Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ OCTOBER 2014

Sanebimɔi ni Biblia lɛ Ehã Hetoo

Sanebimɔi ni Biblia lɛ Ehã Hetoo

Mɛni hewɔ esa akɛ osɔle ni Nyɔŋmɔ Maŋtsɛyeli lɛ aba?

Ani obaasumɔ ni ole Nyɔŋmɔ Maŋtsɛyeli lɛ kɛ nibii ni ebaafee lɛ he saji babaoo?

Nyɔŋmɔ Maŋtsɛyeli lɛ ji ŋwɛi nɔyeli. Yesu kɛɛ esɛɛnyiɛlɔi lɛ ni amɛsɔle koni Maŋtsɛyeli lɛ aba ejaakɛ ekɛ jalɛ kɛ toiŋjɔlɛ baaba shikpɔŋ lɛ nɔ. Adesa nɔyeli ko kwraa bɛ ni baanyɛ ajie awuiyeli, jalɛsane ni ayeee, loo hela kɛjɛ shikpɔŋ lɛ nɔ, shi Nyɔŋmɔ Maŋtsɛyeli lɛ baanyɛ afee, ni ebaafee hu. Nyɔŋmɔ ehala e-Bi Yesu koni efee Maŋtsɛyeli lɛ nɔ Maŋtsɛ. Kɛfata he lɛ, Yehowa ehala Yesu sɛɛnyiɛlɔi lɛ ateŋ mɛi fioo ko ni amɛfata Yesu he kɛye nɔ yɛ Maŋtsɛyeli lɛ mli.Kanemɔ Luka 11:2; 22:28-30.

Etsɛŋ, Nyɔŋmɔ Maŋtsɛyeli lɛ baakpata mɛi fɛɛ ni teɔ shi amɛwoɔ Nyɔŋmɔ nɔyeli lɛ ahiɛ. No hewɔ lɛ, sɔlemɔ ni asɔleɔ ni Nyɔŋmɔ Maŋtsɛyeli lɛ aba lɛ ji bimɔ ni abiɔ ni Nyɔŋmɔ nɔyeli lɛ abaye adesai anɔyelii fɛɛ najiaŋ.Kanemɔ Daniel 7:13, 14; Kpojiemɔ 11:15, 18.

Mɛni hewɔ Nyɔŋmɔ Maŋtsɛyeli lɛ he baaba sɛɛnamɔ kɛhã mɛi?

Yesu ji Maŋtsɛ ni nɔ bɛ ejaakɛ eyɛ musuŋtsɔlɛ. Akɛ Nyɔŋmɔ Bi lɛ, eyɛ hewalɛ hu ni ebaanyɛ ekɛye ebua mɛi fɛɛ ni kpaa Nyɔŋmɔ fai ni eye ebua amɛ lɛ.—Kanemɔ Lala 72:8, 12-14.

Nyɔŋmɔ Maŋtsɛyeli lɛ he baaba sɛɛnamɔ kɛhã mɛi fɛɛ ni jɛɔ amɛtsuiŋ amɛsɔleɔ koni eba lɛ, kɛ mɛi fɛɛ ni feɔ Nyɔŋmɔ suɔmɔnaa nii lɛ. Kɛ́ okase nɔ ni Biblia lɛ kɛɔ yɛ Nyɔŋmɔ Maŋtsɛyeli lɛ he lɛ, oshwaŋ ohe kɔkɔɔkɔ.Kanemɔ Luka 18:16, 17; Yohane 4:23.

 

Ekrokromɛi Hu Nɛ

Mɛni Ji Nyɔŋmɔ Maŋtsɛyeli Lɛ?

Mɛi babaoo le Nuŋtsɔ lɛ Sɔlemɔ lɛ kɛɛmɔ. Mɛni wiemɔ ni ji: “Omaŋtsɛyeli lɛ aba” lɛ tsɔɔ?

Kɛ́ Misɔle lɛ, Ani Nyɔŋmɔ Baaye Abua Mi?

Ani Nyɔŋmɔ susuɔ wɔnaagbai lɛ ahe lɛɛlɛŋ?