Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ (NIKASEMƆ NƆ̃) OCTOBER 2015

“Nyɛbua Gbɔmɛi ni Tamɔ Nɛkɛ akɛ Mɛi ni Sa Woo”

“Nyɛbua Gbɔmɛi ni Tamɔ Nɛkɛ akɛ Mɛi ni Sa Woo”

KƐJƐ afi 1992 lɛ, Gbɛtsɔɔmɔ Kuu lɛ ehala asafoŋ onukpai ni yɔɔ niiashikpamɔ, ni eda yɛ mumɔŋ, koni amɛye amɛbua Gbɛtsɔɔmɔ Kuu lɛ ajinafoi akui srɔtoi lɛ. * (Kwɛmɔ shishigbɛ niŋmaa lɛ.) Yelikɛbualɔi nɛɛ ji “gwantɛŋi krokomɛi” lɛ mli bii, ni amɛyeɔ amɛbuaa Gbɛtsɔɔmɔ Kuu lɛ waa. (Yohane 10:16) Amɛyaa kpee ni ajinafoi akuu ni akɛ amɛ ewo mli lɛ feɔ daa otsi lɛ eko. Ahãa amɛyataoɔ saji amli koni amɛwo ŋaa yɛ nɔ ni abaanyɛ afee he. Shi yɛ naagbee lɛ, Gbɛtsɔɔmɔ Kuu lɛ mli bii ni yɔɔ ajinafoi akui lɛ amli lɛ ji mɛi ni kpɛɔ yiŋ yɛ nɔ ni abaafee he. Kɛkɛ lɛ, yelikɛbualɔi lɛ ekwɛ koni atsu yiŋkpɛɛ lɛ he nii. Nyɛmimɛi nɛɛ jɛɔ amɛsuɔmɔ mli amɛtsuɔ nɔ fɛɛ nɔ ni akɛbaawo amɛdɛŋ akɛ amɛtsu lɛ. Amɛkɛ Gbɛtsɔɔmɔ Kuu lɛ mli bii lɛ fãa gbɛ kɛyaa kpeei krɛdɛi kɛ majimaji ateŋ kpeei. Bei komɛi lɛ, ahãa amɛyasaraa nitsumɔhe niji lɛ akɛ nitsumɔhe yitso najiaŋdamɔlɔi.

Nyɛmi nuu ko ni esɔmɔ akɛ yelikɛbualɔ kɛjɛ afi 1992 lɛ wie akɛ, “Kɛ́ mitsu nitsumɔ ni akɛwo midɛŋ lɛ, Gbɛtsɔɔmɔ Kuu lɛ nyɛɔ amɛkɛ amɛjwɛŋmɔ fɛɛ maa mumɔŋ nibii anɔ.” Nyɛmi nuu kroko ni kɛ afii 20 esɔmɔ akɛ yelikɛbualɔ lɛ wie akɛ, “Misusuuu kɔkɔɔkɔ akɛ maná hegbɛ kpele ni tamɔ nɛkɛ.”

Gbɛtsɔɔmɔ Kuu lɛ ehã yelikɛbualɔi lɛ nitsumɔ pii, ni amɛhiɛ sɔɔ deŋme ni nyɛmimɛi hii anɔkwafoi nɛɛ gboɔ lɛ. Nyɛhãa wɔ fɛɛ ‘wɔyaa nɔ wɔbua mɛi ni tamɔ nɛkɛ akɛ mɛi ni sa woo.’Filipibii 2:29.

^ kk. 2 Kɛì ootao ole Gbɛtsɔɔmɔ Kuu lɛ ajinafoi akui ekpaa lɛ ahe saji babaoo lɛ, kwɛmɔ akrabatsa ni ji “Bɔ ni Gbɛtsɔɔmɔ Kuu lɛ Kwɛɔ Maŋtsɛyeli lɛ He Nibii lɛ Anɔ Amɛhãa,” ni jeɔ kpo yɛ Nyɔŋmɔ Maŋtsɛyeli lɛ Ebɔi Nɔyeli! wolo lɛ yitso 12 lɛ.