Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ MAY 2013

Sanebimɔi ni Biblia lɛ Eha Hetoo

Sanebimɔi ni Biblia lɛ Eha Hetoo

Ani abaanyɛ akɛ wɔhe eshai afa wɔ?

Ewaaa kwraa akɛ wɔbaaná Yehowa nɔkpɛlɛmɔ

Biblia lɛ tsɔɔ akɛ, adesai fɛɛ lɛ eshafeelɔi ji amɛ. Wɔná su ni haa wɔfeɔ esha lɛ kɛjɛ Adam ni ji klɛŋklɛŋ gbɔmɔ lɛ dɛŋ. No hewɔ lɛ, bei komɛi lɛ, wɔfeɔ nibii fɔji ni sɛɛ mli lɛ wɔshwaa wɔhe. Yesu Kristo, ni ji Nyɔŋmɔ Bi lɛ, gbo kɛwo wɔhe eshai lɛ ahe nyɔmɔ. Ekpɔmɔ afɔle lɛ gbele gbɛ koni anyɛ akɛ wɔhe eshai afa wɔ. Eji nikeenii ni jɛ Nyɔŋmɔ ŋɔɔ.Kanemɔ Romabii 3:23, 24.

Mɛi komɛi efee eshai ni yɔɔ hiɛdɔɔ waa, ni amɛbiɔ amɛhe akɛ “Ani Nyɔŋmɔ baanyɛ ekɛfa mi lo?” Miishɛɛ sane ji akɛ, Nyɔŋmɔ Wiemɔ lɛ kɛɔ akɛ: “Ebi Yesu Kristo lá lɛ tsumɔɔ wɔhe kɛjɛɔ esha fɛɛ esha mli.” (1 Yohane 1:7) Kɛ wɔtɔ̃ tɔ̃mɔi ni yɔɔ hiɛdɔɔ waa po ni wɔjie tsui tsakemɔ su ni sa kpo lɛ, Yehowa kɛ baake wɔ faa.Kanemɔ Yesaia 1:18.

Mɛni esa akɛ wɔfee koni akɛ wɔhe eshai afa wɔ?

Kɛ́ wɔmiisumɔ ni Yehowa Nyɔŋmɔ kɛ wɔhe eshai afa wɔ lɛ, esa akɛ wɔkase ehe nii—koni wɔnu egbɛi, egbɛtsɔɔmɔi, kɛ etaomɔ nii lɛ ashishi. (Yohane 17:3) Yehowa kɛ mɛi ni shwaa amɛhe yɛ amɛsui gbohii lɛ ahe ni bɔɔ mɔdɛŋ amɛtsakeɔ amɛgbɛi lɛ ahe faa amɛ tswaa.Kanemɔ Bɔfoi lɛ Asaji 3:19.

Ewaaa kwraa akɛ wɔbaaná Nyɔŋmɔ nɔkpɛlɛmɔ. Yehowa nuɔ wɔfatɔi lɛ ashishi. Enaa mɔbɔ ni emli hi. Ani Yehowa mlihilɛ lɛ tsirɛɛɛ bo koni okase bɔ ni obaafee osa ehiɛ lɛ he nibii krokomɛi?Kanemɔ Lala 103:13, 14.

 

 

Ekrokromɛi Hu Nɛ

Kpɔmɔnɔ Lɛ—Nyɔŋmɔ Nikeenii ni Fe Fɛɛ

Mɛni ji kpɔmɔnɔ lɛ? Mɛni obaanyɛ ofee koni oná he sɛɛ?

Namɔ Ji Nyɔŋmɔ?

Ani Nyɔŋmɔ yɛ gbɛ́i, ani esusuɔ wɔhe po?

Ani Ofeɔ Nɔ ni Nyɔŋmɔ Taoɔ ni Ofee?

Kɛ́ wɔmiitao ni wɔkɛ Nyɔŋmɔ abɔ naanyo lɛ, esa akɛ wɔbo lɛ toi, kɛ̃lɛ nɔ kroko yɛ ni he hiaa waa ni esa akɛ wɔfee.