Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

Omusuŋ Atsɔ Bo Yɛ “Gbɔmɛi Srɔtoi Fɛɛ” Ahe

Omusuŋ Atsɔ Bo Yɛ “Gbɔmɛi Srɔtoi Fɛɛ” Ahe

BE NI Yesu tsɔɔ ekaselɔi lɛ bɔ ni ashiɛɔ sane kpakpa lɛ, ehã amɛle akɛ jeee mɔ fɛɛ mɔ baabo amɛ toi. (Luka 10:3, 5, 6) Nakai nɔŋŋ ŋmɛnɛ hu lɛ, jeee mɔ fɛɛ mɔ nyaa sane ni wɔshiɛɔ lɛ he. Bei komɛi lɛ, kɛ́ wɔtee shiɛmɔ lɛ, mɛi jɛɔ wɔ, ni mɛi komɛi po ahiɛ dɔɔ amɛwoɔ wɔ. Kɛ́ eba lɛ nakai lɛ, ewaa kɛhãa wɔ akɛ wɔmusuŋ baatsɔ wɔ yɛ mɛi ni wɔshiɛɔ wɔhãa lɛ ahe.

Kɛ́ akɛɛ mɔ ko musuŋ tsɔɔ lɛ lɛ, etsɔɔ akɛ mɔ lɛ nyɛɔ enaa nibii ni he hiaa mɛi kɛ naagbai ni amɛkɛkpeɔ, ni enuɔ he ehãa amɛ, ni eesumɔ ni eye ebua amɛ. Kɛ́ wɔmusuŋ etsɔɔɔ wɔ yɛ mɛi ni wɔshiɛɔ wɔhãa lɛ ahe lɛ, no baanyɛ ahã ekãa ni wɔyɔɔ lɛ naa aba shi, ni wɔshiɛmɔ nitsumɔ lɛ mɔŋ shi. Wɔbaanyɛ wɔkɛ ekãa ni wɔkɛtsuɔ shiɛmɔ nitsumɔ lɛ ato la he. Bɔ ni kɛ́ la miitso ni kɔɔyɔɔ hu miitswa lɛ enyɛɔ etsoɔ waa lɛ, nakai nɔŋŋ kɛ́ wɔmusuŋ tsɔ wɔ yɛ mɛi ahe lɛ, no baahã wɔkɛ ekãa ashiɛ waa!​—1 Tes. 5:19.

Mɛni baaye abua wɔ ni wɔmusuŋ atsɔ wɔ yɛ mɛi ahe kɛ́ efeemɔ wa kɛhã wɔ po? Wɔbaanyɛ wɔkase mɛi etɛ komɛi. Amɛji: Yehowa, Yesu, kɛ bɔfo Paulo. Hã wɔsusu amɛhe ekomekome.

KASEMƆ YEHOWA MUSUŊTSƆLƐ LƐ

Mɛi egbe Yehowa he guɔ afii akpei abɔ. Fɛɛ sɛɛ lɛ, “emli hi yɛ mɛi ni leee shidaa kɛ mɛi fɔji fɛɛ anɔ.” (Luka 6:35) Bɔ ni eto etsui shi kɛbashi ŋmɛnɛ lɛ po yeɔ odase akɛ emli hi. Yehowa miisumɔ ni “ahere gbɔmɛi srɔtoi fɛɛ yiwala.” (1 Tim. 2:3, 4) Ni eyɛ mli akɛ enyɛɔ efɔŋfeemɔ moŋ nɛ, shi enaa adesai akɛ amɛjara wa ni esumɔɔɔ ni amɛteŋ mɔ ko kwraa hiɛ kpãtãa.​—2 Pet. 3:9.

Yehowa le akɛ Satan he esa waa kɛ mɛi lakamɔ. (2 Kor. 4:3, 4) Mɛi pii yɛ ni amalei ni atsɔɔ amɛ yɛ Nyɔŋmɔ he kɛjɛ amɛgbekɛbiiashi tɔ̃ɔ lɛ ahewɔ lɛ, ŋmɛnɛ lɛ, ewa kɛhã amɛ akɛ amɛbaakpɛlɛ anɔkwale lɛ nɔ. Yehowa miisumɔ waa ni eye ebua mɛi nɛɛ. Mɛni hewɔ wɔkɛɔ nakai?

Susumɔ bɔ ni Yehowa kɛ blema Ninive maŋ lɛ mli bii lɛ ye ehã lɛ he okwɛ. Yɛ yiwalɛ nibii ni amɛfee lɛ fɛɛ sɛɛ lɛ, Yehowa kɛɛ Yona akɛ: “Ani esaaa akɛ Ninive maŋ kpeteŋkpele lɛ kɛ emli gbɔmɛi ni fa fe 120,000 ni leee nɔ ni ja kɛ nɔ ni ejaaa lɛ, kɛ amɛkooloi babaoo lɛ asane dɔɔ mi?” (Yona 4:11) Ninivebii lɛ anii fee Yehowa mɔbɔ, ejaakɛ amɛleee lɛ jogbaŋŋ. No hewɔ lɛ, etsu Yona koni eyabɔ amɛ kɔkɔ.

Bɔ ni Yehowa naa adesai akɛ amɛjara wa lɛ, nakai nɔŋŋ wɔ hu wɔnaa amɛ. No hewɔ lɛ, wɔmiisumɔ ni wɔye wɔbua mɛi fɛɛ koni amɛbale Yehowa, kɛ́ etamɔ nɔ ni amɛbɛ anɔkwale lɛ he miishɛɛ po. Enɛ ji gbɛ kome ni wɔtsɔɔ nɔ wɔkaseɔ Yehowa.

KASEMƆ YESU MUSUŊTSƆLƐ LƐ

Bɔ ni Yehowa musuŋ tsɔ lɛ yɛ mɛi ahe lɛ, nakai nɔŋŋ e-Bi Yesu hu musuŋ tsɔ lɛ yɛ mɛi ni bɛ Nyɔŋmɔ he nilee lɛ ahe. Be ko be ni ena mɛi babaoo bua shi lɛ, “amɛnii fee lɛ mɔbɔ, ejaakɛ afee amɛ niseniianii, ni akpoo amɛ tamɔ gwantɛŋi ni bɛ kwɛlɔ.” (Mat. 9:36) Yesu kwɛ nii kɛtee shɔŋŋ, ni no hewɔ mɛi lɛ anii fee lɛ mɔbɔ lɛ. Ena akɛ, jamɔŋ hiɛnyiɛlɔi lɛ etsɔɔ amɛ amalei ni amɛfee amɛ niseniianii. Mɛi ni babo Yesu toi lɛ ateŋ mɛi babaoo hã nibii srɔtoi tsĩ amɛ gbɛ ni amɛbatsɔmɔɔɔ ekaselɔi. Yesu le akɛ nakai ebaaba lɛ. Fɛɛ sɛɛ lɛ, “etsɔɔ amɛ nibii babaoo.”​—Mar. 4:1-9.

Kɛ́ mɔ ko booo sane lɛ toi be klɛŋklɛŋ ni wɔbaaya eŋɔɔ lɛ, wɔnijiaŋ akaje wui

Mɛi ashihilɛ tsakeɔ, ni no baanyɛ ahã amɛná wɔhe jwɛŋmɔ kpakpa

Kɛ́ mɛi booo sane ni wɔshiɛɔ lɛ toi lɛ, esa akɛ wɔ hu wɔkwɛ nii kɛya shɔŋŋ, ni wɔbɔ mɔdɛŋ akɛ  wɔbaana nɔ hewɔ ni amɛsumɔɔɔ ni amɛboɔ wɔ toi lɛ. Ekolɛ nibii gbohii ni mɛi ni tsɛɔ amɛhe Kristofoi lɛ feɔ lɛ hewɔ lɛ, amɛná Biblia lɛ kɛ Kristofoi ahe jwɛŋmɔ ni ejaaa. Aloo ekolɛ mɛi ewie nibii ni wɔheɔ wɔyeɔ lɛ ahe saji ni ejaaa amɛtsɔɔ amɛ. Eeenyɛ efee po akɛ, amɛwekumɛi kɛ amɛkutsoŋbii yeɔ amɛhe fɛo kɛ́ amɛna akɛ amɛkɛ wɔ miigba sane.

Yɛ mɛi komɛi agbɛfaŋ lɛ, shihilɛi ni mli wawai ni amɛtsɔmɔ mli be ko ni eho lɛ ená amɛnɔ hewalɛ waa, ni no hewɔ ekolɛ amɛsumɔɔɔ ni amɛboɔ wɔ toi lɛ. Nyɛmi yoo maŋsɛɛ sɔɔlɔ ko ni atsɛɔ lɛ Kim lɛ wie akɛ: “Mɛi ni yɔɔ wɔshikpɔŋkuku lɛ fã ko mli lɛ anibii fɛɛ ŋmɛɛ amɛ yɛ ta ko ni awu lɛ mli. Amɛhiɛnɔkamɔ fɛɛ etã. Amɛfee shwɛm, ni amɛnáa mɛi ahe jwɛŋmɔ fɔŋ. Bei pii kɛ́ wɔtee shiɛmɔ yɛ jɛmɛ lɛ, mɛi teɔ shi amɛwoɔ wɔ. Be ko po lɛ, mɔ ko tutua mi be ni minyiɛ shiɛmɔ nɔ.”

Mɛni yeɔ ebuaa Kim koni emusuŋ aya nɔ atsɔ lɛ yɛ bɔ ni akɛ lɛ yeɔ lɛ fɛɛ sɛɛ? Ekɛɛ akɛ: “Kɛ́ mɛi kɛ mi yeee jogbaŋŋ lɛ, mibɔɔ mɔdɛŋ mikaiɔ wiemɔi ni yɔɔ Abɛi 19:11 lɛ. Jɛmɛ kɛɔ akɛ: ‘Gbɔmɔ ni yoɔ nii asɛɛ lɛ, emli fuuu mra.’ Misusuɔ nibii ni mɛi lɛ etsɔmɔ mli lɛ ahe, ni no hãa mimusuŋ tsɔɔ mi yɛ amɛhe. Agbɛnɛ hu, jeee mɔ fɛɛ mɔ ni yɔɔ nakai akutso lɛ mli lɛ ni sumɔɔɔ anɔkwale lɛ. Wɔyɛ mɛi yɛ jɛmɛ ni yɔɔ wiemɔ lɛ he miishɛɛ ni kɛ́ efee lɛ wɔyaa amɛŋɔɔ.”

Wɔbaanyɛ wɔbi wɔhe akɛ, ‘Eji jeee Yehowa Odasefonyo ji mi kulɛ, kɛ́ aaba abashiɛ ahã mi lɛ, te mafee minii mahã tɛŋŋ?’ Akɛ nɔkwɛmɔnɔ lɛ, ani wɔbaabo sane lɛ toi yɛ Odasefoi lɛ ahe saji ni bɛ mli ni akɛɛ wɔ lɛ fɛɛ sɛɛ? Ekolɛ wɔ hu wɔboŋ toi, ni ehe baahia ni amɛmusuŋ atsɔ amɛ yɛ wɔhe. Yesu kɛɛ wɔ akɛ wɔkɛ mɛi aye tamɔ bɔ ni wɔbaasumɔ ni akɛ wɔ aye lɛ. Kɛ́ wɔhã wiemɔi nɛɛ hi wɔjwɛŋmɔ mli lɛ, no baaye abua wɔ ni wɔmusuŋ atsɔ wɔ yɛ mɛi ahe, kɛ́ nakai feemɔ wa po.​—Mat. 7:12.

KASEMƆ PAULO MUSUŊTSƆLƐ LƐ

Bɔfo Paulo musuŋ tsɔ lɛ yɛ mɛi ni te shi amɛwo lɛ gidigidi lɛ po ahe. Mɛni hewɔ? Ejaakɛ ekai bɔ ni lɛ hu efee enii ehã tsutsu ko lɛ. Ewie akɛ: “Tsutsu lɛ miji mɔ ko ni wieɔ wiemɔi fɔji kɛ yiwalɔ kɛ mɔ ni ebuuu nɔ ko moŋ. Shi ana mi mɔbɔ ejaakɛ lé ni mileee kɛ hemɔkɛyeli ni mibɛ hewɔ mifee nakai.” (1 Tim. 1:13) Paulo le akɛ Yehowa kɛ Yesu ejie mɔbɔnalɛ kpele kpo amɛtsɔɔ lɛ. Eeenyɛ efee akɛ, enu nɔ hewɔ ni mɛi lɛ te shi amɛwo lɛ lɛ shishi, ejaakɛ lɛ hu efee nɔ ko ni tamɔ nakai pɛŋ.

Mɛi ni Paulo shiɛ ehã lɛ ateŋ mɛi komɛi yɛ ni no mli lɛ, amale tsɔɔmɔi ehe shi waa yɛ amɛtsui mli. Te enɛ hã Paulo nu he ehã tɛŋŋ? Bɔfoi 17:16 lɛ kɛɔ akɛ, be ni Paulo yɔɔ Atene lɛ, “emumɔ mli wo la yɛ emli be ni ena akɛ amagai eyi maŋ lɛ mli obɔ lɛ.” Shi Paulo tsɔ nɔ ni hã emli wo la lɛ  nɔŋŋ nɔ eshiɛ etsɔɔ Atenebii lɛ. (Bɔf. 17:22, 23) Paulo tsɔ gbɛi srɔtoi anɔ eshiɛ ehã mɛi srɔtoi. Mɛni hewɔ? Ewie akɛ: “Koni matsɔ gbɛ fɛɛ gbɛ ni baahi nɔ mahere mɛi komɛi ayiwala.”​—1 Kor. 9:20-23.

Kɛ́ wɔ hu wɔkɛ mɛi ni amale tsɔɔmɔi ehe shi yɛ amɛtsui mli loo mɛi ni nifeemɔi gbohii eka amɛhe lɛ kpe yɛ shiɛmɔ nɔ lɛ, wɔbaanyɛ wɔkase Paulo. Wɔbaanyɛ wɔtsɔ amɛtsɔɔmɔi lɛ loo amɛnifeemɔi lɛ nɔŋŋ anɔ wɔshiɛ “nɔ ko kpakpa he sane kpakpa” lɛ wɔtsɔɔ amɛ. (Yes. 52:7) Nyɛmi yoo ko ni atsɛɔ lɛ Dorothy lɛ wie akɛ: “Yɛ wɔshikpɔŋkuku lɛ mli lɛ, ahã mɛi pii ená susumɔ lɛ akɛ Nyɔŋmɔ yitsoŋ wa ni akɔɔɔ eblɛ nɔ loo. Kɛ́ mikɛ mɛi ni hiɛ susumɔ nɛɛ eko kpe lɛ, mijieɔ amɛyi akɛ amɛheɔ amɛyeɔ waa akɛ Nyɔŋmɔ yɛ. No sɛɛ lɛ, migbalaa amɛjwɛŋmɔ kɛyaa nɔ ni Biblia lɛ wieɔ yɛ Yehowa sui ni tsɔɔ akɛ esumɔɔ wɔ lɛ, kɛ agbɛnɛ hu, nibii ni ewo shi akɛ ebaafee wɔsɛɛ lɛ he lɛ anɔ.”

“YAA NƆ OKƐ EKPAKPA AYE EFƆŊ NƆ KUNIM”

Be ni wɔbɛŋkɛɔ jeŋ fɔŋ nɛɛ naagbee lɛ, wɔle akɛ mɛi asubaŋ baafite kwraa fe bɔ ni wɔnaa lɛ bianɛ lɛ po. Biblia lɛ kɛɛ ‘amɛbaawo wu yɛ efɔŋ mli.’ (2 Tim. 3:1, 13) Shi esaaa akɛ wɔhãa mɛi lɛ asubaŋ lɛ fiteɔ wɔmiishɛɛ loo ehãa wɔshashaoɔ shi akɛ wɔbaajie musuŋtsɔlɛ kpo wɔtsɔɔ amɛ. Yehowa baanyɛ awaje wɔ ni wɔya nɔ wɔkɛ “ekpakpa aye efɔŋ nɔ kunim.” (Rom. 12:21) Nyɛmi yoo gbɛgbalɔ ko ni atsɛɔ lɛ Jessica lɛ wie akɛ: “Bei pii lɛ, mikɛ mɛi ni wóɔ amɛhe nɔ ni amɛbuuu wɔ loo sane ni wɔshiɛɔ lɛ kpeɔ. Bei komɛi lɛ, enɛ woɔ mimli la. Kɛ́ mikɛ mɔ ko bɔi wiemɔ lɛ, misɔleɔ yɛ miyitsoŋ koni Yehowa aye abua mi ni mana mɔ lɛ tamɔ bɔ ni enaa lɛ lɛ. Enɛ hãa mijieɔ mijwɛŋmɔ yɛ bɔ ni mɔ lɛ he woɔ mimli la lɛ nɔ, ni yɛ no najiaŋ lɛ, mikwɛɔ bɔ ni mafee maye mabua lɛ.”

Wɔyaa nɔ wɔtaoɔ mɛi fɛɛ ni yɔɔ anɔkwale lɛ ni baanyɛ ahã amɛná naanɔ wala lɛ he tsui kpakpa lɛ

Kɛ́ wɔnijiaŋ ejeee wui lɛ, mɛi komɛi baabo sane lɛ toi kɛ̃

Esa akɛ wɔbɔ mɔdɛŋ wɔwo wɔnyɛmimɛi lɛ hewalɛ kɛ́ wɔkɛ amɛ tee shiɛmɔ. Jessica wie akɛ: “Kɛ́ akɛ wɔteŋ mɔ ko yeee jogbaŋŋ yɛ shiɛmɔ nitsumɔ lɛ nɔ lɛ, mibɔɔ mɔdɛŋ akɛ majie mijwɛŋmɔ kɛje nɔ ni ba lɛ nɔ. Yɛ no najiaŋ lɛ, miwieɔ nibii ni baatswa wɔ ama shi, tamɔ yibii kpakpai ni wɔshiɛmɔ nitsumɔ lɛ woɔ kɛ́ mɛi komɛi booo wɔ toi po lɛ ahe.”

Yehowa le naagbai ni wɔkɛkpeɔ yɛ shiɛmɔ nitsumɔ lɛ mli lɛ jogbaŋŋ. No hewɔ lɛ, emii shɛɔ ehe waa kɛ́ ena akɛ wɔmiikase lɛ ni wɔmiijie mɔbɔnalɛ kpo wɔmiitsɔɔ mɛi. (Luka 6:36) Wɔle akɛ, Yehowa musuŋ etsɔŋ lɛ yɛ jeŋ fɔŋ nɛɛ he kɛyaŋ naanɔ. Enɛ hewɔ lɛ, wɔyɛ nɔmimaa akɛ, yɛ lɛ diɛŋtsɛ ebe ni sa mli lɛ, ekɛ jeŋ fɔŋ nɛɛ baaba naagbee. Shi kɛyashi nakai be lɛ baashɛ lɛ, esa akɛ wɔhe afee oya kɛtsu shiɛmɔ nitsumɔ lɛ. (2 Tim. 4:2) No hewɔ lɛ, nyɛhãa wɔshiɛa kɛ ekãa ni wɔmusuŋ atsɔ wɔ yɛ “gbɔmɛi srɔtoi fɛɛ” ahe.