Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ OCTOBER 2013

 SANEYITSO LƐ MLITSƆƆMƆ | MƐNI HE BIBLIA LƐ WIEƆ?

“Wɔna Mesia lɛ”!

“Wɔna Mesia lɛ”!

Beni aŋma Hebri ŋmalɛi lɛ ateŋ naagbee nɔ ni yɔɔ Biblia lɛ mli lɛ agbe naa lɛ, aaafee afii ohai ejwɛ sɛɛ lɛ, Mika gbalɛ ni kɔɔ Mesia lɛ he lɛ ná emlibaa: Afɔ Yesu yɛ Betlehem. Aaafee afii 30 sɛɛ yɛ afi 29 Ŋ.B. lɛ, Daniel gbalɛ lɛ klɛŋklɛŋ fã ni kɔɔ Mesia lɛ baa he lɛ ba mli. Abaptisi Yesu ni Nyɔŋmɔ kɛ mumɔ krɔŋkrɔŋ fɔ lɛ mu. Mesia, ni ji Seshi lɛ, ni akɛ be kakadaŋŋ ekpa lɛ gbɛ lɛ bashɛ shi yɛ be naa pɛpɛɛpɛ!

Amrɔ nɔŋŋ lɛ, Yesu je esɔɔmɔ nitsumɔ lɛ shishi, ni “eshiɛ Nyɔŋmɔ maŋtsɛyeli lɛ he sanekpakpa lɛ.” (Luka 8:1) Taakɛ atsɔ hiɛ agba lɛ, Yesu tsɔɔ akɛ eji mɔ ko ni mli hi, ehe jɔ, ni efoɔ mɛi krokomɛi anɔ mli hu. Enitsɔɔmɔ lɛ mli kã shi ni etaa mɔ tsuiŋ, ni ‘etsa hejaramɔ fɛɛ hejaramɔ’ kɛtsɔɔ akɛ Nyɔŋmɔ kɛ lɛ yɛ. (Mateo 4:23) Onukpai kɛ gbekɛbii fɛɛ ke yuu kɛtee Yesu ŋɔɔ, ni ekolɛ amɛwie taakɛ Yesu kaselɔi lɛ ateŋ mɔ kome wie lɛ akɛ: “Wɔna Mesia lɛ”!—Yohane 1:41.

Yesu gba fɔ̃ shi akɛ dani e-Maŋtsɛyeli lɛ baaye je lɛ fɛɛ nɔ lɛ, tai, shikpɔŋhosomɔi, kɛ amanehului babaoo baaba je lɛŋ fɛɛ. Ewo mɛi fɛɛ hewalɛ ekɛɛ, “Nyɛsaraa!”—Marko 13:37.

Yesu ji nuu ni eye emuu ni tee nɔ ebo Nyɔŋmɔ toi, shi eyɛ henyɛlɔi, ni sɛɛ mli lɛ amɛha agbe lɛ. Egbele lɛ ha aná afɔleshãa ni eye emuu ni baanyɛ ahe nii ni ŋmɛɛ Adam kɛ Hawa, ni ji gbɛkpamɔ akɛ abaahi shi kɛya naanɔ yɛ paradeiso lɛ, kɛba ekoŋŋ.

Yesu gbele lɛ ha gbalɛ ko ná emlibaa, ejaakɛ gbii etɛ sɛɛ lɛ Nyɔŋmɔ tee Yesu shi akɛ mumɔŋ bɔɔnɔ ko ni he wa waa. No sɛɛ lɛ, Yesu jie ehe kpo etsɔɔ ekaselɔi lɛ ateŋ mɛi 500 kɛ sɛɛ. Dani Yesu baaya ŋwɛi lɛ, efã ekaselɔi lɛ koni amɛyashiɛ ekɛ e-Maŋtsɛyeli lɛ he sane kpakpa lɛ amɛtsɔɔ “jeŋmaji fɛɛ.” (Mateo 28:19) Nɛgbɛ amɛtsu nakai nitsumɔ lɛ jogbaŋŋ kɛyashɛ?

Edamɔ Mateo, Marko, Luka, Yohane, 1 Korintobii lɛ nɔ.