Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ NO. 6 2016

Klitso

Nɔ ni Wɔkaseɔ yɛ Loofɔji Ahe

Nɔ ni Wɔkaseɔ yɛ Loofɔji Ahe

‘Agbɛnɛ bi ŋwɛi loofɔji, ni amɛaagbao. Namɔ leee yɛ enɛɛmɛi fɛɛ mli akɛ Yehowa nine fee enɛ?’—Hiob 12:7, 9.

NƆ NI FE afii 3,000 ni eho nɛ lɛ, blema tsɛ Hiob yɔse akɛ, wɔbaanyɛ wɔtsɔ ŋwɛi loofɔji lɛ anɔ wɔkase Nyɔŋmɔ ninenaa nitsumɔi lɛ ahe nii babaoo. Shi abaanyɛ adamɔ bɔ ni amɛshihilɛ yɔɔ lɛ nɔ akɛfee nɔkwɛmɔnɔ loo akɛto saji ahe. Wɔbaanyɛ wɔkase nibii ni kɔɔ bɔ ni esa akɛ wɔhi shi wɔhã, kɛ wɔkɛ Nyɔŋmɔ teŋ wekukpaa lɛ he kɛjɛ ŋwɛi loofɔji babaoo ni Biblia lɛ ewie amɛhe lɛ ahe. Hã wɔsusu amɛteŋ fioo komɛi ahe wɔkwɛ.

HE NI NYƆŊMƆBITƐTE FEƆ ETSU YƐ

Nyɔŋmɔbitɛte

Mɛi ni yɔɔ Yerusalem lɛ le kooloo ni ji nyɔŋmɔbitɛte, ní bei pii lɛ amɛfeɔ amɛtsu yɛ nɔ ni akɛwoɔ tsu lɛ shishi, yɛ naabugbɛ lɛ jogbaŋŋ. Ekomɛi fee amɛtsu yɛ Solomon sɔlemɔtsu lɛ mli. Eyɛ faŋŋ akɛ, nyɔŋmɔbitɛtei ni daa afi lɛ amɛfeɔ amɛtsu yɛ sɔlemɔwe lɛ na akɛ, jɛmɛ yɛ shweshweeshwe ni amɛbaanyɛ amɛkwɛ amɛbii yɛ jɛmɛ ní mɔ ko gbaaa amɛnaa.

Mɔ ni fo Lala 84—ni ji Kora bihii lɛ ateŋ mɔ kome, ni sɔmɔɔ yɛ sɔlemɔwe lɛ otsi yɛ nyɔji ekpaa mli lɛ—na nakai loofɔji atsui ni yɔɔ sɔlemɔwe lɛ. Akɛni lalatsɛ lɛ shwe ni ehi Yehowa shĩa lɛ daa, tamɔ nyɔŋmɔbitɛte ni jɛmɛ kwraa etsu yɔɔ lɛ hewɔ lɛ, ewie akɛ: “Kwɛ bɔ ni oshihilɛhei lɛ yɔɔ akɔnɔ hã, Yehowa Zebaot! Misusuma hiɛ miitse Yehowa kpoi lɛ, eetɔ biti po yɛ hewɔ . . . Aflimata ená ewe, ni nyɔŋmɔbitɛte hu ená etsu, he ni ekɛ ebii aaato: no ji ofɔleshãalatɛi lɛ, Yehowa Zebaot, mimaŋtsɛ kɛ mi-Nyɔŋmɔ!” (Lala 84:2-4) Ani wɔ kɛ wɔbii bibii lɛ jieɔ hiɛsɔɔ kpo, ni wɔshweɔ ni wɔhi Nyɔŋmɔ webii lɛ asafo lɛ mli be fɛɛ be?Lala 26:8, 12.

KLITSO LE EBE

Gbalɔ Yeremia ŋma akɛ, ‘klitso ní nyiɛ ŋwɛi lɛ, ele ebe.’ Ŋwanejee ko bɛ he akɛ, ele akɛ klitso fãa gbɛ kɛtsɔɔ Shiwoo Shikpɔŋ lɛ nɔ. Anaa klitso yɛji ni fa fe 300,000 ni jɛ Africa miifã gbɛ kɛmiitsɔ Yordan Jɔɔ lɛ mli kɛmiiya Europa Kooyigbɛ daa afi yɛ April mli. Kɛ́ eeshɛ hulutsoo be lɛ, loofɔji nɛɛ le akɛ esa akɛ amɛku amɛsɛɛ kɛya he ni amɛyaŋmɛɔ wɔji yɛ lɛ. Taakɛ eji yɛ loofɔji krokomɛi ni fãa gbɛ lɛ agbɛfaŋ lɛ, klitso hu “saraa amɛbaa be.”Yeremia 8:7.

Wolo ko (Collins Atlas of Bird Migration) tsɔɔ mli akɛ, ‘Nɔ ni yɔɔ naakpɛɛ yɛ loofɔji agbɛfãa he ji akɛ, amɛdamɔɔ nilee ni akɛhã amɛ lɛ nɔ amɛfãa gbɛ lɛ.’ Yehowa Nyɔŋmɔ hã loofɔji ni fãa gbɛ lɛ nilee ni kɔɔ kɔɔyɔŋ tsakemɔi ahe, shi ehã gbɔmɔ nyɛmɔ ni ekɛle be kɛ yinɔi lɛ. (Luka 12:54-56) Klitso damɔɔ nilee ni Nyɔŋmɔ kɛhã lɛ lɛ nɔ efãa gbɛ, shi Nyɔŋmɔ he nilee ji nɔ titri ni hãa adesai nyɛɔ amɛnaa nɔ ni nibii ni yaa nɔ yɛ be ni wɔyɔɔ mli nɛɛ tsɔɔ. Israelbii ni hi shi yɛ Yeremia beiaŋ lɛ nyɛɛɛ ayɔse nɔ ni nibii ni yaa nɔ yɛ be mli ni amɛyɔɔ  lɛ tsɔɔ. Nyɔŋmɔ tsɔɔ nɔ hewɔ ni ebalɛ nakai lɛ mli akɛ: “Yehowa wiemɔ lɛ amɛkwa nɛɛ: ni mɛɛ nilee srɔto yɔɔ amɛmli?”Yeremia 8:9.

Ŋmɛnɛ lɛ, nibii pii yɛ ni tsɔɔ akɛ wɔyɛ be ni Biblia lɛ tsɛɔ lɛ “naagbee gbii lɛ” amli. (2 Timoteo 3:1-5) Ani obaayɔse ‘be’ lɛ, taakɛ klitso feɔ lɛ?

OKROPƆŊ NAA NII YƐ SHƆŊŊ

Okropɔŋ

Biblia lɛ tsĩ okropɔŋ tã shii abɔ, ni afɔɔ amɛnaa yɛ Shiwoo Shikpɔŋ lɛ nɔ. Okropɔŋ feɔ etsu yɛ tɛsai ni kwɔlɔ waa anɔ, ni ejɛɔ jɛmɛ “etaoɔ eniyenii; ehiŋmɛii naa nii yɛ shɔŋŋ.” (Hiob 39:27-29) Okropɔŋ hiŋmɛii naa nii aahu akɛ, abɔ amaniɛ akɛ, kɛ́ adanko ko nyiɛ he ko ni kɛ lɛ teŋ jekɛ aaafee kilomita kome po lɛ, ebaanyɛ ena lɛ.

Taakɛ bɔ ni okropɔŋ nyɛɔ ‘enaa nii yɛ shɔŋŋ’ lɛ, Yehowa hu nyɛɔ enaa nɔ ni baaba wɔsɛɛ. No hewɔ lɛ, Yehowa Nyɔŋmɔ kɛɛ akɛ: “Mi ní mijɛɔ shishijee lɛ mijajeɔ naagbee nii lɛ, ni mijɛɔ blema beebe mijajeɔ nii ní anáko afee lɛ.” (Yesaia 46:10) Kɛ́ wɔbo Yehowa ŋaawoo toi lɛ, wɔbaanyɛ wɔná enilee kpele kɛ bɔ ni enaa nibii ni baaba wɔsɛɛ lɛ he sɛɛ.Yesaia 48:17, 18.

Biblia lɛ kɛ mɛi ni kɛ amɛhiɛ fɔ̃ɔ Nyɔŋmɔ nɔ lɛ to okropɔŋ he akɛ: “Mɛi ni hiɛ kã Yehowa nɔ lɛ náa hewalɛ hee, amɛholeɔ amɛfiji anɔ tamɔ okropɔŋi.” (Yesaia 40:31) Kɔɔyɔɔ ni mli edɔ fioo ji nɔ ni hãa okropɔŋ nyɛɔ efilikiɔ kɛyaa ŋwɛi shɔŋŋ lɛ. Kɛ́ okropɔŋ lɛ shɛ he ni kɔɔyɔɔ lɛ mli edɔ fioo lɛ, egbeleɔ efiji amli, ni ebɔleɔ ehe yɛ jɛmɛ, ni no hãa enyɛɔ efilikiɔ kɛyaa ŋwɛi shɔŋŋ lɛ. Jeee okropɔŋ lɛ diɛŋtsɛ hewalɛ naa ni enyɛɔ efilikiɔ kɛyaa shɔŋŋ yɛ kɔɔyɔɔ lɛ mli lɛ. Nakai nɔŋŋ mɛi ni kɛ amɛhiɛ fɔ̃ɔ Yehowa nɔ lɛ baanyɛ aná nɔmimaa akɛ, ebaahã amɛ “hewalɛ ni fa kɛteke nɔ.”2 Korintobii 4:7, 8.

“TAAKƐ WUƆ YOO BUAA EBII ANAA”

Wuɔ kɛ ebii

Be ni eshwɛ fioo ni Yesu baagbo lɛ, ewa ni ekwɛ Yudafoi lɛ amaŋtiase lɛ. Ekɛ awerɛhoyeli wie akɛ: “Yerusalem, Yerusalem, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi. Kwɛ bɔ ni mitao shii abɔ akɛ mabua obii lɛ anaa taakɛ wuɔ yoo buaa ebii anaa ewoɔ efiji ashishi lɛ! Shi nyɛsumɔɔɔ.”Mateo 23:37.

Nɔ ko ni loofɔji feɔ waa ji amɛbii bibii lɛ ahe ni amɛbuɔ lɛ. Esa akɛ loofɔji ni feɔ amɛtsu yɛ shikpɔŋ, tamɔ shĩa wuɔ nɛkɛ lɛ, ahiɛ ahi amɛhe nɔ waa yɛ oshara he. Kɛ́ wuɔ ko na akroma ko ni eebɔle ahe yɛ ŋwɛi lɛ, ebolɔɔ kɛbɔɔ ebii lɛ kɔkɔ, kɛkɛ lɛ amɛjo foi oya kɛyatee amɛhe yɛ amɛnyɛ lɛ fiji ashishi. Amɛteɔ amɛhe hu yɛ jɛmɛ kɛ́ hulu miitso gbaŋgbaŋ loo kɛ́ nugbɔ miinɛ waa. Nakai nɔŋŋ Yesu hu miisumɔ ni ehã mɛi ni yɔɔ Yerusalem lɛ aná amɛ kɛ Nyɔŋmɔ teŋ wekukpaa koni no abu amɛhe. Ŋmɛnɛ lɛ, Yesu miifɔ̃ wɔ nine koni wɔkɛ naagbai kɛ yeyeeyefeemɔi ni wɔkɛkpeɔ daa gbi lɛ aba eŋɔɔ bɔ ni afee ni eshɛje wɔmii ní ebu wɔhe.Mateo 11:28, 29.

Eyɛ faŋŋ akɛ, nibii babaoo yɛ ni wɔbaanyɛ wɔkase kɛjɛ loofɔji ahe. Be ni okwɛɔ amɛnifeemɔi lɛ, bɔɔ mɔdɛŋ ni okai nɔ ni Ŋmalɛi lɛ ewie yɛ amɛhe lɛ. Eba akɛ kɛ́ ona nyɔŋmɔbitɛte lɛ, ohiɛ baasɔ Yehowa shĩa, ni ji he ni wɔjaa lɛ yɛ lɛ. Eba akɛ okɛ ohiɛ baafɔ̃ Nyɔŋmɔ koni ehã oná hewalɛ kɛfiliki tamɔ okropɔŋ. Eba akɛ obaaba Yesu ŋɔɔ kɛhã Nyɔŋmɔ he anɔkwa nilee ní baanyɛ abu ohe tamɔ bɔ ni wuɔ buɔ ebii ahe lɛ. Eba hu akɛ klito lɛ baakai bo koni ohã ohiɛ ahi ohe nɔ yɛ nɔ ni nibii ni yaa nɔ yɛ je lɛ mli ŋmɛnɛ lɛ tsɔɔ lɛ he.

Ekrokromɛi Hu Nɛ

Te Ooofee Tɛŋŋ Otsi Obɛŋkɛ Nyɔŋmɔ?

Kanemɔ ni ona kɛji Nyɔŋmɔ boɔ sɔlemɔi fɛɛ toi, bɔ ni esa akɛ wɔsɔle, kɛ nɔ ni wɔbaanyɛ wɔfee koni wɔtsi wɔbɛŋkɛ Nyɔŋmɔ.