Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Naagbai Ni Haa Anáa Hiɛnɔkamɔ

Naagbai Ni Haa Anáa Hiɛnɔkamɔ

 Naagbai Ni Haa Anáa Hiɛnɔkamɔ

“Naagbee gbii lɛ anɔ lɛ jaramɔ bei baaba.”—2 TIMOTEO 3:1.

ANI onu nibii ni haa mɔ werɛ hoɔ ehe nɛɛ ateŋ eko he pɛŋ loo ona eko dã?

● Hela gbonyo ko egbe mɛi babaoo.

● Hɔmɔ ko egbe mɛi ohai abɔ.

● Shikpɔŋhosomɔ ko egbe mɛi akpei abɔ ni efite mɛi babaoo ashĩai.

Yɛ baafai ni nyiɛ sɛɛ lɛ amli lɛ, obaana anɔkwa saji komɛi ni hɛleɔ mɔ shi waa ni kɔɔ shihilɛi ni tamɔ nɛkɛ lɛ ahe. Obaana hu akɛ Biblia lɛ gba akɛ shihilɛi ni tamɔ nɛkɛ lɛ baaba yɛ be ni atsɛɔ lɛ “naagbee gbii lɛ” amli. *

Shi yiŋtoo hewɔ ni aŋmala saji nɛɛ jeee ni akɛkɔne oyiŋ akɛ wɔyɛ jeŋ ni naagbai eyi mli obɔ mli. Ekolɛ bo diɛŋtsɛ po onaa naagbai nɛɛ. Yɛ no najiaŋ lɛ, ato amɛhe gbɛjianɔ koni amɛha oná hiɛnɔkamɔ. Amɛbaaha ona akɛ gbalɛi ekpaa nɛɛ amlibaa ji odaseyeli ni tsɔɔ akɛ etsɛŋ ni “naagbee gbii lɛ” baaba naagbee. Agbɛnɛ hu, saji nɛɛ baaha wɔna nibii ni mɛi wieɔ kɛjeɔ odaseyeli nɛɛ he ŋwane, ni amɛbaaha wɔná yiŋtoo kpakpa ni wɔɔdamɔ nɔ wɔhe wɔye akɛ shihilɛ kpakpa ko kã wɔhiɛ kpaakpa.

[Shishigbɛ niŋmaa]

^ kk. 7 Kɛ́ ootao ole nɔ hewɔ ni Nyɔŋmɔ ŋmɛɔ shihilɛi gbohii nɛɛ agbɛ lɛ, kwɛmɔ sane ni ji “Mɛni Hewɔ Nyɔŋmɔ Ŋmɛɔ Efɔŋfeemɔ kɛ Piŋmɔ Gbɛ?” ni jeɔ kpo yɛ wolo nɛɛ baafa 16 kɛ 17 lɛ.