1. Yehowa, wɔ-Tsɛ ni yɔɔ ŋwɛi shɔŋŋ,

Gbi jrɔ nɛɛ yɛ krɔŋkrɔŋ hã wɔ!

Ana ohewalɛ, osuɔmɔ, kɛ nilee

Be ni ohere owebii.

Amɛgbe Hehoo gwantɛŋbi lɛ,

Elá hewɔ okpɔ̃ amɛ.

Yɛ afii pii asɛɛ okɛ Kristo hã wɔ

Koni okɛ elá akpɔ̃ wɔ.

2. Blodo nɛɛ kɛ wain ji okadii​—

Kristo gbɔmɔtso kɛ elá.

Eye owiemɔ nɔ kɛtee gbele mli tɔ̃ɔ;

Efɔleshaa jra wa diɛŋtsɛ.

Wɔkɛ hiɛsɔɔ kple yeɔ Kaimɔ nɛɛ;

Ni ehãa wɔjwɛŋɔ Kristo he,

Bɔ ni ekpɔmɔnɔ

baahã wɔye wɔhe

Kɛjɛ esha kɛ gbele mli kwraa.

 3. Ohiɛ wɔbabua wɔhe naa yɛ,

Bo ofɔ̃ wɔ nine kɛba.

Wɔbaawo ohiɛ nyam; wɔbaajie Kristo yi.

Ohã ebagbo kɛkpɔ̃ wɔ.

Nuŋtsɔ Gbɛkɛ Niyeli nɛɛ hãa

Wɔsɔmɔɔ bo daa kɛ ekãa.

Wɔbaanyiɛ Kristo nɔkwɛmɔnɔ lɛ sɛɛ daa,

No ni wɔbaaná naanɔ wala.