Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ JULY 2013

Ani Jamɔ Ko yɛ ni Abaanyɛ akɛ He Afɔ̃ Nɔ?

Ani Jamɔ Ko yɛ ni Abaanyɛ akɛ He Afɔ̃ Nɔ?

Kɛ́ jamɔ pɔtɛɛ ko eha onine enyɛ shi lɛ, ekolɛ ebaawa kɛha bo akɛ okɛ ohe baafɔ̃ jamɔ nɔ. Shi ná nɔmimaa akɛ jamɔ ko yɛ ni obaanyɛ okɛ ohe afɔ̃ nɔ. Beni Yesu yɔɔ shikpɔŋ lɛ nɔ lɛ, ebua anɔkwafoi komɛi anaa akɛ esɛɛnyiɛlɔi, ni etsɔɔ amɛ koni amɛhi shi yɛ Nyɔŋmɔ shishitoo mlai anaa. Kristo sɛɛnyiɛlɔi diɛŋtsɛ yɛ, amɛji aŋkroaŋkroi ni bɔɔ mɔdɛŋ koni amɛhi shi yɛ Kristofoi ashishitoo mlai anaa lɛ. Nɛgbɛ obaanyɛ ona amɛ yɛ?

Estelle, yoo ni atsĩ etã yɛ sane nɛɛ eko mli mra mli lɛ, wie akɛ: “Naagbee lɛ, mibɔi Biblia lɛ kasemɔ beni Yehowa Odasefoi kɛ mi bɔi nikasemɔ lɛ. Etsɛɛɛ kɛkɛ ni minu Yohane 8:32 lɛ shishi, ekaneɔ akɛ: ‘Nyɛaale anɔkwale lɛ, ni anɔkwale lɛ aaaha nyɛye nyɛhe.’”

Ray, ni atsĩ etã mra mli lɛ hu kɛɛ akɛ: “Biblia lɛ ni miha Yehowa Odasefoi kɛ mi kase lɛ ha mile akɛ, jeee Nyɔŋmɔ ji mɔ ni haa gbɔmɛi naa nɔ lɛ. Beni miná mile akɛ yiŋtoi kpakpai komɛi ahewɔ ni Nyɔŋmɔ eŋmɛ efɔŋfeemɔ gbɛ lɛ, ni ewo shi akɛ etsɛŋ kwraa ebaajie kɛya lɛ, mitsui nyɔ mimli waa.”

Ekã shi faŋŋ akɛ, akɛni mɛi babao ajeŋba efite kwraa hewɔ lɛ, ebɛ mlɛo kwraa akɛ abaafee nɔ ni ja. Shi abaanyɛ afee nɔ ni ja. Mɛi pii yɛ ni miitao ni aye abua amɛ koni amɛnu Biblia lɛ shishi, ni amɛhi shi yɛ naa. No hewɔ ni yɛ jeŋ fɛɛ lɛ, Yehowa Odasefoi kɛ mɛi akpekpei komɛi kaseɔ Biblia lɛ yɛ amɛshĩai amli ni aheee nɔ ko lɛ. Daa otsi lɛ, mɛi babaoo kaseɔ nibii ni Biblia lɛ tsɔɔ diɛŋtsɛ lɛ. Enɛ eha amɛmiibɛŋkɛ amɛ-Bɔlɔ lɛ kpaakpa, ni amɛmiifee nibii ni baaha amɛná miishɛɛ yɛ shihilɛ mli. *

Bi Yehowa Odasefoi lɛ koni amɛtsɔɔ bo nɔ̃ hewɔ ni amɛyɔɔ hekɛnɔfɔ̃ɔ yɛ amɛjamɔ lɛ mli lɛ.

Be kroko kɛ́ okɛ Yehowa Odasefoi kpe lɛ, bi amɛ koni amɛtsɔɔ bo nɔ̃ hewɔ ni amɛyɔɔ hekɛnɔfɔ̃ɔ yɛ amɛjamɔ lɛ mli lɛ. Pɛimɔ amɛtsɔɔmɔi lɛ kɛ amɛhe anɔkwa saji ni yɔɔ lɛ amli okwɛ. Koni no sɛɛ lɛ, bo diɛŋtsɛ okwɛ akɛ jamɔ ko bɛ ni obaanyɛ okɛ ohe afɔ̃ nɔ lo.

^ kk. 5 Kɛ́ ootao ole enɛ he saji krokomɛi lɛ, kwɛmɔ wolo ni ji Mɛni Biblia lɛ Tsɔɔ Diɛŋtsɛ? ni Yehowa Odasefoi fee lɛ.

Ekrokromɛi Hu Nɛ

Te Ooofee Tɛŋŋ Ona Anɔkwa Jamɔ Lɛ?

Ani anɔkwa jamɔ kome pɛ yɔɔ? Kanemɔ koni ona nibii 5 ni kadiɔ anɔkwa jamɔ.

Mɛni Hewɔ Esa akɛ Okase Biblia Lɛ?

Ani okɛɛ pɛŋ akɛ, ‘mibɛ deka’ aloo ‘misumɔɔɔ ni maje ekasemɔ shishi’?