Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ OCTOBER 2013

Sanebimɔi ni Biblia lɛ Eha Hetoo

Sanebimɔi ni Biblia lɛ Eha Hetoo

Ani hiɛnɔkamɔ yɛ kɛha gbohii lɛ?

Gbele tamɔ wɔ ni awɔɔ kɛ shishinumɔ akɛ gbohii lɛ leee nɔ ko kwraa ni yaa nɔ, ni amɛnyɛŋ nɔ ko amɛfee. Kɛlɛ, mɔ ni Bɔ wala lɛ baanyɛ ekɛ gbohii lɛ aba wala mli ekoŋŋ kɛtsɔ gbohiiashitee nɔ. Nyɔŋmɔ ha Yesu tee gbohii komɛi ashi kɛba wala mli kɛma enɛ nɔ mi.—Kanemɔ Jajelɔ 9:5; Yohane 11:11, 43, 44.

Gbele tamɔ wɔ ni awɔɔ yɛ mɛɛ gbɛ nɔ?

Nyɔŋmɔ ewo shi akɛ ebaatee gbohii ni yɔɔ ekaimɔ mli lɛ ashi kɛba wala mli yɛ jalɛ jeŋ hee lɛ mli. Mɛi ni abaatee amɛshi lɛ nyɛŋ aba wala mli kɛyashi Nyɔŋmɔ baaha amɛ wala ekoŋŋ. Ekã Nyɔŋmɔ Ofe lɛ tsui nɔ waa akɛ ekɛ ehewalɛ baatsu nii kɛtee gbohii lɛ ashi kɛba wala mli ekoŋŋ.—Kanemɔ Hiob 14:14, 15.

Te gbohii ashitee lɛ baatamɔ tɛŋŋ?

Kɛ́ Nyɔŋmɔ tee gbohii lɛ ashi lɛ, amɛbaanyɛ amɛyɔse amɛhe, amɛnanemɛi, kɛ amɛwekui. Eyɛ mli akɛ gbɔmɔtso lɛ kpɔtɔɔ moŋ, shi Nyɔŋmɔ baanyɛ atee nakai mɔ lɛ nɔŋŋ shi kɛ gbɔmɔtso hee.—Kanemɔ 1 Korintobii 15:35, 38.

Aŋkroaŋkroi fioo komɛi pɛ ateɔ amɛ shi kɛyaa ŋwɛi. (Kpojiemɔ 20:6) Mɛi ni ateɔ amɛ shi lɛ ateŋ kpotoo baasaa ahi wala mli yɛ shikpɔŋ ni afee lɛ Paradeiso ekoŋŋ lɛ nɔ. Abaaha mɛi nɛɛ aje wala shishi ekoŋŋ kɛ gbɛkpamɔ akɛ amɛbaahi shi kɛya naanɔ.—Kanemɔ Lala 37:29; Bɔfoi lɛ Asaji 24:15.

Ekrokromɛi Hu Nɛ

Nɛgbɛ Gbohii lɛ Yɔɔ?

Kanemɔ koni ole nɔ ni Biblia lɛ kɛɔ yɛ he ni gbohii lɛ yɔɔ lɛ he, kɛ nɔ hewɔ ni adesai gboiɔ lɛ.

Hiɛnɔkamɔ Diɛŋtsɛ ni Yɔɔ Kɛhã Osuɔlɔi ni Egboi Lɛ

Ani osuɔlɔ ko egbo? Ani obaanyɛ ona amɛ ekoŋŋ? Kanemɔ koni ole nɔ ni Biblia lɛ tsɔɔ yɛ gbohiiashitee he.