Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ (NIKASEMƆ NƆ̃) JANUARY 2017

Nyɛtua Sɔ̃i Nyɛwoa Gbɔmɛi Anɔkwafoi Adɛŋ

Nyɛtua Sɔ̃i Nyɛwoa Gbɔmɛi Anɔkwafoi Adɛŋ

“Nibii ni onu yɛ minaa . . . lɛ, nomɛi nɔŋŋ otu owo gbɔmɛi anɔkwafoi adɛŋ, koni no ahã amɛ hu amɛfee mɛi ni sa jogbaŋŋ akɛ amɛtsɔɔ mɛi krokomɛi anii.”2 TIM. 2:2.

LALAI: 123, 53

1, 2. Mɛɛ jwɛŋmɔ mɛi babaoo hiɛ yɛ nitsumɔ he?

MƐI pii susuɔ akɛ, nitsumɔ ni mɔ ko tsuɔ lɛ ni tsɔɔ kɛji abaabu lɛ loo abuŋ lɛ. Yɛ hei komɛi lɛ, kɛ́ mɔ ko miitao ele bo lɛ, saji ni ebiɔ bo klɛŋklɛŋ lɛ ateŋ ekome ji, “Mɛɛ nitsumɔ otsuɔ?”

2 Yɛ Biblia lɛ mli lɛ, bei komɛi kɛ́ atsɛ aŋkroaŋkroi komɛi agbɛ́i lɛ, atsɔɔ nitsumɔ ni amɛtsuɔ. Akɛ nɔkwɛmɔnɔ lɛ, atsɛ Mateo akɛ toohelɔ, atsɛ Simon akɛ kooloo hewolo kpoolɔ, ni atsɛ Luka hu akɛ helatsalɔ. (Mat. 10:3; Bɔf. 10:6; Kol. 4:14) Bei komɛi hu lɛ, Biblia lɛ tsĩɔ nitsumɔi ni mɛi komɛi tsuɔ yɛ Yehowa gbɛjianɔtoo lɛ mli lɛ tã. Akɛ nɔkwɛmɔnɔ lɛ, ehãa wɔleɔ akɛ David sɔmɔ akɛ maŋtsɛ, Elia sɔmɔ akɛ gbalɔ, ni Paulo sɔmɔ akɛ bɔfo. Hii nɛɛ ahiɛ sɔ nitsumɔ ni Nyɔŋmɔ kɛwo amɛdɛŋ lɛ, ni esa akɛ wɔ hu wɔhiɛ asɔ nitsumɔ fɛɛ nitsumɔ ni akɛbaawo wɔdɛŋ yɛ asafo lɛ mli.

3. Mɛni hewɔ esa akɛ nyɛmimɛi ni edara yɛ afii amli lɛ atsɔse nyɛmimɛi ni baa lɛ? (Kwɛmɔ mfoniri ni yɔɔ nikasemɔ lɛ shishijee lɛ.)

3 Wɔteŋ mɛi pii nyaa nitsumɔ ni wɔtsuɔ yɛ Yehowa asafo lɛ mli lɛ he waa, ni wɔná kulɛ wɔbaatsu kɛya naanɔ. Shi dɔlɛ sane ji akɛ, be ni wɔgbɔlɔɔ lɛ, wɔnyɛɛɛ wɔtsu nibii ahe nii tamɔ  tsutsu lɛ dɔŋŋ. No hewɔ lɛ, ehe bahiaa ni mɛi krokomɛi atsu nitsumɔi ni wɔtsuɔ lɛ. (Jaj. 1:4) Susumɔ tsakemɔ ko ni yaa nɔ yɛ Yehowa webii lɛ ateŋ yɛ wɔbei nɛɛ amli lɛ he okwɛ. Bɔ ni shiɛmɔ nitsumɔ lɛ shwereɔ hewɔ lɛ, ehe ebahia ni asafo lɛ kɛ ilɛtrɔniki tsɔji ni eba nɔ ehee lɛ atsu nii koni wɔnyɛ wɔshiɛ sane kpakpa lɛ wɔhã mɛi srɔtoi fɛɛ. Shi bei komɛi lɛ, wɔnyɛmimɛi ni edara yɛ afii amli lɛ nyɛɛɛ amɛkɛ dɛŋdadei nɛɛ atsu nii jogbaŋŋ. (Luka 5:39) Kɛfata he lɛ, mɛi ni edara yɛ afii amli lɛ bɛ hewalɛ tamɔ oblahii kɛ oblayei. (Abɛi 20:29) No hewɔ lɛ, esa akɛ amɛjɛ suɔmɔ mli amɛtsɔse nyɛmimɛi ni baa lɛ koni anyɛ atu sɔ̃i awo amɛdɛŋ.Kanemɔ Lala 71:18.

4. Mɛni hewɔ ewa kɛhã mɛi komɛi akɛ amɛbaahã mɛi krokomɛi atsu nitsumɔi ni amɛtsuɔ lɛ? (Kwɛmɔ akrabatsa ni yitso ji, “ Nɔ Hewɔ Ni Mɛi Komɛi Etuuu Sɔ̃i Amɛwooo Mɛi Krokomɛi Adɛŋ.”)

4 Bei pii lɛ, nyɛmimɛi ni nyiɛɔ hiɛ lɛ náaa lɛ mlɛo akɛ amɛbaahã nyɛmimɛi ni baa lɛ atsu nitsumɔi ni amɛtsuɔ lɛ. Amɛteŋ mɛi komɛi sumɔɔ nitsumɔ ni amɛtsuɔ lɛ aahu akɛ, amɛsumɔɔɔ ni amɛkpaa tsumɔ. Mɛi komɛi hu susuɔ akɛ, kɛ́ amɛkɛ nitsumɔi lɛ wo mɛi ni baa lɛ adɛŋ lɛ, amɛtsuŋ lɛ jogbaŋŋ. Yɛ mɛi krokomɛi agbɛfaŋ lɛ, amɛnuɔ he akɛ amɛbɛ dekã ni amɛkɛbaatsɔse mɛi krokomɛi. Fɛɛ mli lɛ, kɛ́ atuuu sɔ̃i awooo nyɛmimɛi ni baa lɛ adɛŋ yɛ be ni amɛkpaa gbɛ lɛ mli lɛ, esa akɛ amɛto amɛtsui shi.

5. Mɛɛ sanebimɔi wɔbaahã hetoo yɛ nikasemɔ nɛɛ mli?

5 Mɛɛ gbɛ nɔ nyɛmimɛi ni edara yɛ afii amli lɛ baanyɛ aye abua nyɛmimɛi ni baa lɛ koni anyɛ atu sɔ̃i pii awo amɛdɛŋ, ni mɛni hewɔ enɛ he hiaa? (2 Tim. 2:2) Agbɛnɛ hu, mɛɛ sui baaye abua nyɛmimɛi ni baa lɛ koni amɛkase nii kɛjɛ nyɛmimɛi ni edara ni yɔɔ niiashikpamɔ babaoo lɛ adɛŋ? Wɔbaahã sanebimɔi nɛɛ ahetoo yɛ nikasemɔ nɛɛ mli. Shi klɛŋklɛŋ lɛ, hã wɔsusu bɔ ni Maŋtsɛ David fee etsɔse ebi Solomon koni enyɛ etsu nitsumɔ ko ni he hiaa lɛ he wɔkwɛ.

 DAVID TSƆSE SOLOMON NI EYE EBUA LƐ

6. Mɛni kulɛ Maŋtsɛ David taoɔ efee? Shi mɛni Yehowa kɛɛ lɛ?

6 David kɛ afii babaoo hi shi akɛ kobɔfo yɛ hei srɔtoisrɔtoi, kɛyashi awo lɛ maŋtsɛ ni ená lɛ diɛŋtsɛ eshĩa kpakpa ko mli ehi. No beiaŋ lɛ, tsũ ko loo sɔlemɔwe ko bɛ kɛhã Yehowa jamɔ. Enɛ gba David naa waa. Ekɛɛ gbalɔ Natan akɛ: “Naa, mi lɛ tseneduru tsũ mli miyɔɔ nɛɛ, shi Yehowa kpaŋmɔ adeka lɛ moŋ yɛ buu shishi!” Natan kɛɛ lɛ akɛ: “Nɔ fɛɛ nɔ ní yɔɔ otsui mli lɛ, feemɔ; ejaakɛ Nyɔŋmɔ fi osɛɛ.” Shi Yehowa kɛ nɔ ni Natan wie lɛ kpãaa gbee, no hewɔ lɛ etsu Natan ni eyakɛɛ David akɛ: “Jeee bo obaama tsũ ohã mi ní mahi mli.” Yehowa wo David shi akɛ ebaaya nɔ ejɔɔ lɛ, shi ehã ele akɛ ebi Solomon ji mɔ ni baama sɔlemɔwe lɛ. Te David fee enii ehã tɛŋŋ?1 Kron. 17:1-4, 8, 11, 12; 29:1.

7. Te David fee enii ehã tɛŋŋ yɛ Yehowa gbɛtsɔɔmɔ lɛ he?

7 Sɔlemɔwe lɛ maa kã David tsui nɔ waa, no hewɔ lɛ eeenyɛ efee akɛ, edɔ lɛ waa akɛ enáaa hegbɛ ema. Shi ani enɛ gba David naa aahu akɛ, ekpoo sɔlemɔwe lɛ he nitsumɔ lɛ fɛɛ ewo Solomon? Dabi. Eyɛ mli akɛ sɛɛ mli lɛ, abale sɔlemɔwe nɛɛ akɛ Solomon sɔlemɔwe lɛ moŋ, shi David jɛ etsuiŋ fɛɛ eye ebua kɛ emaa. Eto nitsulɔi ahe gbɛjianɔ, ni ehã dade, akɔɔble, jwiɛtɛi, shika, kɛ tseneduru tsei kɛhã ehe nitsumɔ. Kɛfata he lɛ, ewo Solomon hewalɛ ni ekɛɛ lɛ akɛ: “Agbɛnɛ, mibi, Yehowa kɛ bo ahi shi, ní oshwere, ní oma Yehowa, o-Nyɔŋmɔ lɛ, shĩa lɛ, taakɛ bɔ ni ewie yɛ ohewɔ lɛ.”1 Kron. 22:11, 14-16.

8. Mɛni hewɔ eeenyɛ efee akɛ David nu he akɛ Solomon shɛko mɔ ni maa sɔlemɔwe lɛ? Shi mɛni efee?

8 Kanemɔ 1 Kronika 22:5. Eeenyɛ efee akɛ, David nu he akɛ Solomon shɛko mɔ ni atuɔ nitsumɔ wulu tamɔ nɛkɛ awoɔ edɛŋ, ejaakɛ “gbekɛ ji lɛ ni ehiɛ esako,” shi shĩa lɛ ni abaama lɛ ‘da kpeteŋkpele diɛŋtsɛ.’ Kɛ̃lɛ, David yɔse akɛ, Yehowa baawaje Solomon koni enyɛ etsu nɔ ni atu awo edɛŋ lɛ. Enɛ hewɔ lɛ, efee bɔ fɛɛ bɔ ni ebaanyɛ kɛye ebua Solomon.

KƐ́ OTSƆSE MƐI KROKOMƐI LƐ, OBAANÁ MIISHƐƐ

Wɔnáa miishɛɛ waa kɛ́ ahã nyɛmimɛi hii ni baa lɛ sɔɔmɔ hegbɛi (Kwɛmɔ kuku 9)

9. Mɛni baahã nyɛmimɛi ni edara lɛ aná he miishɛɛ akɛ amɛbaatu sɔ̃i amɛwo mɛi krokomɛi adɛŋ? Okɛ enɛ he nɔkwɛmɔnɔ ahã.

9 Kɛ́ ehe bahia ni nyɛmimɛi ni edara yɛ afii amli lɛ atu sɔ̃i ni amɛtsuɔ he nii lɛ amɛwo nyɛmimɛi ni baa lɛ adɛŋ lɛ, esaaa akɛ egbaa amɛnaa. Kɛ́ nyɛmimɛi ni edara lɛ tsɔse nyɛmimɛi ni baa lɛ jogbaŋŋ ni amɛhe basa bɔ ni abaanyɛ atu sɔ̃i awo amɛdɛŋ lɛ, ehãa Yehowa nitsumɔ lɛ shwereɔ. Ani jeee no ji nɔ ni he hiaa? Susumɔ nɔkwɛmɔnɔ nɛɛ he okwɛ: Be ni oji gbekɛ fioo lɛ, ekolɛ okwɛɔ opapa be ni ekudɔɔ etsɔne lɛ. Sɛɛ mli be ni ohiɛ fã fioo lɛ, eeenyɛ efee akɛ etsɔɔ bo bɔ ni ahiɛɔ tsɔne ahãa. Ŋwanejee ko bɛ he akɛ, be ni onine shɛ olaisɛns lɛ nɔ lɛ, ehã bo hegbɛ ni obɔi tsɔne lɛ kudɔmɔ. Ekolɛ ehãa ohiɛɔ fioo, kɛkɛ lɛ, lɛ hu ehiɛ fioo. Be ni opapa gbɔɔ  lɛ, eeenyɛ efee akɛ bo kwraa ohiɛɔ tsɔne lɛ agbɛnɛ. Ani opapa mli fu akɛ amrɔ nɛɛ, bo ohiɛɔ tsɔne lɛ? Dabi. Ekã shi faŋŋ akɛ, emii shɛ ehe moŋ. Nakai nɔŋŋ nyɛmimɛi ni edara lɛ hu baanu he amɛhã kɛji amɛtsɔse nyɛmimɛi ni baa lɛ jogbaŋŋ bɔ ni abaanyɛ atu sɔ̃i awo amɛdɛŋ.

10. Te Mose fee enii ehã tɛŋŋ be ni efee tamɔ nɔ ni aaŋɔ ehegbɛ kɛ enunyam lɛ eko aahã mɛi krokomɛi lɛ?

10 Esa akɛ nyɛmimɛi ni edara lɛ akwɛ jogbaŋŋ ni amɛkaye nyɛmimɛi ni baa lɛ ahe awuŋa yɛ sɔɔmɔ hegbɛi ni atuɔ awoɔ amɛdɛŋ lɛ ahewɔ. Kadimɔ bɔ ni Mose fee enii ehã be ni Israelbii lɛ ateŋ mɛi komɛi bɔi gbaa yɛ nsara lɛŋ lɛ. (Kanemɔ 4 Mose 11:24-29.) Yoshua ka akɛ ebaatsĩ amɛnaa. Shi Mose kɛɛ lɛ akɛ: “Mi oyeɔ awuŋa ohãa nɛɛ? Miná ni kulɛ Yehowa maŋ muu lɛ fɛɛ tsɔmɔ gbalɔi, ni Yehowa afɔse emumɔ lɛ ashwie amɛnɔ!” Mose na akɛ, Yehowa ji mɔ ni kɛ hegbɛ nɛɛ ehã mɛi lɛ. No hewɔ lɛ, yɛ nɔ najiaŋ ni ebaaye amɛhe awuŋa lɛ, eshwe moŋ akɛ Yehowa atu sɔɔmɔ hegbɛi ewo etsuji fɛɛ adɛŋ. Ni wɔ hu? Kɛji atu sɔɔmɔ hegbɛi ni ekolɛ wɔmiishwe ni wɔná lɛ awo mɛi krokomɛi adɛŋ lɛ, te wɔfeɔ wɔnii wɔhãa tɛŋŋ?

11. Mɛni nyɛmi nuu ko wie be ni akɛ sɔɔmɔ hegbɛ ni eyɔɔ lɛ hã nyɛmi nuu kroko lɛ?

11 Ŋmɛnɛ lɛ, nyɛmimɛi babaoo yɛ ni kɛ afii pii etsu nii dɛŋdɛŋ yɛ Yehowa sɔɔmɔ lɛ mli. Nyɛmimɛi nɛɛ etsɔse nyɛmimɛi krokomɛi koni anyɛ atu sɔ̃i awo amɛdɛŋ. Susumɔ nyɛmi nuu ko ni atsɛɔ lɛ Peter ni kɛ nɔ ni fe afii 74 esɔmɔ akɛ be fɛɛ sɔɔlɔ lɛ he okwɛ. Ekɛ afii nɛɛ ateŋ 35 sɔmɔ yɛ nitsumɔhe nine ko ni yɔɔ Yuropa maji lɛ eko nɔ lɛ mli. Peter kɛ afii pii sɔmɔ akɛ mɔ ni kwɛɔ Service Department lɛ nɔ. Shi nyɛsɛɛ nɛɛ lɛ, akɛ nitsumɔ nɛɛ ewo nyɛmi nuu ko ni atsɛɔ lɛ Paul lɛ dɛŋ. Peter ye Paul onukpa, ni ekɛ lɛ etsu nii afii abɔ. Be ni abi Peter bɔ ni enuɔ he ehãa yɛ tsakemɔ nɛɛ he lɛ, ewie akɛ: “Eŋɔɔ minaa waa akɛ, atsɔse nyɛmimɛi krokomɛi ni amɛmiitsu sɔ̃i ni tsitsii ni atu awo amɛdɛŋ lɛ ahe nii jogbaŋŋ.”

OHIƐ ASƆ MƐI NI EDARA LƐ

12. Mɛni wɔkaseɔ yɛ Rehoboam sane lɛ mli?

12 Be ni Solomon gbo lɛ, ebinuu Rehoboam baye esɛɛ. Be ko lɛ, Rehoboam bi hii onukpai komɛi ŋaawoo yɛ bɔ ni esa akɛ etsu esɔ̃i lɛ ahe nii ehã lɛ he. Shi ekɛ ŋaa ni amɛwo lɛ lɛ tsuuu nii! Moŋ lɛ, eyanyiɛ oblahii ní ji etipɛŋfoi lɛ asɛɛ. Nɔ ni jɛ mli kɛba lɛ yɛ mɔbɔ pam! (2 Kron. 10:6-11, 19) Mɛni wɔkaseɔ yɛ sane nɛɛ mli? Nilee yɛ mli akɛ nyɛmimɛi hii ni baa lɛ baabi ŋaawoo yɛ nyɛmimɛi ni edara lɛ adɛŋ, ni amɛsusu ŋaa ni amɛbaawo amɛ lɛ he jogbaŋŋ, ejaakɛ amɛyɛ niiashikpamɔ fe amɛ. Ejeee doo akɛ nyɛmimɛi ni baa lɛ anyiɛ nɔ ni mɛi ni tsɔ amɛhiɛ lɛ fee lɛ sɛɛ. Kɛ̃lɛ, esaaa akɛ amɛyeɔ amɛhe oyai amɛtswaa mɛi ni edara lɛ aŋaawoo amɛfɔ̃ɔ.

13. Mɛɛ gbɛ nɔ nyɛmimɛi ni baa lɛ baanyɛ amɛkɛ nyɛmimɛi ni edara lɛ afee ekome kɛtsu nii?

13 Bei komɛi lɛ, ahãa nyɛmimɛi ni baa lɛ kwɛɔ nitsumɔi komɛi ni nyɛmimɛi ni edara lɛ tsuɔ lɛ anɔ. Eyɛ mli akɛ amɛbatsɔmɔ nɔkwɛlɔi moŋ, shi nilee yɛ mli akɛ amɛbaabi mɛi ni edara ni yɔɔ niiashikpamɔ fe amɛ lɛ ŋaawoo dani amɛkpɛ amɛyiŋ yɛ saji ahe. Paul, ni ji mɔ ni wɔwie akɛ ebatsake Peter akɛ nɔkwɛlɔ yɛ Betel lɛ wie akɛ: “Mibi Peter ŋaawoo, ni miwo mɛi krokomɛi ni mikɛtsuɔ nii lɛ hewalɛ ni amɛ hu amɛfee nakai.”

14. Mɛni wɔkaseɔ yɛ bɔ ni Paulo kɛ Timoteo fee ekome kɛtsu nii lɛ mli?

14 Be ni Timoteo ji oblanyo lɛ, Paulo kɛ lɛ fee ekome kɛtsu nii afii babaoo. (Kanemɔ Filipibii 2:20-22.) Dani Paulo baatsu Timoteo nyɛmimɛi ni yɔɔ Korinto lɛ aŋɔɔ lɛ, eŋma amɛ wolo ni ewie yɛ ehe akɛ: “Eji mibi ni misumɔɔ kɛ anɔkwafo yɛ  Nuŋtsɔ lɛ mli. Ebaakai nyɛ gbɛi ni mitsɔɔ nɔ mifeɔ nii yɛ Kristo Yesu mli lɛ, tamɔ bɔ ni miyaa nɔ mitsɔɔ yɛ asafo fɛɛ asafo mli yɛ he fɛɛ he lɛ.” (1 Kor. 4:17) Nɔ ni Paulo wie nɛɛ hãa wɔnaa akɛ, Paulo kɛ Timoteo tsu nii kɛ miishɛɛ ni amɛye amɛbua amɛhe. Paulo he be etsɔɔ Timoteo ‘gbɛi ni etsɔɔ nɔ efeɔ nii yɛ Kristo Yesu mli’ lɛ, ni Timoteo hu tse ehe ekase lɛ jogbaŋŋ. Enɛ hewɔ lɛ, Paulo basumɔ esane waa. Ená nɔmimaa akɛ, Timoteo baatsu nyɛmimɛi ni yɔɔ Korinto lɛ ahiamɔ nii ahe nii jogbaŋŋ ehã amɛ. Asafoŋ onukpai ni yɔɔ ŋmɛnɛ lɛ baanyɛ akase Paulo nɔkwɛmɔnɔ kpakpa lɛ be ni amɛtsɔseɔ nyɛmimɛi hii ni baa lɛ koni amɛnyɛ amɛnyiɛ hiɛ yɛ asafo lɛ mli.

WƆ FƐƐ WƆYƐ GBƐFAŊNƆ NI ESA AKƐ WƆTSU

15. Mɛɛ gbɛ nɔ Romabii 12:3-5 lɛ baanyɛ aye abua wɔ kɛji tsakemɔ ko ni afee yɛ asafo lɛ mli lɛ sa wɔhe?

15 Be ni wɔyɔɔ mli nɛɛ sa kadimɔ waa. Yehowa gbɛjianɔtoo lɛ fã ni yɔɔ shikpɔŋ lɛ nɔ lɛ miiya ehiɛ oyayaayai. Hiɛyaa nɛɛ hewɔ lɛ, ehe ebahia ni afee tsakemɔi srɔtoi. Kɛ́ tsakemɔi nɛɛ eko sa wɔhe lɛ, nyɛhãa wɔbaa wɔhe shi ni wɔkpɛlɛa nɔ, ni wɔhã ehi wɔjwɛŋmɔ mli akɛ, nɔ ni he hiaa ji ni Yehowa nitsumɔ lɛ baashwere, jeee ni abaafee nɔ ni wɔ wɔsumɔɔ ahã wɔ. Kɛ́ wɔfee nakai lɛ, ekomefeemɔ baahi asafo lɛ mli. Paulo kɛɛ Kristofoi ni yɔɔ Roma lɛ akɛ: “Miikɛɛ nyɛteŋ mɔ fɛɛ mɔ akɛ ekabu ehe tuutu fe bɔ ni sa akɛ ebuɔ ehe, shi moŋ esusu nii ahe bɔ ni baahã ená jwɛŋmɔ ni sa, tamɔ bɔ ni Nyɔŋmɔ eŋɔ hemɔkɛyeli ehã mɔ fɛɛ mɔ lɛ. Ejaakɛ tamɔ bɔ ni gbɔmɔtso kome yɔɔ henii pii, shi henii lɛ fɛɛ tsuuu nitsumɔ kome lɛ, nakai nɔŋŋ wɔ hu, eyɛ mli akɛ wɔyi fa moŋ, shi wɔji gbɔmɔtso kome ni kɛ Kristo efee ekome.”Rom. 12:3-5.

16. Mɛni nyɛmimɛi ni edara, nyɛmimɛi ni baa, kɛ Kristofoi ŋamɛi baanyɛ afee koni toiŋjɔlɛ kɛ ekomefeemɔ aya nɔ ahi asafo lɛ mli?

16 Ekɔɔɔ he eko tsakemɔi ni baaba lɛ, nyɛhãa wɔ fɛɛ wɔfia Yehowa Maŋtsɛyeli lɛ sɛɛ. Nyɛmimɛi ni edara, nyɛbɔa mɔdɛŋ nyɛtsɔsea mɛi ni baa lɛ koni amɛnyɛ amɛtsu nitsumɔi ni nyɛtsuɔ lɛ. Nyɛmimɛi hii ni baa, nyɛ hu nyɛfea nibii ni baahã anyɛ atu sɔ̃i krokomɛi awo nyɛdɛŋ. Nyɛbaa nyɛhe shi ni nyɛyaa nɔ nyɛbua nyɛmimɛi ni edara lɛ. Kristofoi ŋamɛi, kɛ́ tsakemɔi lɛ eko sa nyɛwumɛi ahe lɛ, nyɛfia amɛsɛɛ, tamɔ bɔ ni Akwila ŋa Priskila fee lɛ.Bɔf. 18:2.

17. Mɛni Yesu wie yɛ ekaselɔi lɛ ahe? Ni mɛɛ nitsumɔ etsɔse amɛ koni amɛnyɛ amɛtsu?

17 Yesu tsɔse mɛi krokomɛi, ni nɔkwɛmɔnɔ ni efee yɛ enɛ gbɛfaŋ lɛ nɔ bɛ. Yesu le faŋŋ akɛ, be baashɛ ni ebaashi shikpɔŋ lɛ nɔ, ni ekaselɔi lɛ ji mɛi ni baatsa shiɛmɔ nitsumɔ lɛ nɔ. Kaselɔi lɛ yeee emuu, kɛ̃lɛ, ewie kɛ nɔmimaa akɛ, amɛbaatsu nitsumɔi ni fe enɔ lɛ. (Yoh. 14:12) Etse ehe etsɔse amɛ jogbaŋŋ, ni enɛ hewɔ lɛ, amɛnyɛ amɛshiɛ sane kpakpa lɛ yɛ “bɔɔ nii ní yɔɔ ŋwɛi shishi lɛ fɛɛ ateŋ.”Kol. 1:23.

18. Mɛni gbɛ wɔkwɛɔ wɔsɛɛ? Mɛni esa akɛ wɔfee bianɛ?

18 Yesu gbele lɛ sɛɛ lɛ, Yehowa tee lɛ shi kɛtee ŋwɛi ni ehã lɛ nitsumɔi pii ni etsu. Ehã lɛ hegbɛ ko ni nɔ kwɔ fe “nɔyeli fɛɛ nɔyeli, kɛ hegbɛ fɛɛ hegbɛ, kɛ hewalɛ fɛɛ hewalɛ, kɛ onukpayeli fɛɛ onukpayeli.” (Efe. 1:19-21) Kɛ́ wɔgboi akɛ anɔkwafoi dani Harmagedon ta lɛ, Yehowa baatee wɔ shi kɛba jeŋ hee lɛ mli, ni ebaahã wɔ nitsumɔi kpakpai pii wɔtsu. Shi kɛyashi nakai be lɛ baashɛ lɛ, wɔyɛ nitsumɔ ko ni he hiaa waa ni esa akɛ wɔtsu, ni no ji sane kpakpa shiɛmɔ kɛ kaselɔfeemɔ nitsumɔ lɛ. No hewɔ lɛ, kɛ́ oblahii kɛ oblayei ji wɔ jio, hiimeji kɛ yeimeji ji wɔ jio lɛ, nyɛhãa wɔ fɛɛ wɔyaa nɔ wɔtsua babaoo yɛ “Nuŋtsɔ lɛ nitsumɔ lɛ” mli.1 Kor. 15:58.