Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Buu-Mɔɔ  |  No. 2 2016

Mɛni Biblia lɛ Kɛɔ?

Mɛni Biblia lɛ Kɛɔ?

Namɔ loo mɛni ji Abonsam?

ANI OBAAKƐƐ akɛ Abonsam ji . . .

  • Mumɔŋ gbɔmɔ?

  • Efɔŋ ni yɔɔ mɔ ko mli lɛ he okadi?

  • Adesa susumɔ ko kɛkɛ?

NƆ NI BIBLIA LƐ KƐƆ

Abonsam kɛ Yesu gba sane ni ‘eka’ lɛ. (Mateo 4:1-4) No hewɔ lɛ, Abonsam jeee mfonirifeemɔŋ gbɔmɔ ko, asaŋ ejeee efɔŋ he okadi ko kɛkɛ. Eji mumɔŋ bɔɔnɔ ko ni yitsoŋ wa.

MƐNI HU WƆKASEƆ KƐJƐƆ BIBLIA LƐ MLI?

  • Kulɛ Abonsam ji ŋwɛibɔfo ko ni yɔɔ krɔŋkrɔŋ, shi “edamɔɔɔ shi shiŋŋ yɛ anɔkwale lɛ mli.” (Yohane 8:44) Ebatsɔ amalelɔ, ni etse Nyɔŋmɔ hiɛ atua.

  • Ŋwɛibɔfoi krokomɛi yafata Satan he kɛtse atua lɛ.Kpojiemɔ 12:9.

  • Abonsam eshwila mɛi pii koni amɛkahe amɛye akɛ eyɛ shihilɛ mli.2 Korintobii 4:4.

Ani Abonsam baanyɛ ekudɔ mɛi?

MƐI KOMƐI KƐƆ akɛ eji amale akɛ Abonsam baanyɛ ekudɔ mɛi, ni mɛi komɛi hu sheɔ gbeyei akɛ mumɔi fɔji baanyɛ akudɔ amɛ. Te bo hu osusuɔ tɛŋŋ?

NƆ NI BIBLIA LƐ KƐƆ

“Jeŋ muu lɛ fɛɛ kã mɔ fɔŋ lɛ hewalɛ mli.” (1 Yohane 5:19) Abonsam náa adesai anɔ hewalɛ waa diɛŋtsɛ, shi jeee adesai fɛɛ ekudɔɔ.

MƐNI HU WƆKASEƆ KƐJƐƆ BIBLIA LƐ MLI?

  • Abonsam tsɔɔ ŋaa gbɛ nɔ elakaa mɛi koni enine ashɛ mɛi babaoo nɔ.2 Korintobii 11:14.

  • Mumɔi fɔji baanyɛ akudɔ mɛi bei komɛi.—Mateo 12:22.

  • Nyɔŋmɔ baanyɛ eye ebua bo ni ‘otsĩ Abonsam’ gbɛ kwraa.Yakobo 4:7.

 

 

Ekrokomɛi Hu Nɛ

SANEKPAKPA NI JƐ NYƆŊMƆ ŊƆƆ!

Mɛni Hewɔ Nyɔŋmɔ Ŋmɛɔ Efɔŋfeemɔ kɛ Piŋmɔ Gbɛ?

Mɛni kɛ efɔŋfeemɔ ba, ni mɛni hewɔ Nyɔŋmɔ eŋmɛ gbɛ ni eyaa nɔ lɛ? Ani nɔnaa baaba naagbee gbi ko?