔi amli?”

“Kɛ́ wɔke nii loo ake wɔ nii yɛ Blonya beaŋ, ni wɔkɛ fɔfɔi akekerei tsotsoro shi yɛ wɔtsũi kɛ sɔlemɔtsui amli lɛ, wɔteŋ mɛi enyiɛ le akɛ wɔkɛ wɔhe miiwo wɔŋjamɔ nifeemɔi amli?”—The Externals of the Catholic Church

Ekolɛ lɛ obaabi akɛ, ‘mɛɛ tɔmɔ yɔɔ he akɛ mɔ ko kɛ ehe baawo nifeemɔi ni enaaa akɛ naagba ko yɛ amɛhe lɛ amli?’ Susumɔ oti ni ji etɛ ni nyiɛ sɛɛ nɛɛ he kɛhã hetoo lɛ. Nyɔŋmɔ sumɔɔɔ ni akɛ wɔŋjamɔ kusumii futuɔ anɔkwa jamɔ. Yehowa Nyɔŋmɔ tsɔ egbalɔ Amos nɔ ekɛɛ ewebii toigbolɔi ni hi shi yɛ blema Israel lɛ akɛ: ‘Miinyɛ̃ nyɛgbii juji lɛ, jiemɔ olalai lɛ agbɛɛmɔ kɛjɛ minɔ.’Amos 5:21, 23.

Mɛni hewɔ Yehowa kɛ wiemɔi ni wa tamɔ nɛkɛ tsu nii? Susumɔ nɔ ni mɛi ni hi blema Israel kooyigbɛ maŋtsɛyeli lɛ mli lɛ fee lɛ he okwɛ. Yerobeam, ni ji amɛ klɛŋklɛŋ maŋtsɛ lɛ kɛ shika tsina amagai mamɔ Dan kɛ Betel, ni elaka maŋbii lɛ koni amɛja amagai nɛɛ moŋ fe ni amɛaaja Yehowa Nyɔŋmɔ jogbaŋŋ yɛ sɔlemɔtsu ni yɔɔ Yerusalem lɛ mli. Maŋtsɛ lɛ to gbii juji komɛi hu ashishi, ni ehole osɔfoi koni amɛye amɛbua maŋbii lɛ kɛye gbii juji nɛɛ.1 Maŋtsɛmɛi 12:26-33.

Etamɔ nɔ ni yiŋtoo kpakpa ko hewɔ Israelbii lɛ fee nakai lɛ. Amɛfee nibii nɛɛ fɛɛ kɛsusumɔ lɛ akɛ amɛkɛmiija Nyɔŋmɔ koni amɛsa ehiɛ. Wiemɔi ni wa ni Nyɔŋmɔ tsɔ Amos kɛ gbalɔi krokomɛi anɔ ewie lɛ hãa wɔnaa bɔ ni Nyɔŋmɔ na nifeemɔi nɛɛ ehã lɛ faŋŋ. Nyɔŋmɔ tsɔ gbalɔ Maleaki nɔ ewie akɛ: “Mi Yehowa lɛ, mitsakeee.” (Maleaki 3:6) Ani enɛ hãaa wɔna bɔ ni Nyɔŋmɔ naa Blonyayeli nifeemɔi srɔtoi ni yaa nɔ ŋmɛnɛ lɛ ehãa?

Kɛ́ mɛi akpekpei abɔ susu otii ni wɔwie he kɛtsɔ hiɛ lɛ ahe lɛ, amɛkpɛɔ amɛyiŋ akɛ amɛkɛ amɛhe woŋ Blonyayeli nifeemɔi amli. Moŋ lɛ, kɛ́ amɛkɛ amɛwekumɛi kɛ amɛnanemɛi fee ekome, ni amɛye amɛbua ohiafoi kɛ mɛi ni efĩ amɛ lɛ bɔ ni amɛaanyɛ yɛ afi lɛ mli fɛɛ lɛ, amɛnáa miishɛɛ ni amɛtsui nyɔɔ amɛ mli.

 

Ekrokromɛi Hu Nɛ

Mɛni Hewɔ ni Yehowa Odasefoi Yeee Blonya Lɛ?

Tsɛ, mɛi babaoo le Blonya jɛɛhei, shi amɛyeɔ kɛ̃. Kanemɔ koni ona nɔ hewɔ ni Yehowa Odasefoi yeee lɛ.

Jamɔ ni Nyɔŋmɔ kpɛlɛɔ nɔ

Kanemɔ koni ole nibii ekpaa ni akɛkadiɔ anɔkwa jalɔi.