Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ NOVEMBER 2014

Sanebimɔi ni Biblia lɛ Ehã Hetoo

Sanebimɔi ni Biblia lɛ Ehã Hetoo

Ani Yesu tee mɛi ashi lɛɛlɛŋ?

Yesu tee Lazaro ni gbo gbii ejwɛ lɛ shi

Biblia lɛ wieɔ faŋŋ akɛ Yesu tee gbohii ashi kɛba wala mli. Nakai amaniɛbɔi lɛ jeee adesãi, amɛba yɛ hei ni yɔɔ diɛŋtsɛ, kɛ bei pɔtɛi amli. Akɛ nɔkwɛmɔnɔ lɛ, yɛ hulutsoo be mli yɛ afi 31 Ŋ.B. lɛ, asafo babaoo ko kɛ Yesu fã gbɛ kɛjɛ Kapernaum kɛtee Nain. Be ni amɛyashɛ lɛ, amɛkɛ asafo kroko kpe. Obaanyɛ ohe gbohiiashitee he amaniɛbɔɔ ni ba sɛɛ mli yɛ jɛmɛ lɛ oye ejaakɛ aŋma yɛ Nyɔŋmɔ Wiemɔ ni ji Biblia lɛ mli, ni agbɛnɛ hu eba yɛ mɛi ni yɔɔ jɛmɛ lɛ fɛɛ ahiɛ.Kanemɔ Luka 7:11-15.

Yesu tee enaanyo Lazaro ni gbo gbii ejwɛ lɛ hu shi. Obaanyɛ ohe nɔ ni Yesu fee nakai gbi lɛ he amaniɛbɔɔ lɛ oye, ejaakɛ mɛi babaoo ye no hu he odase.Kanemɔ Yohane 11:39-45.

Mɛni hewɔ Yesu tee mɛi ashi?

Yesu tee mɛi ashi ejaakɛ emusuŋ tsɔ lɛ yɛ mɛi lɛ ahe. Efee nakai hu koni ekɛhã mɛi ale akɛ e-Tsɛ lɛ, ni ji mɔ ni Bɔ wala lɛ, ehã lɛ hewalɛ yɛ gbele nɔ.Kanemɔ Yohane 5:21, 28, 29.

Gbohii ashi ni Yesu tee lɛ hãa wɔnáa hiɛkɛnɔfɔɔ yɛ shi ni ewo yɛ wɔsɛɛ be he lɛ nɔ. Ebaatee mɛi babaoo ashi, ni ebaatee mɛi ni ejaaa ní lé anɔkwa Nyɔŋmɔ lɛ he nɔ ko kwraa lɛ hu ashi. Abaahã amɛ hegbɛ ni amɛkɛle Yehowa Nyɔŋmɔ ni amɛsumɔ lɛ hu.Kanemɔ Bɔfoi lɛ Asaji 24:15.

 

Ekrokromɛi Hu Nɛ

Mɛni Ji Gbohiiashitee Lɛ?

Onaa baakpɛ ohe yɛ mɛi ni abaatee amɛshi kɛba wala mli lɛ he.

Hiɛnɔkamɔ Diɛŋtsɛ ni Yɔɔ Kɛhã Osuɔlɔi ni Egboi Lɛ

Ani osuɔlɔ ko egbo? Ani obaanyɛ ona amɛ ekoŋŋ? Kanemɔ koni ole nɔ ni Biblia lɛ tsɔɔ yɛ gbohiiashitee he.