Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Buu-Mɔɔ  |  October 2014

 SANEYITSO LƐ MLITSƆƆMƆ | NYƆŊMƆ MAŊTSƐYELI LƐ—MƐNI HEWƆ ESA AKƐ EHE AHIA BO?

Nyɔŋmɔ Maŋtsɛyeli Lɛ—Mɛɛ Gbɛ Nɔ Ebaaye Ebua Bo?

Nyɔŋmɔ Maŋtsɛyeli Lɛ—Mɛɛ Gbɛ Nɔ Ebaaye Ebua Bo?

Ekã shi faŋŋ akɛ saji ni okane kɛtsɔ hiɛ lɛ ehã ona akɛ Nyɔŋmɔ Maŋtsɛyeli lɛ he hiaa Yehowa Odasefoi waa diɛŋtsɛ. Ni ekolɛ oná jɔɔmɔi ni Nyɔŋmɔ Maŋtsɛyeli lɛ kɛbaaba wɔsɛɛ lɛ ni asusu he lɛ ekomɛi ahe miishɛɛ, ni ootao ole amɛhe nii babaoo. Yɛ nakai beaŋ nɔŋŋ lɛ, obaabi ohe akɛ ani nibii ni awieɔ nɛɛ baaba mli anɔkwale.

Ehi akɛ obaakwɛ jogbaŋŋ, moŋ fe ni obaahe nɔ fɛɛ nɔ ni obaanu lɛ oye. (Abɛi 14:15) Yɛ gbɛ ko nɔ lɛ obaanyɛ okɛ nilee atsu nii tamɔ blema Beroiabii lɛ fee lɛ. * Be ni ashiɛ Maŋtsɛyeli lɛ he sane kpakpa lɛ atsɔɔ Beroiabii lɛ klɛŋklɛŋ kwraa lɛ, amɛkpɛlɛ nɔ ni amɛnu lɛ nɔ, shi jeee akɛ amɛmiisumɔ ni nɔ ni akɛɛ amɛ lɛ afee anɔkwale kɛkɛ. No najiaŋ lɛ, amɛpɛi Ŋmalɛ lɛ mli jogbaŋŋ ‘kɛkwɛ akɛ nibii nɛɛ yɛ mli nakai lo.’ (Bɔfoi lɛ Asaji 17:11) Kɛ́ wɔɔwie he yɛ gbɛ kroko nɔ lɛ, Beroiabii lɛ kɛ nɔ ni amɛnu lɛ to nɔ ni Ŋmalɛ lɛ kɛɔ lɛ he. Sɛɛ mli lɛ, amɛbahe amɛye akɛ sane kpakpa lɛ damɔ Nyɔŋmɔ Wiemɔ lɛ nɔ shiishi.

Yehowa Odasefoi kɛ miishɛɛ miifɔ̃ bo nine koni ofee nakai nɔŋŋ. Wɔmiisumɔ ni oŋɔ hegbɛ lɛ ni okɛ Yehowa Odasefoi akase Biblia lɛ ni aheee nɔ ko, koni okɛ nɔ ni amɛheɔ amɛyeɔ yɛ Nyɔŋmɔ Maŋtsɛyeli lɛ he lɛ ato nɔ ni Biblia lɛ tsɔɔ lɛ he okwɛ.

Kɛ́ ohã akɛbo kase Biblia lɛ, jeee Nyɔŋmɔ Maŋtsɛyeli lɛ he nii pɛ obaale, shi ebaaye ebua bo hu ni oná shihilɛ mli sanebimɔi ni he hiaa waa lɛ ahetoi.

Nɔ ni fe fɛɛ lɛ, kɛ́ okase Biblia lɛ, ebaaye ebua bo ni ‘otsi obɛŋkɛ Nyɔŋmɔ.’ (Yakobo 4:8) Kɛ́ otsi obɛŋkɛ Nyɔŋmɔ kpaakpa lɛ, ebaawa bo ni ona bɔ ni Nyɔŋmɔ Maŋtsɛyeli lɛ baanyɛ aye abua bo ahã—jeee amrɔ nɛɛ pɛ kɛkɛ shi kɛmiiya naanɔ. Yesu diɛŋtsɛ kɛɛ e-Tsɛ lɛ yɛ sɔlemɔ mli akɛ: ‘Shi enɛ ji naanɔ wala lɛ, ákɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.’Yohane 17:3.

 

^ kk. 4 Beroia ji maŋtiase ko yɛ blema Makedonia.

Ekrokromɛi Hu Nɛ

WOJI KƐ WOJI BIBII

Nɛgbɛ Wɔbaanyɛ Wɔná Hetoi Kɛhã Shihilɛ mli Sanebimɔi ni He Hiaa Waa lɛ Yɛ?

Ani obaahala jeŋ shikpamɔ, jeŋ nilee loo Biblia lɛ?

SAJI NI MƐI FƆƆ BIMƆ

Mɛni Ji Biblia Mli Nikasemɔ?

Kanemɔ koni ona wɔ-Biblia mli nikasemɔ ni wɔfeɔ ni wɔheee nɔ ko lɛ he sanebimɔi lɛ ahetoi.