Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ NO. 3 2016

Nyɔŋmɔ gbɛ́i lɛ (nɔ ni akadi lɛ) taakɛ eje kpo yɛ blema Biblia ko ni akɛ nine ŋma lɛ mli

Mɛni Biblia lɛ Kɛɔ?

Mɛni Biblia lɛ Kɛɔ?

Ani Nyɔŋmɔ yɛ gbɛ́i?

MƐI KOMƐI KƐƆ AKƐ ebɛ gbɛ́i, mɛi komɛi hu kɛɔ akɛ egbɛ́i ji Nyɔŋmɔ loo Nuŋtsɔ, ni mɛi krokomɛi hu kɛɔ akɛ eyɛ gbɛ́i babaoo. Te osusuɔ tɛŋŋ?

NƆ NI BIBLIA LƐ KƐƆ

“Bo, ni okome too ogbɛi ji Yehowa lɛ, bo ji mɔ ni kwɔ fe fɛɛ yɛ shikpɔŋ lɛ nɔ fɛɛ!”Lala 83:19.

MƐNI HU WƆKASEƆ KƐJƐƆ BIBLIA LƐ MLI?

  • Eyɛ mli akɛ Nyɔŋmɔ yɛ gbɛnaa gbɛ́i pii moŋ, shi ehã ehe gbɛ́i kome pɛ.2 Mose 3:15.

  • Nyɔŋmɔ jeee mɔ ko ni anyɛŋ ale lɛ; eesumɔ ni wɔle lɛ.Bɔfoi 17:27.

  • Nyɔŋmɔ gbɛ́i lɛ ni obaale lɛ baanyɛ afee nɔ klɛŋklɛŋ ni baahã naanyobɔɔ ahi okɛ lɛ teŋ.—Yakobo 4:8.

Ani eji tɔmɔ akɛ abaatsɛ Nyɔŋmɔ gbɛ́i?

MƐNI OBAAKƐƐ?

  • Hɛɛ

  • Dabi

  • Ebaajɛ bɔ ni akɛbaatsu nii

NƆ NI BIBLIA LƐ KƐƆ

‘Kaahiɛ Yehowa, o-Nyɔŋmɔ lɛ gbɛ́i amli yakayaka.’ (2 Mose 20:7) Be pɛ ni ebafeɔ tɔmɔ akɛ akɛ Nyɔŋmɔ gbɛ́i lɛ baatsu nii ji, kɛ́ akɛtsu nii yɛ gbɛ ni bulɛ bɛ mli nɔ.Yeremia 29:9.

MƐNI HU WƆKASEƆ KƐJƐƆ BIBLIA LƐ MLI?

  • Yesu le Nyɔŋmɔ gbɛ́i lɛ, ni ekɛtsu nii.—Yohane 17:25, 26.

  • Nyɔŋmɔ kɛɔ wɔ ni wɔkɛ egbɛ́i atsɛ lɛ.—Lala 105:1.

  • Nyɔŋmɔ henyɛlɔi lɛ bɔɔ mɔdɛŋ koni amɛhã mɛi ahiɛ akpa egbɛ́i lɛ nɔ.Yeremia 23:27.

 

Ekrokromɛi Hu Nɛ

Ani Nyɔŋmɔ yɛ Gbɛ́i?

Nyɔŋmɔ yɛ gbɛnaa gbɛ́i pii, ekomɛi ji Ofe, Bɔlɔ, kɛ Nuŋtsɔ. Shi atsĩ Nyɔŋmɔ diɛŋtsɛ gbɛ́i lɛ tã shii 7,000 kɛ sɛɛ yɛ Biblia lɛ mli.

Mɛni Ji Anɔkwale ni Kɔɔ Nyɔŋmɔ He Lɛ?

Kɛ́ okwɛ lɛ, ani Nyɔŋmɔ susuɔ ohe akɛ aŋkro? Kanemɔ koni ole esui kɛ bɔ ni obaafee otsi obɛŋkɛ lɛ.