Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ (NIKASEMƆ NƆ̃) MARCH 2014

Ani Owiemɔ Ji ‘Hɛɛ kɛ Dabi’ Fɛɛ?

Ani Owiemɔ Ji ‘Hɛɛ kɛ Dabi’ Fɛɛ?

Susumɔ shihilɛ nɛɛ he okwɛ: Asafoŋ onukpa ko ni eji Ajinafoi Akuu ni Kɛ Helatsamɔhei Shãraa lɛ mli nyo lɛ kɛ nyɛmi nuu fioo ko to gbɛjianɔ akɛ ekɛ lɛ baaya shiɛmɔ Hɔgbaa leebi. Nakai gbi lɛ leebi lɛ, nyɛmi nuu ko ni eŋa eyana tsɔne mli oshara, ní akɛ lɛ etee helatsamɔhe lɛ tswa asafoŋ onukpa lɛ koni ebaye ebua amɛ amrɔ nɔŋŋ. Ebi asafoŋ onukpa lɛ koni ewa lɛ kɛtao datrɛfonyo ko ni baanyɛ akwɛ eŋa lɛ ni ekɛ lá tsuuu nii. Enɛ ha asafoŋ onukpa lɛ fo shiɛmɔ he gbɛjianɔ ni ekɛ nyɛmi nuu fioo lɛ eto lɛ mli koni eyaye ebua weku ni oshara lɛ enina amɛ lɛ.

Susumɔ shihilɛ nɛɛ hu he okwɛ: Gbalashihilɛ mli bii komɛi fɔ̃ yoo ko ni ekome ekwɛɔ ebii enyɔ ni amɛkɛ lɛ yɔɔ asafo mli lɛ nine koni amɛbasara amɛ gbɛkɛ ko. Beni yoo lɛ kɛɛ ebii lɛ, amɛná miishɛɛ waa. Amɛkpa nakai gbɛkɛ lɛ gbɛ waa. Shi gbi ni enɔ jetsɛremɔ lɛ amɛbaaya lɛ, gbalashihilɛ mli bii lɛ kɛɛ yoo lɛ akɛ, nɔ ko ni amɛkpaaa gbɛ ebawo amɛnajiaŋ, no hewɔ lɛ saramɔ lɛ nyɛŋ aba nɔ. Sɛɛ mli lɛ yoo lɛ ná ele nɔ hewɔ ni amɛfo saramɔ lɛ mli lɛ. Beni gbalashihilɛ mli bii lɛ efɔ̃ yoo lɛ nine sɛɛ lɛ, amɛ hu amɛnanemɛi komɛi fɔ̃ amɛ nine nakai gbɛkɛ lɛ nɔŋŋ, ni amɛkpɛlɛ nɔ.

Akɛ Kristofoi lɛ, esa akɛ wɔye wɔwiemɔ nɔ be fɛɛ be. Esaaa akɛ wɔkɛɔ ‘hɛɛ kɛ dabi fɛɛ shi kome.’ (2 Kor. 1:18) Shi taakɛ shihilɛi enyɔ ni wɔwie he kɛtsɔ hiɛ lɛ tsɔɔ lɛ, esoro shihilɛ fɛɛ shihilɛ. Shihilɛi komɛi baa ni efeɔ tamɔ nɔ ni wɔnyɛŋ wɔfee he nɔ ko, akɛ ja wɔfo gbɛjianɔ ko ni wɔkɛ mɔ ko eto lɛ mli. Be ko lɛ, bɔfo Paulo yaje shihilɛ ko ni tamɔ nakai mli.

AFOLƆ PAULO NAA AKƐ EJI YIŊFƐLƐFƐLƐTSƐ

Yɛ afi 55 Ŋ.B. beni Paulo yɔɔ Efeso yɛ emaŋsɛɛ sɔɔmɔ he gbɛfaa ni ji etɛ lɛ mli lɛ, eto eyiŋ akɛ ebaafo Aegea Ŋshɔ lɛ kɛya Korinto, koni ejɛ jɛmɛ kɛya Makedonia. Kɛkɛ lɛ, kɛ́ eeku esɛɛ kɛya Yerusalem lɛ, esaa eyasara Korinto asafo lɛ nɔ ni ji shii enyɔ nɔ, koni ehe amɛnikee nii lɛ kɛyaha nyɛmimɛi ni yɔɔ Yerusalem lɛ. (1 Kor. 16:3) Nɔ hewɔ ni wɔkɛɔ nakai lɛ ji, 2 Korintobii 1:15, 16 lɛ kɛɔ akɛ: “Nɛkɛ hiɛkɛnɔfɔ̃ɔ nɛɛ hewɔ mito miyiŋ akɛ maba nyɛŋɔɔ tsutsu lɛ, koni nyɛná duromɔ ni ji enyɔ, ni mibatsɔ̃ nyɛŋɔɔ kɛya Makedonia, ni asaŋ maku misɛɛ kɛjɛ Makedonia maba nyɛŋɔɔ ekoŋŋ, koni nyɛyajie mi gbɛ kɛya Yudea.”

Etamɔ nɔ ni Paulo ha Korintobii lɛ le nɔ ni eto ni ebaafee lɛ yɛ wolo ko ni eŋma kɛtsɔ hiɛ lɛ mli. (1 Kor. 5:9) Shi beni Paulo ŋma nakai wolo lɛ sɛɛ etsɛɛɛ lɛ, Kloe webii  lɛ bagba lɛ akɛ mligbalamɔi yɛ asafo lɛ mli. (1 Kor. 1:10, 11) Paulo kpɛ mli akɛ ebaatsake nɔ ni eto ni kulɛ ebaafee lɛ, ni eŋma wolo ni amrɔ nɛɛ atsɛɔ lɛ 1 Korintobii lɛ. Paulo jɛ suɔmɔ mli ekɛ ŋaawoo kɛ tsɔsemɔ ní sa ha amɛ yɛ wolo nɛɛ mli. Eha amɛle hu akɛ etsake egbɛfaa lɛ mli, ni akɛ ebaaya Makedonia klɛŋklɛŋ, kɛkɛ lɛ no sɛɛ lɛ eba Korinto.1 Kor. 16:5, 6. *

Etamɔ nɔ ni beni nyɛmimɛi ni yɔɔ Korinto lɛ nine shɛ ewolo lɛ nɔ lɛ, “bɔfoi agboi” ni yɔɔ asafo lɛ mli lɛ ateŋ mɛi komɛi wie akɛ eji yiŋfɛlɛfɛlɛtsɛ, ni akɛ, eyeee eshiwoi anɔ. Paulo wie kɛfã ehe akɛ: “Belɛ ni mito miyiŋ nakai lɛ, yiŋfɛlɛfɛlɛ mikɛfee? Aloo miyiŋ ni mito lɛ, heloo naa mito yɛ? Dabi! shi mihɛɛ lɛ hɛɛ ni, ni midabi lɛ dabi ni.”2 Kor. 1:17; 11:5.

Ekolɛ wɔbaabi akɛ, Yɛ shihilɛi nɛɛ amli lɛ, ani Paulo kɛ “yiŋfɛlɛfɛlɛ” tsu saji ahe nii lɛɛlɛŋ? Dabi kwraa! Wiemɔ ni atsɔɔ shishi akɛ ‘fɛlɛfɛlɛ’ lɛ baanyɛ akɔ mɔ ko ni kɛ hiɛdɔɔ tsuuu saji ahe nii, mɔ ko ni anyɛɛɛ amu afɔ̃ enɔ, ni yeee eshiwoi anɔ lɛ he. Kulɛ esa akɛ sane ni Paulo bi Kristofoi ni yɔɔ Korinto lɛ akɛ, “miyiŋ ni mito lɛ, heloo naa mito yɛ?” lɛ aha amɛna faŋŋ akɛ, jeee mu ni anyɛɛɛ amu afɔ̃ enɔ lɛ hewɔ etsake eyiŋkpɛɛ lɛ.

Paulo tsɔɔ akɛ nɔ ni amɛwie lɛ bɛ mli, beni eŋma akɛ: “Shi anɔkwafo ji Nyɔŋmɔ, akɛ wɔwiemɔ ni wɔkɛ nyɛ wie lɛ ejeee hɛɛ kɛ dabi shi kome” lɛ. (2 Kor. 1:18) Eka shi faŋŋ akɛ, beni Paulo tsake egbɛjianɔtoo lɛ mli lɛ, no mli lɛ enyɛmimɛi hii kɛ yei ni yɔɔ Korinto lɛ asane kã etsui nɔ waa. Wɔnaa yɛ 2 Korintobii 1:23 lɛ akɛ, Korintobii lɛ ‘ayibaamɔ’ loo mɔbɔ ni ena amɛ lɛ hewɔ etsake eyiŋ ní eto akɛ ebaaya jɛmɛ lɛ. Anɔkwa, eha amɛ hegbɛ koni amɛfee tsakemɔi ni sa lɛ dani lɛ diɛŋtsɛ eba amɛ ŋɔɔ. Beni Paulo yɔɔ Makedonia lɛ, Tito ha ele akɛ wolo ni eŋma lɛ eha amɛtsake amɛtsui ni amɛwerɛ eho amɛhe, taakɛ ekpaa gbɛ lɛ, ni enɛ ha Paulo mii shɛ ehe waa.2 Kor. 6:11; 7:5-7.

“AMEN” NI AKƐƆ NYƆŊMƆ LƐ

Paulo naa ni afolɔ akɛ eji yiŋfɛlɛfɛlɛtsɛ lɛ baanyɛ atsɔɔ akɛ, kɛ́ anyɛŋ akɛ he afɔ̃ enɔ akɛ mɔ ni yeɔ eshiwoi anɔ yɛ edaa gbi shihilɛ mli lɛ, belɛ anyɛŋ amu afɔ̃ enɔ yɛ eshiɛmɔ nitsumɔ lɛ mli hu. Shi Paulo kai Korintobii lɛ akɛ, eshiɛ Yesu Kristo he sane etsɔɔ amɛ. Ewie akɛ: “Nyɔŋmɔ bi Yesu Kristo, mɔ ni mikɛ Silvano kɛ Timoteo shiɛ ehe sane yɛ nyɛteŋ lɛ, ejeee hɛɛ kɛ dabi shi kome, shi moŋ emli hɛɛ yɔɔ.” (2 Kor. 1:19) Ani Yesu Kristo, mɔ ni Paulo kaseɔ lɛ ji mɔ ko ni anyɛŋ akɛ he afɔ̃ enɔ? Dabida! Yesu wie anɔkwale yɛ eshihilɛ kɛ esɔɔmɔ nitsumɔ lɛ mli fɛɛ. ( Yoh. 14:6; 18:37) Kɛji nɔ ni Yesu shiɛ lɛ ji anɔkwale krɔŋŋ ni anyɛɔ akɛ he fɔ̃ɔ nɔ, ni Paulo hu shiɛ nakai sane kome too lɛ nɔŋŋ lɛ, belɛ abaanyɛ akɛ he afɔ̃ nɔ ni Paulo shiɛ lɛ hu nɔ.

Anɔkwa sane ji akɛ, Yehowa ji “Nyɔŋmɔ anɔkwafo!” (Lala 31:5) Wɔnaa enɛ yɛ nɔ ni Paulo ŋma kɛtsa nɔ lɛ mli. Eŋma akɛ: “Nyɔŋmɔ shiwoi abɔ ni yɔɔ nɛɛ, emli hɛɛ lɛ yɔɔ,” ni tsɔɔ akɛ Kristo mli hɛɛ lɛ yɔɔ. Anɔkwa ni Yesu ye kɛyawula shi beni eyɔɔ shikpɔŋ lɛ nɔ lɛ ha ana faŋŋ akɛ Yehowa shiwoi fɛɛ baaba mli. Paulo tsa nɔ akɛ: “Ni [ Yesu mli] nɔŋŋ amen lɛ yɔɔ, koni atsɔ wɔnɔ awo Nyɔŋmɔ hiɛ nyam.” (2 Kor. 1:20) Yesu ji “Amen” lɛ, loo mɔ tuuntu ni haa anáa nɔmimaa akɛ shiwoi fɛɛ ni Yehowa Nyɔŋmɔ kɛha lɛ baaba mli!

Taakɛ Yehowa kɛ Yesu wieɔ anɔkwale be fɛɛ be lɛ, Paulo hu wieɔ anɔkwale be fɛɛ be. (2 Kor. 1:19) Ejeee yiŋfɛlɛfɛlɛtsɛ, mɔ ko ni woɔ shi yɛ “heloo naa.” (2 Kor. 1:17) Moŋ lɛ, ‘enyiɛ yɛ mumɔ naa.’ (Gal. 5:16) Bɔ ni ekɛ mɛi ye eha lɛ ha ana akɛ amɛsane kã etsui nɔ. Eha ehɛɛ fee hɛɛ!

 ANI OHAA OHƐƐ FEƆ HƐƐ?

Gbii etɛ nɛɛ, efɔɔ kaa akɛ mɛi ni ehiii shi yɛ Biblia mli shishitoo mlai anaa lɛ woɔ shi, ni kɛji amɛkɛ naagba fioo ko kpe loo amɛkɛ shihilɛ ko ni hi fe nɔ ni kɔɔ shiwoo lɛ he lɛ kpe lɛ, amɛkuɔ shiwoo lɛ mli. Mɛi haaa ‘amɛhɛɛ’ afee “hɛɛ” be fɛɛ be yɛ nitsumɔ saji amli, kɛ́ amɛkɛ amɛnine ewo wolo shishi po. Ŋmɛnɛ lɛ, mɛi babaoo ebuuu gbalashihilɛ, ni ji kpaŋmɔ ni yɔɔ mɛi enyɔ teŋ lɛ akɛ nɔ ko ni esa akɛ ehi shi daa. Moŋ lɛ, bɔ ni gbalamlitsemɔ efa babaoo lɛ haa anaa akɛ, mɛi pii buɔ gbalashihilɛ akɛ eji nɔ ko kɛkɛ, ni akɛ, abaanyɛ atse mli be fɛɛ be ni asumɔɔ.2 Tim. 3:1, 2.

Ni bo hu? Ani ohaa ohɛɛ feɔ hɛɛ? Anɔkwa, taakɛ atsɔɔ yɛ sane nɛɛ shishijee lɛ, ekolɛ ehe bahia ni ofo gbɛjianɔ ko ni okɛ mɔ ko to lɛ mli, jeee akɛni oji mɔ ko ni ehiii shi yɛ ewiemɔi anaa lɛ hewɔ, shi moŋ akɛni onyɛŋ ofee shihilɛ lɛ he nɔ ko lɛ hewɔ. Shi akɛ Kristofonyo lɛ, kɛ́ owo shi loo ofee kpaŋmɔ ko lɛ, esa akɛ ofee bɔ fɛɛ bɔ ni ooonyɛ ni oye nɔ. (Lala 15:4; Mat. 5:37) Kɛ́ ofee nakai lɛ, abaale bo akɛ mɔ ko ni anyɛɔ amuɔ afɔ̃ɔ enɔ, mɔ ko ni hiɔ shi yɛ ewiemɔ naa, mɔ ko ni wieɔ anɔkwale be fɛɛ be. (Efe. 4:15, 25; Yak. 5:12) Kɛ́ mɛi na akɛ oji mɔ ko ni anyɛɔ amuɔ afɔ̃ɔ enɔ daa lɛ, ewaaa akɛ amɛaabo bo toi kɛ́ oogba amɛ anɔkwale ni kɔɔ Nyɔŋmɔ Maŋtsɛyeli lɛ he lɛ. No hewɔ lɛ, nyɛhaa wɔtswaa wɔfai shi akɛ, wɔbaaha wɔhɛɛ afee hɛɛ lɛɛlɛŋ!

^ kk. 7 Beni Paulo ŋma 1 Korintobii lɛ sɛɛ etsɛɛɛ lɛ, etsɔ Troa kɛtee Makedonia taakɛ ewie lɛ, ni jɛmɛ eŋma 2 Korintobii lɛ yɛ. (2 Kor. 2:12; 7:5) Sɛɛ mli lɛ, etee Korinto.