Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 LALA 66

Jajemɔ Sane Kpakpa Lɛ

Halamɔ Nibii Ni Atswaa Aboɔ Toi Lɛ Eko
Jajemɔ Sane Kpakpa Lɛ
EPUEMƆ

(Kpojiemɔ 14:6, 7)

  1. 1. Yehowa ehã wɔle teemɔŋ saji pii.

    Amrɔ nɛɛ, ehã wɔna mɔ ni ji Maŋtsɛ.

    Nyɔŋmɔ mɔbɔnalɛ kɛ ejalɛ hewɔ,

    Ekpɛ mli akɛ ebaakpɔ̃ eshafeelɔi.

    Eto eyiŋ ni Kristo aye shikpɔŋ nɔ;

    Yehowa be ni sa mli,

    afɔ Nɔyeli nɛɛ.

    Nyɔŋmɔ kɛ ayemfro fɛfɛo baahã Kristo,

    Mɛnɛɛmɛi ji tooku bibioo ni baaya ŋwɛi.

  2. 2. Yehowa to akɛ ashiɛ yɛ je lɛŋ fɛɛ.

    Amrɔ nɛɛ, be eshɛ kɛhã nitsumɔ nɛɛ.

    Ŋwɛibɔfoi kɛ wɔ tsuɔ enɛ kɛ miishɛɛ daa,

    Amɛyeɔ buaa wɔ kɛshiɛɔ Maŋtsɛyeli nɛɛ.

    Eji wɔsɔ̃ akɛ wɔtse Nyɔŋmɔ gbɛ́i he;

    Wɔ fɛɛ wɔná hegbɛ

    akɛ wɔbaajie eyi.

    Ewo wɔhiɛ nyam; etsɛ wɔ e-Dasefoi

    Koni wɔjaje naanɔ sane kpakpa nɛɛ.