Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ AUGUST 2014

 SANEYITSO LƐ MLITSƆƆMƆ | ANI NYƆŊMƆ SUSUƆ OHE?

Nyɔŋmɔ Miitao Egbala bo kɛba Eŋɔɔ

Nyɔŋmɔ Miitao Egbala bo kɛba Eŋɔɔ

“Mɔ ko nyɛŋ aba miŋɔɔ, akɛ ja tsɛ lɛ ni tsu mi lɛ gbala lɛ dã.”YOHANE 6:44.

NƆ HEWƆ NI MƐI KOMƐI AYIŊ FEƆ AMƐ ENYƆƆNYƆ: Mɛi ni heɔ Nyɔŋmɔ nɔ amɛyeɔ lɛ ateŋ mɛi babaoo nuɔ he akɛ Nyɔŋmɔ kɛ amɛteŋ jekɛ. Yoo ko ni jɛ Ireland ni gbɛ́i ji Christina ni yaa sɔlemɔ daa otsi lɛ wie akɛ, “Minaa Nyɔŋmɔ akɛ mɔ ni bɔ nɔ fɛɛ nɔ kɛkɛ.” Ekɛfata he akɛ, “Shi milé lɛ. Minuko he pɛŋ akɛ mibɛŋkɛ lɛ.”

NƆ NI NYƆŊMƆ WIEMƆ LƐ TSƆƆ: Kɛ́ wɔhe fee shoo lɛ, Yehowa shiii wɔ. Yesu fee bɔ ni Nyɔŋmɔ susuɔ wɔhe ehãa lɛ he nɔkwɛmɔnɔ akɛ: “Kɛji mɔ ko yɛ tooi oha ni amɛteŋ ekome du gbɛ lɛ: ani eshiŋ nyɔŋmai nɛɛhu kɛ nɛɛhu lɛ yɛ gɔji lɛ anɔ, ní eya eyatao nɔ ni edu gbɛ lɛ?” Mɛni enɛ tsɔɔ? “Nakai nɔŋŋ ni nyɛtsɛ ni yɔɔ ŋwɛi lɛ sumɔɔɔ akɛ bibii nɛɛ ateŋ mɔ kome laajeɔ.”Mateo 18:12-14.

“Bibii nɛɛ ateŋ mɔ kome ” fɛɛ mɔ kome jara wa naakpa yɛ Nyɔŋmɔ hiɛ. Mɛɛ gbɛ nɔ Nyɔŋmɔ “yataoɔ nɔ ni edu gbɛ lɛ”? Ŋmalɛ ni atsɛ yisɛɛ yɛ shishijee lɛ tsɔɔ mli akɛ, Yehowa gbalaa mɛi kɛbaa eŋɔɔ.

Ŋmɛnɛ lɛ, namɛi yaa mɛi aŋɔɔ yɛ amɛshĩai amli kɛ hei ni afɔɔ mɛi namɔ yɛ koni amɛkɛ amɛ ayagba Biblia mli sane ni kɔɔ Nyɔŋmɔ he?

Susumɔ bɔ ni Nyɔŋmɔ ŋɔ hegbɛ lɛ ni egbala aŋkroaŋkroi ni hiɛ tsui kpakpa lɛ kɛba eŋɔɔ lɛ he okwɛ. Yɛ klɛŋklɛŋ afii 100 Ŋ.B. lɛ mli lɛ, Nyɔŋmɔ tsu Kristofonyo kaselɔ Filipo koni eyanina Etiopia piafonyo ko koni egbala Biblia mli gbalɛ ko ni piafonyo lɛ kaneɔ lɛ mli ehã lɛ. (Bɔfoi lɛ Asaji 8:26-39) Sɛɛ mli lɛ, Nyɔŋmɔ kɛɛ bɔfo Petro ni eyasara Roma asraafonyo ko ni miisɔle ni miimia ehiɛ ni eja Nyɔŋmɔ, ni atsɛɔ lɛ Kornelio lɛ yɛ eshĩa. (Bɔfoi lɛ Asaji 10:1-48) Nyɔŋmɔ kudɔ bɔfo Paulo kɛ enanemɛi lɛ hu kɛtee faa ko ni yɔɔ Filipi maŋ wulu lɛ sɛɛ lɛ naa. Amɛkɛ yoo ko “ni sheɔ Nyɔŋmɔ gbeyei” ni atsɛɔ lɛ Lidia lɛ kpe yɛ jɛmɛ, ni ‘Nuŋtsɔ Yehowa gbele etsui naa, akɛ ebo sane lɛ toi.’Bɔfoi lɛ Asaji 16:9-15.

Yɛ saji nɛɛ ateŋ eko fɛɛ eko mli lɛ, Yehowa kwɛ koni mɛi fɛɛ ni taoɔ esɛɛ gbɛ lɛ aná hegbɛ ni amɛle lɛ. Ŋmɛnɛ lɛ, namɛi yaa mɛi aŋɔɔ yɛ amɛshĩai amli kɛ hei ni afɔɔ mɛi namɔ yɛ koni amɛkɛ amɛ ayagba Biblia mli sane ni kɔɔ Nyɔŋmɔ he? Mɛi pii baakɛɛ akɛ, “Yehowa Odasefoi.” Bi ohe akɛ, ‘Ani ebaanyɛ efee akɛ Nyɔŋmɔ kɛ amɛ miitsu nii koni ekɛgbala mi kɛba eŋɔɔ?’ Wɔmiiwo bo hewalɛ ni osɔle ohã Nyɔŋmɔ ni eye ebua bo ni okpɛlɛ ni egbala bo kɛba eŋɔɔ. *

^ kk. 8 Kɛhã enɛ he saji krokomɛi lɛ, kwɛmɔ vidio ni yitso ji Mɛni Hewɔ Esa akɛ Okase Biblia Lɛ? yɛ www.jw.org/gaa lɛ nɔ.

Ekrokromɛi Hu Nɛ

Mɛni Hewɔ Esa akɛ Okase Biblia Lɛ?

Biblia lɛ miiye miibua mɛi akpekpei komɛi ni yɔɔ jeŋ fɛɛ lɛ kɛmiiná shihilɛ mli sanebimɔi titrii lɛ ahetoo. Ani obaasumɔ ni ofata mɛi nɛɛ ahe?

Te Ooofee Tɛŋŋ Otsi Obɛŋkɛ Nyɔŋmɔ?

Kanemɔ ni ona kɛji Nyɔŋmɔ boɔ sɔlemɔi fɛɛ toi, bɔ ni esa akɛ wɔsɔle, kɛ nɔ ni wɔbaanyɛ wɔfee koni wɔtsi wɔbɛŋkɛ Nyɔŋmɔ.