Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ (NIKASEMƆ NƆ̃) JULY 2013

Mɔ Hee ni Akɛfata Gbɛtsɔɔmɔ Kuu lɛ He

Mɔ Hee ni Akɛfata Gbɛtsɔɔmɔ Kuu lɛ He

Shɔ, September 5, 2012 leebi lɛ, atswa adafi yɛ United States Betel kɛ Canada Betel akɛ, aná mɔ hee ko afata Yehowa Odasefoi a-Gbɛtsɔɔmɔ Kuu lɛ he. Mɔ nɛɛ ji Mark Sanderson, ni eje nitsumɔ shishi September 1, 2012.

Afɔ Nyɛminuu Sanderson yɛ San Diego yɛ California yɛ U.S.A., ni abaptisi lɛ February 9, 1975, ni efɔlɔi ji Kristofoi. Yɛ September 1, 1983 lɛ, ebɔi sɔɔmɔ akɛ daa gbɛgbalɔ yɛ Saskatchewan yɛ Canada. Efata mɛi ni gbe Sɔɔmɔ Tsɔsemɔ Skul (ni amrɔ nɛɛ atsɛɔ lɛ Biblia Skul Kɛha Oshijafoi) lɛ klas ni ji kpawo nɔ yɛ United States yɛ December 1990 lɛ ahe. Yɛ April 1991 lɛ, aha Nyɛminuu Sanderson yasɔmɔ akɛ gbɛgbalɔ krɛdɛɛ yɛ Newfoundland yɛ Canada. Aha eyasɔmɔ hu akɛ kpokpaa nɔkwɛlɔ sɛɛmɔ, ni yɛ February 1997 lɛ, afɔ̃ lɛ nine koni eyasɔmɔ yɛ Canada Betel. Aha eyasɔmɔ yɛ United States nitsumɔhe nine lɛ yɛ November 2000, ni eyatsu nii yɛ Hospital Information Services lɛ, ni sɛɛ mli lɛ eyatsu nii yɛ Service Department.

Yɛ September 2008 lɛ, Nyɛminuu Sanderson tee Skul Kɛha Nitsumɔhe Nine Ajinafoi Akuu Mli Bii, ni no sɛɛ lɛ aha eyasɔmɔ akɛ Philippines Nitsumɔhe Nine Ajinafoi Akuu lɛ mli nyo. Yɛ September 2010 lɛ, aha eku esɛɛ kɛtee United States ni eyasɔmɔ akɛ Gbɛtsɔɔmɔ Kuu lɛ Sɔɔmɔ Nitsumɔ Ajinafoi Akuu lɛ yelikɛbualɔ.