Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ SEPTEMBER 2013

Sanebimɔi ni Biblia lɛ Eha Hetoo

Sanebimɔi ni Biblia lɛ Eha Hetoo

Te abaafee tɛŋŋ aha miishɛɛ ahi gbãla mli?

Biblia ŋaawoo ni tsɔɔ bɔ ni afeɔ ahaa gbãla feɔ miishɛɛ lɛ yeɔ omanye, ejaakɛ ejɛ gbalashihilɛ Shishitolɔ, ni ji Yehowa Nyɔŋmɔ lɛ ŋɔɔ. Biblia lɛ yeɔ ebuaa wɔ koni wɔnáa sui ni baaha miishɛɛ ahi gbãla mli, ni ebɔɔ wɔ kɔkɔ hu yɛ jeŋbai ni baanyɛ afite gbãla lɛ ahe. Kɛfata he lɛ, Biblia lɛ haa aleɔ gbɛi anɔ ni atsɔɔ agbaa sane ni haa miishɛɛ hiɔ gbãla mli.Kanemɔ Kolosebii 3:8-10, 12-14.

Esa akɛ wumɛi kɛ ŋamɛi ajie bulɛ kpo amɛtsɔɔ amɛhe, ni amɛkɛ woo aha amɛhe. Kɛ́ wu kɛ ŋa fɛɛ tsu gbɛnaa ni Nyɔŋmɔ etu ewo amɛdɛŋ lɛ he nii lɛ, amɛbaanyɛ amɛná miishɛɛ.Kanemɔ Kolosebii 3:18, 19.

Mɛni haa gbãla hiɔ shi daa?

Kɛ́ gbalashihilɛ mli hefatalɔi sumɔɔ amɛhe jogbaŋŋ lɛ, amɛbaanyɛ amɛkɛ amɛhe ahi shi daa. Nyɔŋmɔ tsɔɔ wɔ bɔ ni wɔbaafee wɔjie suɔmɔ kpo. Ekɛ e-Bi Yesu fɛɛ feɔ bɔ ni esa akɛ ajɛ suɔmɔŋ akɛ he aha lɛ he nɔkwɛmɔnɔ ni fe fɛɛ amɛhaa wɔ.Kanemɔ 1 Yohane 4:7, 8, 19.

Kɛ́ wumɛi kɛ ŋamɛi naa gbalashihilɛ akɛ gbɛjianɔ ni Nyɔŋmɔ eto lɛ, amɛtseŋ gbãla. Nyɔŋmɔ to gbãla koni ekpɛ nuu kɛ yoo ni efee amɛ ekome kɛhi shi daa bɔni afee ni wekui afee shweshweeshwe. Gbalashihilɛ mli hefatalɔi baanyɛ amɛkɛ amɛhe ahi shi daa ni amɛtseŋ gbãla, ejaakɛ Nyɔmɔ fee hii kɛ yei koni amɛye amɛbua amɛhe yɛ heloŋ kɛ henumɔŋ gbɛfaŋ. Kɛfata he lɛ, ebɔ amɛ yɛ esubaŋ nɔ, bɔ ni baaha amɛnyɛ amɛkase esuɔmɔ lɛ.Kanemɔ 1 Mose 1:27; 2:18, 24.

Ekrokromɛi Hu Nɛ

Hã Nyɔŋmɔ Awa Bo ni Miishɛɛ Ahi Ogbãla lɛ Mli

Sanebimɔi enyɔ komɛi baanyɛ aye abua bo ni ohã ogbalashihilɛ asɔ fe tsutsu lɛ.